Levítico 19:7 - Qullan Arunaka DC

⁷ Uka luqtat aychatix kimsa urkama manq'atakïskani ukasti, uka wilañchax janiw askïkxaniti, Diosasti janirakiw uka luqtäwi katuqkaniti;

Aymar Bibliia 1986

⁷ Uca ofrenda loktatatejj quimsa urcama mank'ataquïscani, ucasti mä jisc'achcañata uñt'ataraquïniwa, Diosasti janiraquiw uca loktäwjja catokcaniti;

Qullan Arunaca

⁷ Uca ofrenda loktatatejj quimsa urcama mank'ataquïscani, ucasti mä jisc'achcañata uñt'ataraquïniwa, Diosasti janiraquiw uca loktäwjja catokcaniti;

Levítico 19:7 Jak'a apnaqawi uñst'ayäwi

Isaías 1:13

¡Nayatakix uka luqtanakamax jan kunatak askiwa! ¡Janiw apanipxañam munkxti! Inciensonaksa janirak q'aphicharapipxistati, uka q'aphinakax nayatakix janiw askïkxiti. Machaq phaxsi, samarañ uru phunchhäwinakamsa, janiw munkti, Jan wali jaqinakan tantachasitapsa janirakiw munkti. Uka luratanakam nayax wal uñista, janipuniw jumanakat kuns yatiñ munkti.

Isaías 65:4

Uka markax amay imat patanakan qunupxi, arumanakas jamas p'iyanakan qharapxi, jiwatanakar yupaychañatakiw ukankapxi; khuchhi aycha manq'apxi, phukhunakaparusti k'ari diosanakar luqtat manq'anakampiw phuqhantapxi.

Isaías 66:3

Ukampisa mä urqu vaca wilañcha luqtapki, jaqirus jiwayasipkaraki ukham jaqinakaw utji; mä ovejsa wilañcha luqtañatak kharinukupki, ukamp chiksti anurus jiwayasipkaraki, granonak luqtasasti, ukampi chikxa khuchhin wilapsa luqtasipki, inciensonak q'uphichasasti, k'ari diosanakarus yupaychasipkaraki. Uka jaqinakax kuntix munapki ukhampun lurapxi, ukham lurañ amtapxaraki.

Jeremías 16:18

Nayraqatax mä ukkhampi jupanakarux mutuyä ñanqhanaka, juchanak lurapxatapata, uka axtaskañ diosanakapampisti nayan suma uraqix q'añuchapxatapata, kawkïr uraqtix jupanakar churkta uka uraqinsti nayax axtaskta ukanak lurapxarakïna.”

Levítico 19:6

Luqtatäkani uka uywan aychapsti uka urpachaw manq'antatäxañapa, jan ukax qhipürusa; ukampisa kunatix kimsïri urutak jilt'kani ukasti nakhantayatäxañapawa.

Levítico 19:8

khititix manq'kani ukasti juchap laykuw mutuyat uñjasini, markap taypitsa jaqunukutäniwa, kunatix Tatitur luqtatäki ukar jan yäqatap layku.

Levítico 22:23

Kawkïr urqu vacatixa, jan ukax urqu ovejan kayunakapach ch'ulla ch'ulläni uka uywxa, chuymaman luqtañ munatamat luqtaskasmawa, ukampis mä arsüwim phuqhañ munasintix luqtäta ukkhaxa, janiw katuqatäkätati.

Levítico 22:25

Ukham usuchjat uywanaksti, yaqha markat jutir jaqinakatxa janipuniw Tatitur luqtañatakix katuqapxätati. Tatitux janiw ukham usuchjat uywanak katuqapkätamti.”