Levítico 21:23 - Qullan Arunaka DC

²³ ukampis janipuniw velo qhipäxarux mantkaniti, altararus jak'achaskarakiniti, ukhamat jan k'umarätapampix uka qullan uta jan q'añuchaskañapataki. Naya Tatituw uka qullan uta nayatak yaqhachasta.”

Aymar Bibliia 1986

²³ ucampisa janipuniw velo khepäjjaru mantcaniti ni altararusa jac'achascaraquiniti, uqhamat uca jan c'umara cancañapampejja nayan kollana chekjja ñankhachascañapataqui. Naya Tatituw uca kollana chekjja nayataqui yakhachasta uca laycu.”

Qullan Arunaca

²³ ucampisa janipuniw velo khepäjjaru mantcaniti ni altararusa jac'achascaraquiniti, uqhamat uca jan c'umara cancañapampejja nayan kollana chekjja ñankhachascañapataqui. Naya Tatituw uca kollana chekjja nayataqui yakhachasta uca laycu.”

Levítico 21:23 Jak'a apnaqawi uñst'ayäwi

Nehemías 13:29

“¡Diosaxay, sacerdotenakaru, levitanakaru, jumampi arust'äwi luratapar jan yäqapxatapat jupanakar mutuyam!” sasa.

Levítico 15:31

ukhamat jumanakax israelitanakarux q'añu lurañanakat jithiqtayapxäta. Jan ukhamäkani ukasti, uka qullan chiqar q'añunakampi phuqhantapxatapat jiwarapxaniwa.”

Levítico 19:2

“Israelitanakarux akham sarakim: “Jumanakasti qullanäpxam, naya Tatit Diosamax qullanätwa.

Levítico 20:7

“Nayarupun taqpach katuyasipxita, ukatsti qullan jaqinakäpxarakim, nayätwa jumanakan Tatit Diosamaxa.

Levítico 21:12

Tatitun qullan utapatsti janipuniw mistuñapäkiti, janirakiw uka qullan utsa jisk'achayañapäkiti, jupxar luqtañ aceitempi warxatatätap layku. Nayätwa Tatituxa.

Levítico 21:22

Ukampisa janchipan jan k'umaräpxatapatxa, kuna suma waxt'anaktix israelitanakax apanipkani ukanakat manq'asipkaspawa,

Levítico 21:24

Moisesasti taqi aka arunakxa Aaronaru, yuqanakaparu, uka kipkaraki taqi israelita jaqinakaruw yatiyäna.

Levítico 21:6

jan ukasti, Tatit Diosaparuw katuyasipxañapa, jupan sutip janirakiw ñanqhachapxañapäkiti, jupanakaw taqi nakt'at waxt'anaksa, Tatitun t'ant'apsa luqtapxi; ukhamasti jupanakax Tatitutak yaqhachatapuniw sarnaqapxañapa.

Levítico 22:16

khititix uka qullan manq'anakat manq'kani ukasti juchanchatäniwa. Naya Tatituw ukanak yaqhachasta.”

Mateo 23:17

¡Jan amuyun juykhunaka! ¿Kunas juk'amp wali wakisirixa: quriti, jan ukax uka qurir qullan tukuyir Tatitun utapacha?