Levítico 2:1 - Qullan Arunaka DC

¹ “Kunapachatix maynix granonakat wakichata mä luqtäwi Tatitur luqtañatak apanini ukkhaxa, suma jak'ükis ukat apaniñapawa, ukxarusti aceitempi, inciensompi warxatt'atäñapawa.

Aymar Bibliia 1986

¹ “Cunapachatejj maynejj Tatituru granonacat waquichata mä ofrenda loktäwi apanini ucqhajj, suma jac'u apaniñapawa, ucjjarusti aceitempi, inciensompi warjjatt'atäñaparaquiwa.

Qullan Arunaca

¹ “Cunapachatejj maynejj Tatituru granonacat waquichata mä ofrenda loktäwi apanini ucqhajj, suma jac'u apaniñapawa, ucjjarusti aceitempi, inciensompi warjjatt'atäñaparaquiwa.

Levítico 2:1 Jak'a apnaqawi uñst'ayäwi

Éxodo 29:2

Ukxarusti suma trigo jak'ut aceitemp chapuntat jan levaduran t'ant'ampi, tortanakamp luräta, ukatsti aceitemp jawikipat jan levaduran jisk'a muxsa t'ant'anaka,

Isaías 43:23

Janiw ovejanakatsa wilañchanak luqtankistati, janirakiw kuna waxt'äwinaksa luqtankistati. Janiw nayax qarjayksmati waxt'äwinak mayitaxampixa, janirakiw incienso churit sasas p'iq usuyksmati.

Isaías 66:20

Jupanakax taqi markanakat jumanakan marka masinakamarux irpanxapxani, yaqhipanakarux caballonakxata, mayninakarusti carronakxata, mulanakxata, camellonakxat kuna. Jerusalén qullan qulluxanxa, jupanakax nayatak mä waxt'äwjamäniwa, kunjämtix Israelitanakax nayan utaxaru q'uma qirunakar waxt'äwi apanipki ukhama. Naya Tatituw ukham arsta.

Ezequiel 46:20

sarakituwa: “Aka chiqan sacerdotenakax jucha luratanakat luqtatäki uka uywanakan aychanakap wallaqiyapxañapa, granonakat luqtat waxt'anaksa qhathiyapxañapa. Ukhamat jupanakax ukanak uta anqäxar jan apsupkaniti, janirakiw jaqinakas kunatix qullanäki uka yänak llamkt'apkaniti” sasa.

Joel 1:9

ukhamaw sacerdotenakax jachapxi, Diosan utapanxa janiw vinos, trigos Tatitur luqtañatakix utjkxiti.

Joel 2:14

Tatitux inas juchanakamat mutuyañ jan amtaskxchiniti, inas suma waxt'äwinak apayanchini: trigompi, vinompi jupar luqtäwinak churañataki.

Levítico 14:10

“Kimsaqallqu ururusti jan kunas kamacht'at pä urqu ovejampi, marani mä qachu ovejampi, suxta kilo chikatan aceitempi chapt'at suma jak'umpi, ukxarusti niya chikat litro aceitempi, taqi ukanaksti waxt'a luqtañatak apaniñapawa.

Levítico 24:7

Sapa siqinsti q'uma incienso uskum, uka inciensosti t'ant'a lanti amtasiñatak nakt'at waxt'a Tatitutak luqtatäniwa.

Levítico 5:11

“Ukat janipun qullqix utjarapkani pä qhurukutu, jan ukax pä paloman chhiwchhipa alt'asiñatakixa, uka jucha luratapat waxt'a luqtañatakix pä kilo wali suma jak'u apani. Uka jak'urusti janiw aceitempisa, inciensompis warxatañapäkiti jucha luratat mä waxt'a luqtatätap layku.

Levítico 6:7

7 (26) Ukatsti sacerdotex taqi uka juchanaka, kawkïrïpasa, ukanak luratatsti, uka jaqitakix juchat pampachatäñ jikxatani, uka juchasti pampachatäxarakiniwa.”

Levítico 9:17

Granonakat wakichatäki uka waxt'atxa, mä jach'i jach'tasin altarxaruw nakt'ayäna, kuna waxt'anakatix willjtax nakt'ayatäkän ukanakamp chika.

Levítico 9:4

ukhamarak mä urqu vacampi, mä urqu ovejampi sumankthapiñatak wilañcha luqtañatak Tatit nayraqatan kharinukuspan. Ukxarusti granonakat aceitempi chapt'at waxt'a apanipxpan, Tatituw jichhürux jumanakar uñstapxätam uka layku” sasa.

Malaquías 1:11

Taqi akapach uraqin nayarux jach'añchapxitu, taqi chiqanakan nayar jach'añchasax incienso q'aphiyapxi, ukatsti q'uma waxt'äwinakarak luqtapxitu.

Números 18:9

Nakt'at wilañchanakatxa, grano juyra waxt'anakaw jumar wakt'ätam, ukhamarak jucha luratat israelitanakax luqtapkitu uka wilañchanakampi; taqi uka qullan waxt'anakax jumampitaki, wawanakamampitakïniwa.

Números 28:5

Grano juyranakat waxt'ax mä litro oliva aceitempi chapuntata pä kilo suma jak'utäñapawa

Números 29:18

Uka luqtanakamp chikasti grano juyra waxt'anakampi, vino waxt'anakamp lurapxäta, qawqhäkitix urqu vaca qallunakasa, urqu ovejanakasa, mä marani urqu oveja qallunakasa, kunjämtix Diosax siski ukhamarjama.

Números 7:13

Jupan waxt'apasti akänwa: qullqit lurat mä llataku, ukasti waranqa pusi patak kimsa tunkan gramonïnwa, ukatsti qullqit lurat qiru, ukasti paqallq patak paqallq tunkan gramonirakïnwa qullan utjäwin tupuparjama, paypach churäwisti suma jak'ump phuqhantatänwa, aceitemp chaputa, grano achunak waxt'ataki;

Números 7:19

jupasti Nahasón chachan waxt'ap kipkak pachpa waxt'anak luqtarakïna.

Números 8:8

Ukatsti mä vaca qallu katusin apapxpan, aceitemp chaputa suma jak'u waxt'ampi. Jumasti, yaqha vaca qallu katurakïta, jucha luratat pampachäwi jikxatañ wilañcha luqtañataki.

Juan 6:35

Jesusasti jupanakarux sänwa: —Nayätwa jakañ churir t'ant'axa. Nayan ukar jutirix, janiw mayampis manq'at awtjayaskxaniti; nayar iyawsiristi, janiw mayampis umat pharjayaskxaniti.

1 Juan 2:20

Cristo Tatitux Qullan Ajayu churasaw jumanakarux yaqhachapxtam, uksti taqi jumanakaw yatipxta.

1 Juan 2:27

Ukampis jumanakan Qullan Ajayuw utjapxtam, Jesucristox ukampiw jumanakar luqtapxtam, janiw jumanakar khitin yatichañapas munaskxiti, kawkïr Ajaytix jupax churapktam ukaw jumanakarux taqi kun yatichapxtam, yatichäwinakapasti chiqapawa, janiw k'arïkiti. Ukhamay Tatit Jesucristompix mayak jakapxam, kunjämtix Qullan Ajayux yatichapktam ukhamarjama.

Judas 1:20

Jumanakasti munat jilatanaka, Tatiturux katuyasipxapunim, Qullan Ajayun irpatarak Tatitut mayisipxam.

Apocalipsis 8:3

Ukatsti yaqha angelarakiw jutäna, qurit lurat incienso q'apichañ apt'ata, jupasti altar nayräxaruw sayt'asïna. Uka angelasti walja incienso katuqi, qhapaq qunuñ nayraqatankir quri altarxan luqtañataki, qullan markan mayisïwinakapamp chika luqtañataki.