Levítico 10:9 - Qullan Arunaka DC

⁹ “Kunapachatix jumasa, yuqanakamasa Tatitump Jikisiñ Carpar mantañatakïpxäta ukapachax, janiw vinsa, kuna p'usqtat umañanaksa umapxätati, jan jiwapxañamataki. Aka arsüwisti, wawanakaman wawanakapatak mä kamachiwa,

Aymar Bibliia 1986

⁹ “Cunapachatejj jumasa, uqhamarac wawanacamasa Tatitumpi Jiquisiñ Carparu mantañataquïpjjäta ucapachasti janiw vino umapjjätati ni cuna casta p'osktata umañanacsa, ucataraqui jiwarasipcasma. Aca arsüwisti mä leyiwa, wawanacaman wawanacapataqui,

Qullan Arunaca

⁹ “Cunapachatejj jumasa, uqhamarac wawanacamasa Tatitumpi Jiquisiñ Carparu mantañataquïpjjäta ucapachasti janiw vino umapjjätati ni cuna casta p'osktata umañanacsa, ucataraqui jiwarasipcasma. Aca arsüwisti mä leyiwa, wawanacaman wawanacapataqui,

Levítico 10:9 Jak'a apnaqawi uñst'ayäwi

Éxodo 27:21

Aaronampi, wawanakapampiw Tatitump Jikisiñ Carpan arum paqar qhanañapatak uka lamparanak wakichani, arust'äwi lurat arca uñkatasinkki uka cortina qhipäxana. Aka kamachix israelitanakataki, wawanakapan wawanakapatakis wiñayatakïniwa.

Proverbios 20:1

Vinox jaqirux jan amuyun tukuyi, machjayir umañanakasti jan walinak parlayaraki; machjasisin janiw khitis kuns yatiñ kankañamp lurkiti.

Isaías 28:7

Profetanakasa, sacerdotenakasa, vino umantasaw uksar aksar liwinaqtas sarnaqapxi. Tatitun unañchäwi arunakap katuqañatakix vinompi q'ala machjatäpxiwa, jan walt'añanak taripañatakis machantatäpxiwa.

Ezequiel 44:21

Manqhankir uta anqäxar mantañatakisti janipuniw kawkïr sacerdotes vino umañapäkiti.

Oseas 4:11

“Wachuqa juchanakan sarnaqañampi, vino machañanakampixa, jaqirux jan amuyun tukuyi.

Levítico 10:8

Ukampis Tatitux Aaronampiw parläna; akham sarakïnwa:

Levítico 3:17

“Aka kamachisti wiñayatakiwa, wawanakapan wawanakapatakiwa, kawkhantix jumanakax jakapkäta ukkhanxa, janipun wilsa, lik'sa manq'apxamti.”

Números 6:20

Ukatsti sacerdotew uka uywan jaraphipa, lankhu charapa Tatit nayraqatan luqtani, ukanakasti qullanawa, sacerdotenakar churañatakikiwa. Taqi ukanak phuqhasasti, nazireo jaqix vino umxarakispawa.

Números 6:3

janiw kuna vinonaksa, machjayir umañanaksa umañapäkiti, janirakiw p'usqtat umañanakat lurat vinagre umañapäkiti, uvanakat ch'iwrsut umapsa umañapäkiti; janirakiw uvanak manq'añapäkiti, chhuyüpasa, wañäpasa.

Lucas 1:15

aka wawax Tatit nayraqatan wali aytatäniwa. Janiw vino umkaniti, janirakiw kuna umañanaksa umkaniti, jupax janïr yurkis ukkhatpach Qullan Ajayun phuqt'atäniwa.

Efesios 5:18

Jan machjasipxamti, machjasiñax jan waliruw puriyi; ukatsipana Qullan Ajayumpi phuqhantasipxam.

1 Timoteo 3:3

janiw machirïñapäkiti, nuwasir chuymanïñapäkisa, janirakiw qullqi munirïñapäkiti, jan ukasti, khuyapayasiri, munasir suma jaqïñapawa.

1 Timoteo 3:8

Diacononakax aytat jaqit uñt'atäñapawa, jupanakax janiw arsutap p'akintirïñapäkiti, janiw machañar chuyma churatäñapäkiti, janirakiw jan wali tuqit yänak jikxatirïñapäkisa.

1 Timoteo 5:23

Purak usumpi sapa kuti t'aqhisitam laykusti, jan uma sapak umamti, jan ukasti, mä juk'a vinomp umt'am.

Tito 1:7

Khititix jilïr irpirit uchatäki ukax Tatitun yänakap uñjirit uchatawa, ukat chiqap jakañapax wakisi. Janiw jalta chuymäñapäkiti, janirakiw jan wali chuymanïñapäkisa, janiw machirïñapäkiti, ch'axwañ munirïñapäkisa, janirakiw lunthatasiñampi qullqsa jikxatañ munirïñapäkiti.