Levítico 3:1 - Qullan Arunaka DC

¹ “Khititix uywanakapata mä qachu vaca jan ukax mä urqu vacsa Tatitumpi sumankthapiñatak luqtkani ukax jan kuna kamacht'at uywäñapawa.

Aymar Bibliia 1986

¹ “Qhititejj uywanacapata mä kachu vaca jan ucajj mä orko vacsa Tatituru sumancthapiñatac loktcani ucasti suma c'umara uywäñapawa.

Qullan Arunaca

¹ “Qhititejj uywanacapata mä kachu vaca jan ucajj mä orko vacsa Tatituru sumancthapiñatac loktcani ucasti suma c'umara uywäñapawa.

Levítico 3:1 Jak'a apnaqawi uñst'ayäwi

1 Crónicas 21:26

ukatsti ukawjan Tatitutakix mä altar luräna, ukatsti nakt'äwinaka, sumankañ wilañchanak luqtäna. Ukat ukspachaw Tatitur art'äna, Tatitusti alaxpachatpach altärxarux nina apayanïna.

Éxodo 20:24

Laq'at nayatak mä altar lurarapipxita, uka altar patan jumanakan ovejanakamatsa, vacanakamatsa sumankañ nakt'at wilañchanak luqtapxitäta. Nayasti jutasin jumanakar aski waxt'äwinakamp phuqt'apxäma, kawkhanakantix nayan sutixan amtatäñap munkä ukkhanakana.

Éxodo 24:5

Ukatsti Israelit waynanakaruw khithäna urqu vacanak kharsupxañapataki, ukatsti Tatitur jach'añchañatak nakt'ayat wilañcha, sumankañ wilañchanak luqtapxañapataki.

Éxodo 29:28

Ukasti Aaronampitaki, wawanakapampitakïniwa. Aka luräwisti israelitanakatak wiñayatak arsut kamachïniwa, uka waxt'ax israelitanakan Tatitump sumankañatak luqtat wilañchäniwa.

Proverbios 7:14

“Nayax sumankäwi wilañchanak luqtañatakiw arsüyäta, jichhasti uka arsutax phuqxtwa.

Ezequiel 43:27

Paqallqu uruw ukham lurapxani, ukat kimsaqallqüri urut nayraqatarusti nakt'at luqtäwinak katuyaña, sumankañ wilañchanak luqtañ qalltapxani. Ukapachaw nayax taqi chuymampi uka wilañcha luqtatanakam katuqapxarakïma. Naya, Tatituw uk arsta” sasa.

Ezequiel 45:15

Ovejanakatsti sapa pä patakat maya apaqapxäta, uka ovejasti suma lik'ïñapawa. Ukasti granonakamp chika waxt'a luqtañatakïniwa, nakt'at waxt'äwitaki, sumankthapiñ wilañcha luqtañatakirakïniwa, jucha luratat pampachatäñataki churaski uka. Naya, Tatituw uk sarakta.

Levítico 1:10

“Luqtañ uywatix nakhantayañatak oveja tamapata jan ukax, cabra tamapat churatäkani ukax, jan kamacht'at mä urqüñapawa,

Levítico 1:3

“Luqtañ uywatix nakhantayañatak urqu vacänixa, ukax jan kuna kamacht'atäñapawa. Katuqatäñatakisti, Tatitun nayraqatapana, jupampi Jikisiñ Carpar mantañäkis ukawjan luqtatäñapawa,

Levítico 17:5

Aka kamachisti kawkïri uywanaktix Israelitanakax pampan jiwayapki ukanak Tatitur luqtapxañapatakiwa, ukatsti Tatitump Jikisiñ Carpäkis uka nayraqatar apanisin sacerdoter churapxañapawa, ukhamat sacerdoten jupanakan Tatitumpi sumankthapiñatak wilañcha luqtxañapataki.

Levítico 3:6

“Khititix sumankthapiñatak mä oveja luqtkani ukasti, urqüpasa, qachüpasa, jan kuna kamacht'atäñapawa.

Levítico 9:18

Aaronasti kawkïri urqu vacampi, urqu ovejamptix israelitanakax sumankthapiña wilañcha luqtañatak irpanipkatayna ukanak kharinukurakïna. Yuqanakapasti Aarón awkiparuw uka wila luqtapxäna, Aaronasti uka wilampix altar thiyanakaruw warakipäna.

Levítico 9:4

ukhamarak mä urqu vacampi, mä urqu ovejampi sumankthapiñatak wilañcha luqtañatak Tatit nayraqatan kharinukuspan. Ukxarusti granonakat aceitempi chapt'at waxt'a apanipxpan, Tatituw jichhürux jumanakar uñstapxätam uka layku” sasa.

Amós 5:22

Nayar jach'añchasa wilañchanak luqtäwinakam janiw munkti, janirakiw granonakat waxt'anak luqtapkista ukanak munkti; janiw katuqkäti lik'i vaca qallunak sumankthapiñ wilañcha luqtatanakamsa.

Malaquías 1:14

Kawkïr jaqitix suma k'umar uywa nayar luqtañatak yaqhachkasina, mä usut uywaki luqtxitaspa ukax ñanqhachatäpan. Nayax ch'aman Reyïtwa, taqi markanakaw axsarapxitu.” Ukham siw taqi ch'aman Tatituxa.

Malaquías 1:8

nayax janis kuna yäqañäkiristsa ukham nayar luqtañatak apanipxtaxa: juykhu uywanaka, kayu p'akit uywanaka, usut uywanaka; ukax ¿jumanakatak walikïskiti? ¡Sarapxam, mark apnaqirinakaman jilïrinakapar ukanak churanipxam, inach jupanakax ‘Walikiw’ sas katuqapxätam!” sasa.

Números 15:8

Wilañchatix mä vaca qallüchi, nakt'ayat luqtäwi luqtañataki, jan ukax, sumankayir wilañchataki, jan ukax, arsüwi phuqhasin luqtächi ukapachasti,

Números 6:14

ukatsti Tatiturux jan kuna kamacht'at mä maran urqu oveja taqpach nakt'ayas luqtani; uka kipkaraki, jan kuna kamacht'at mä maran urqu oveja jucha luratat pampachäwi jikxatañatak wilañcha luqtani, ukatsti jan kuna kamacht'at urqu oveja sumankxañatak wilañcha luqtarakini.

Números 7:17

sumankañ luqta wilañchatakisti, pä urqu vacanaka, phisqa urqu ovejanaka, phisqa chivonaka, mä maran phisqa ovejanaka. Ukanak Aminadab chachan Nahasón yuqapax waxt'atak apäna.

Deuteronomio 12:27

uka chiqansti, Tatit Diosaman altarap patxaruw nakt'at wilañchanakam luqtapxäta, ukatsti kawkïr uywanaktix luqtañatak churapkäta ukanakan wilap Tatit Diosaman altarap patxaruw warakipapxäta, ukat aychap manq'apxäta.

Colosenses 1:20

ukatsti aka uraqpachpan Cristo tuqi sumankañ utjañap munarakïna, uka sumankañasti Criston cruzan jiwatap tuqikiw utjäna.

Hebreos 10:22

Ukat Diosarux chiqpach chuymampi, taqpach iyawsañampi, jan walinakat q'umachat chuymampi, janchinakasas q'uma umampi jariqat jak'achasipxañäni.

1 Juan 1:3

Nanakax kuntix uñjapkta, ist'apkarakta uk jumanakarux yatiyapxsma, ukhamat jumanakan nanakampi mayakïpxañamataki, kunjämatix nanakax Dios Awkimpi, Jesucristo Yuqapampis mayakïpkta ukhama.

Jueces 20:26

Ukhamasti Israelan taqpach soldadonakapampi, taqpach markampix Belenaruw wasitat sarapxäna, Tatit nayraqatan jachiri. Uka urux jan manq'ataw Tatiturux sumankthapiñ nakt'at waxt'äwinakampi, wilañchanakampi luqtapxäna.

Jueces 21:4

Qhipürusti israelitanakax willjtat sartasisin mä altar lurapxäna, ukatsti Tatituruw nakt'at waxt'äwinaka, sumankthapiñ wilañchanak luqtapxäna.