Levítico 12:3 - Qullan Arunaka DC

³ Uka yuqall wawasti kimsaqallqu uru saraqataruw circuncisión luräwi katuqani.

Aymar Bibliia 1986

^3-4 Uca yokall wawasti quimsakallko urururaquiw chhojjorasiñapan lip'ichipajj qharekatäjjani, ucampisa taycajj quimsa tunca quimsani urunacampiw k'omachasiraquini wila jutatapatjja. Cunanacatejj Tatitur loktatäqui ucanacsti janipuniw llamct'caniti, janiraquiw Tatitumpi Jiquisiñ Carparus mantcaraquiniti, k'omachasiña urunacapan phokhasiñapcamajja.

Qullan Arunaca

^3-4 Uca yokall wawasti quimsakallko urururaquiw chhojjorasiñapan lip'ichipajj qharekatäjjani, ucampisa taycajj quimsa tunca quimsani urunacampiw k'omachasiraquini wila jutatapatjja. Cunanacatejj Tatitur loktatäqui ucanacsti janipuniw llamct'caniti, janiraquiw Tatitumpi Jiquisiñ Carparus mantcaraquiniti, k'omachasiña urunacapan phokhasiñapcamajja.

Levítico 12:3 Jak'a apnaqawi uñst'ayäwi

Éxodo 22:30

30 (29) uka kipkarak vacanakamana, ovejanakaman nayrïr qallupsa. Uka uywanakaman qallunakapasti wawachatatxa paqallqu uruw taykapampïni, kimsaqallqür urusti nayaruw churxitäta.

Levítico 12:4

Ukampisa uka taykax kimsa tunka kimsani urunakampiw wila jutatapat q'umachasiskani. Kunanakatix Tatitur luqtatäki ukanaksti janipuniw llamkt'kaniti, q'umachasiñ urunakapan phuqhasiñapkamax janirakiw Tatitump Jikisiñ Carparus mantkaniti.

Levítico 15:3

Ukham usutäsin maynitix jathap aliqak aywiyatapata, jan ukax uka pachpa jathas chhuxurasiñap llupantatapatxa, uka jaqix q'añut uñt'atakipunïniwa.

Lucas 1:59

Kimsaqallqu uru saraqatarusti, wawarux circuncisión katuqayiriw sarapxäna, ukatsti awkipan sutipampiw uka wawarux sutichañ munapxäna: —Zacariasäpan —sasa.

Lucas 2:21

Kimsaqallqu uru saraqatarusti, wawarux circuncisión katuqayapxäna, ukatsti Jesús sasaw sutichapxäna, kunjämtix angelax Mariar siskatayna, janïr usurïkän ukapach yatiykän ukarjama.

Hechos 15:1

Uka urunakansti yaqhip jaqinakaw Judea chiqat Antioquía markar puripxatayna. Uka jaqinakasti jilatanakaruw yatichañ qalltapxäna: “Qhispiyasiñatakix wakisiw Moisesan kamachiparjam circuncisión katuqañaxa” sasa.

Romanos 3:19

Kuntix kamachix siski uk yatipxtanwa, khitinakatix kamachirjama sarnaqapki ukanakaruw parli, taqin amukt'apxañapataki, taqi akapachankirinakax Diosan taripäwipar puriñapataki;

Gálatas 3:17

Nayasti sistwa: Diosax Abrahamampiw mä arust'äwi lurawayi, uksti qhanañchawayiwa. Diosan arsutapax janiw ina ch'usar tukuyatäkaspati, uka arust'äwis janirakiw pusi patak kimsa tunkan mara qhipat Moisesar churat kamachimp inamayar tukuyatäkaspati.

Gálatas 5:3

Circuncisión katuqir jaqinakaruw wasitat sista: Moisesan kamachiparjam taqpach phuqhas sarnaqañapawa.

Deuteronomio 30:6

Tatituw jumanakan chuymanakamampiru, saraqirinakaman chuymapampir uka suma arust'äwin chimpup uchapxätam, juparu taqi chuymamampi, taqi jakañamampi munasiñamataki, ukhamat walja maranak jakapxañamataki.

Filipenses 3:5

Yuritaxat kimsaqallq uru saraqataru circuncisión katuqatätwa, Israelankir jaqïtwa, Benjaminan ayllupankirïtwa, hebreo jaqïtwa, awkixampi, taykaxampix, hebreo jaqinakänwa. Judeankir jaqinakan kamachiparjamasti, fariseo tamankir jaqïtwa;

Colosenses 2:11

Cristonkxapxatam laykuw jumanakax circuncisión katuqxapxtaxa, janiw jaqin circuncisión luratapampiti, jan ukasti Diosax Cristompi mayachapktam uka layku, ukatsti jucha lurañanakat qhispiyapxaraktam.