Levítico 23:21 - Qullan Arunaka DC

²¹ “Uka urusti jumanakax mä suma qullan tantachasïwi nayatakix lurapxäta, janirakiw uka urux kunanaksa irnaqapxätati. Kawkhansay jakasipkam, aka kamachisti jumanakatakisa, wawanakamatakis wiñayatakipunïniwa.

Aymar Bibliia 1986

²¹ “Uca urusti jumanacajj mä suma kollana tantachasïwi lurapjjäta, janiraquiw uca urojj ni cuna casta irnakañsa lurapjjätati. Aca leyisti jumanacataquejj wiñayataquiwa, awquinacamataqui, uqhamarac wawanacamataquisa; cawqhansaya jacasipcam jumanacajja.

Qullan Arunaca

²¹ “Uca urusti jumanacajj mä suma kollana tantachasïwi lurapjjäta, janiraquiw uca urojj ni cuna casta irnakañsa lurapjjätati. Aca leyisti jumanacataquejj wiñayataquiwa, awquinacamataqui, uqhamarac wawanacamataquisa; cawqhansaya jacasipcam jumanacajja.

Levítico 23:21 Jak'a apnaqawi uñst'ayäwi

Génesis 17:7

Kuna arust'äwtix jumampix lurktxa, ukhamarak akat qhiparusa wawanakamampi lurkä ukax akawa: Nayax juman Diosamapunïyäwa, wawanakaman Diosaparakïyäwa.

Éxodo 27:21

Aaronampi, wawanakapampiw Tatitump Jikisiñ Carpan arum paqar qhanañapatak uka lamparanak wakichani, arust'äwi lurat arca uñkatasinkki uka cortina qhipäxana. Aka kamachix israelitanakataki, wawanakapan wawanakapatakis wiñayatakïniwa.

Isaías 11:10

Uka uru purinkan ukkhasti, Davidat mayni saraqiripaw uka marka apnaqañatak qunt'asini, taqi markanakaruw mayawjar tantacht'ani. Markapasti jach'ar aptatäña, ch'amanirakiw tukuni.

Levítico 23:14

Tatitun ukaru waxt'anakam apaniñkamasti, janiw t'ant'sa, trigo jamp'sa, jan ukax chhuyu trigsa manq'apxätati. Kawkhansay jakasipkam, aka kamachisti jumanakatakixa, wawanakamatakis wiñayatakipunïniwa.

Levítico 23:2

“Israelitanakar akham sarakim: Akïr urunakaw Tatitutak sat yaqhachat urunakaxa, jumanakasti uka urunakan qullana tantachasïwinak lurasa tantacht'asipxäta.

Levítico 23:20

Sacerdotew uka uywanak mä suma q'apkir waxt'äkaspas ukham Tatit nayraqatan luqtani, t'ant'ampi, pä oveja apanipkäta ukanakamp chika. Ukanakax Tatitur luqtatäniwa, ukasti sacerdotetakïxarakiniwa.

Levítico 23:25

Uka urux jumanakax Tatituruw mä suma nakt'ata waxt'a luqtapxäta, janirakiw uka urux kuna irnaqäwinaksa lurapxätati.”

Levítico 23:31

“Janipun uka urux kuna irnaqañanaksa lurapxamti. Kawkhansay jakasipkam, aka kamachisti jumanakatakisa, wawanakamatakis wiñayatakipunïniwa.

Levítico 23:4

“Tatitur yupaychasa qullan tantachasïwinak lurapxañamataki uka urunakax akïrinakawa.

Levítico 23:7

Qallta urusti mä qullan tantachasïwi lurapxäta. Uka urux janipuniw kuna ch'ama tukuñ irnaqañanaksa lurapxätati.

Levítico 3:17

“Aka kamachisti wiñayatakiwa, wawanakapan wawanakapatakiwa, kawkhantix jumanakax jakapkäta ukkhanxa, janipun wilsa, lik'sa manq'apxamti.”

Números 18:23

Levitanakakiw Tatitump Jikisiñ Carpan luräwinakap phuqhapxani, jupanakarakiw kuna pantjasitanakatsa juchañchat uñjasipxani. Ukasti, jumanakatakisa, wawanakamatakis wiñayatak arsut kamachïniwa. Leví chachat saraqirinakax janiw Israelan uraqinïpkaniti.

Deuteronomio 16:11

Ukatsti Tatit Diosam nayraqatan uruyapxäta, kawkha chiqarutix jupax sutipan utjäwipatak ajlliski uka chiqana, taqpach wawanakamampi, uywatanakamampi, levitanakampi, yaqha markat jutir jaqinakampi, wajchanakampi, ijmanakampi, khitinakatix jumanak taypin jakapki ukanakamp chika.