Levítico 21:22 - Qullan Arunaka DC

²² Ukampisa janchipan jan k'umaräpxatapatxa, kuna suma waxt'anaktix israelitanakax apanipkani ukanakat manq'asipkaspawa,

Aymar Bibliia 1986

²² Ucampisa uca t'ant'atjja, uqhamarac uca kollana jan ucajj sinti kollana yänacatsa mank'ascaniwa,

Qullan Arunaca

²² Ucampisa uca t'ant'atjja, uqhamarac uca kollana jan ucajj sinti kollana yänacatsa mank'ascaniwa,

Levítico 21:22 Jak'a apnaqawi uñst'ayäwi

Levítico 10:12

Ukxarusti Moisesax Aaronampiru, ukatsti Eleazar, Itamar uka pani yuqapampiruw säna: —Tatitutak nakt'ayas luqtatäki uka granonakat jilt'ki ukanak apsunipxam, uksti jan levaduranik altar jak'an manq'apxam, ukan aski qullanätap layku.

Levítico 10:17

—¿Kunatsa uka juchat luqtata chivo qullan utan jan manq'apxta? Jumanakax askiw yatipxta uka waxt'an qullanätapa, Tatitux jumanakaruw churapxtam, ukhamat jumanakan aka jaqinakan juchanakap apapxañamataki, ukhamarak Tatitut juchat pampachatäñ mayipxañamataki.

Levítico 14:13

Uka urqu ovejsti kawkhantix wilañcha luqtañataki uywanakax kharinukusirïki ukkhan kharinukxañapa. Sumankthapiñataki, ukhamarak jucha luratat wilañchanak luqtäwisti sacerdotetakïniwa, ukanakan qullana yänakätap layku.

Levítico 2:10

Uka waxt'at jilt'ki ukasti, Tatitutak aski qullanätap laykux Aaronampitaki, wawanakapampitakïniwa.

Levítico 2:3

Uka jak'u waxt'at jilt'ki ukasti, aski qullanätap laykuxa, Aaronampitaki, wawanakapampitakïxaniwa.

Levítico 21:23

ukampis janipuniw velo qhipäxarux mantkaniti, altararus jak'achaskarakiniti, ukhamat jan k'umarätapampix uka qullan uta jan q'añuchaskañapataki. Naya Tatituw uka qullan uta nayatak yaqhachasta.”

Levítico 22:25

Ukham usuchjat uywanaksti, yaqha markat jutir jaqinakatxa janipuniw Tatitur luqtañatakix katuqapxätati. Tatitux janiw ukham usuchjat uywanak katuqapkätamti.”

Levítico 22:7

Intix jalantxani ukkhaw q'uma uñjasxani, ukapachaw uka qullan yänakat manq'asxani jupan manq'añapätap layku.

Levítico 27:28

“Maynitix Tatitur yänakapat luqtxani, jaqinakäpasa, uywanakäpasa, jan ukax tuti uraqinakäpasa, taqi ukanakax janipuniw aljatäkaspati, janirakiw kutsuyatäkaspasa; taqi kunanakatix Tatitur churatäki ukanakax qullan yänakapuniwa.

Levítico 6:10

10 (3) Sacerdotesti suma lino isimpi, linot lurat calzoncillompiw isthapisini, ukatsti kuna uywatix altarxan nakhantayatäkän ukan qhillap apthapxani, uksti altarat maysa thiyaruw uskurakini.

Levítico 6:29

29 (22) “Aka luqtäwix qullanansa qullanapapuniwa. Uka luqtäwitsti Aaronan sacerdote yuqanakapakiw manq'apxañapa.

Levítico 7:1

“Jucha luräwinakat wilañcha luqtäwix aski qullanawa. Uka tuqinakat yatichäwinakasti akanakawa:

Levítico 7:6

uka wilañcha luqtäwitsti taqi sacerdotenakaw manq'apxani, uka wilañchan qullanätapatxa, kawkhatix qullana chiqäki ukkhan manq'apxani.

Números 18:19

Israelitanakax nayatak yaqhachapkani taqi uka churäwinaksti, jumaruw churäma, ukhamarak jumamp chika jakkani uka yuqall wawamampiru, imill wawamampiru. Uka arsutax wiñayatak arsut kamachiwa. Jan p'akintkaya, wiñay arust'äwiwa, nayaw jumampi, juman saraqirinakamamp uka arust'äwi lurta.”

1 Corintios 9:13

Jumanakax yatipxtawa, khitinakatix Tatitun utapan irnaqapki ukanakaxa, Tatitun utapat jakapxi. Ukampix sañ munta, khitinakatix altaran wilañchanak luqtapki jupanakax luqtat uywanakan aychap manq'apxi.