Levítico 10:1 - Qullan Arunaka DC

¹ Nadab, Abihú chachanakax Aaronan yuqanakapänwa, jupanakasti nina sank'a uchañ katusinxa, ukaru ninampi, inciensompi apxatasin Tatit nayaraqatan luqtapxäna, uka ninasti mayjänwa, janiw kunjämtix Tatitux siskatayna ukhamar lurapkänti.

Aymar Bibliia 1986

¹ Nadab, uqhamarac Abiú ucanacasti Aaronan yokanacapänwa, jupanacasti mä nina wayuña catusinjja, ucaruw ninampi uscupjjaraquïna, uqhamarac inciensompi, ucat jupanacajj Tatitu nayrakatanwa cuna nintejj Tatitojj jan loktapjjamti siscäna uca nina loktapjjäna.

Qullan Arunaca

¹ Nadab, uqhamarac Abiú ucanacasti Aaronan yokanacapänwa, jupanacasti mä nina wayuña catusinjja, ucaruw ninampi uscupjjaraquïna, uqhamarac inciensompi, ucat jupanacajj Tatitu nayrakatanwa cuna nintejj Tatitojj jan loktapjjamti siscäna uca nina loktapjjäna.

Levítico 10:1 Jak'a apnaqawi uñst'ayäwi

1 Reyes 18:38

Ukapachaw Tatitun ninapax saraqanïna, ukatsti wilañcha luqtarux q'al nakhantäna, ukhamaraki lawanakamppacha, qalanakamppacha, laq'amppacha, q'awankkän uka umsa q'al wañsuyäna.

Salmos 141:2

Mayisitaxax incienso q'aphir uñtat nayraqatamar makhatanpan, luqatatat amparanakaxasti, jayp'u luqtäwjamäpan.

Éxodo 24:1

Tatitux Moisesarux sänwa: —Nayan ukar makhatanim, Aarón, Nadab, Abihú, israelitanakan paqallq tunka jilïrinakapampi; ukampis janiw jak'achasinipxitätati, jaya chiqar purisin ukawjaruw killt'asipxäta.

Éxodo 24:9

Moisesasti qulluruw makhatäna Aaronampi, Nadab, Abihú, ukhamarak Israelankir paqallq tunka jilïr jaqinakampi.

Éxodo 27:3

Uka altaran apnaqañ yänakapax broncet luratkamakïñapawa: qhilla uchañanaka, lampanaka, jach'a qirunaka, achtayañanaka, nina sank'a uchañanaka.

Éxodo 28:1

“Nayax israelitanak taypit, Aarón jilamampiru, Nadab, Abihú, Eleazar, Itamar yuqanakapampiruw nayan sacerdotenakaxäñapatak ajllista. Ukhamasti jupanakax jumamp chikäñapawa.

Éxodo 31:11

qullan chiqawjatakisti, luqtañ aceite, suma q'apkir incienso. Jupanakaw kunjämtix nayax sisksma ukhamarjam taqi kun lurapxañapa.”

Éxodo 37:29

Besalel chachax luqtañ qullan aceite wakichäna, ukatsti suma q'apkir incienso wakicharakïna, kamisatix suma q'apkir qullanak luririx lurki ukhama.

Éxodo 38:3

Altaratakisti broncetkamak taqpach yänakap lurarakïna, qhilla apsuñanaka, lampanaka, jach'a qirunaka, achtayañanaka, nina sank'a nakhayañanaka.

Éxodo 40:27

uka altarxarusti Moisesax suma q'apkir incienso nakt'ayäna, kunjämtix Tatitux siskatayna ukhamarjama.

Éxodo 6:23

Aaronasti, Aminadab chachan Eliseba phuchhapampiw jaqichasïna, Naasón chachan kullakapa. Aaronan wawanakapasti: Nadab, Abihú, Itamar, Eleazar, jupanakawa.

Éxodo 8:27

27 (23) Nanakax wasarar sarapxañaxawa, kimsür sararu, ukan nanakan Tatit Diosaxarux wilañcha luqtanipxä, kunjämtix jupax nanakar sapkitu ukhamarjama.

Jeremías 19:5

Ukhamarus Baal diosar wawanakap wilañcha luqtañatakiw altaranak lurarasipxaraki, janiw nayax ukham lurapxañap jupanakar siskäyätti, janirakiw ukham lurapxañapsa amtkäyätti.

Jeremías 32:35

Ben-hinom sata qhirwansti Baal diosatakix altaranak lurasipxi, ukat juk'ampi jan wali luratanakapax axtasiyitu, uka altaranakan imill wawanakaparu, yuqall wawanakapar Moloc diosar wilañcha luqtapxi, ukhamat Judá markarux juchar puriyapxi, uka axtaskañ lurañanaksti janiw nayax jupanakarux ‘Lurapxam’ siskti, janirakiw akch'as amuyuxarux ukanakax jutkarakïnti.

Jeremías 44:15

Ukhamasti taqi khitinakatix warminakapan yaqha diosanakar inciensonak luqtasipxatap yatipxäna ukanakasti, ukan jikxatasipkän taqi uka warminakasa, waljaniw tantacht'asipxäna, ukhamaraki kawkïr judionakatix Egipto tuqin utjapkäna ukanakasa, taqiniw Jeremiasarux sapxarakïna:

Jeremías 44:8

Aka Egipto markar jakir jutasax yaqha diosanakar yupaychasaw incienso luqtasipxta, ukham luratanakamampix jumanakpachakiw ñanqha lurasisipktaxa, taqi markanakan uñjkañaw jumanakax t'unjatäpxäta, uka markanak nayraqatansti mä p'inqaw tukupxarakïta.

Jeremías 7:31

Ben-hinom qhirwansti Tófet sat nina phichhaña chiqaruw altar wakichapxi, ukan imill wawarusa jan ukax yuqall wawarusa phichhantapxi, nayasti janipuniw jupanakarux ukanak lurapxam siskti, janirakiw amtäwixansa ukanakax utjkänti.

Levítico 16:1

Tatitux Moisesampiw parläna Aaronan yuqanakapan jiwarxatap qhipata, jupanakasti Tatitun nayraqatapar sinti jak'achasipxatap laykuw jiwarapxäna.

Levítico 16:12

Ukxarusti altarxan Tatit nayraqatan jikxataski uka sank'anakampi phuqxatat incienso q'aphichañ aptani, ukhamarak pä jach'i k'iyat suma q'apkir inciensompi, uksti velo qhipäxaruw apani,

Levítico 22:9

“Jupanakarusti nayan kamachinakaxar phuqhas sarnaqapxpan sarakim, janitix uka kamachinakar phuqhapkani ukasti, jiwarapxaniwa. Naya Tatituw jupanakarux nayatak yaqhachasta.

Levítico 9:24

Tatitun nayraqatapatsti ninaw mistüna, uka ninasti kawkïri uywatix nakhantayatäñapäkäna, kuna lik'itix altarxan apnuqatäkän taqi ukanak nakhantäna. Taqi ukanak uñjasinsti, israelitanakax taqpachaniw kusisiñat wal arnaqasipxäna, ukatsti killt'asisin paranakapsa uraqir puriyañkamaw alt'apxarakïna.

Números 16:46

46 (11) Moisesasti Aaronar sänwa: —Incienso q'aphichañam aptanim, ukarusti altarat apaqasin nina sank'a uchäta, inciensompiw ukar warxatarakïta; ukatsti jank'akiw israelitanak thiyar saräta, Tatitut jupanakatak pampachäwi mayirapïta, Tatitux wali q'apisitawa, jaqinakaruw mutuyaski —sasa.

Números 26:61

Ukampis Nadab chachampi, Abihú chachampix, Tatitun iwxt'apar jan ist'as incienso luqtapxatap laykuw jiwarapxäna.

Números 4:18

“Jan jumanakax munapxamti, levitanak taypit Quehat chachan wila masinakapan chhaqtapxañapa.

Deuteronomio 12:32

“Ukhamasti, taqi aka kamachinak phuqhapxam, ukhamarjam sarnaqapxarakim, jan kunsa k'ichxatasa, janirak kuns k'ichiqasa.

Deuteronomio 17:3

yaqha diosanakar yupaychasina, ukanakar killt'asisaraki, phaxsirüpasa, intirüpasa, warawaranakarüpasa, kuna luräwinaktix Diosax jan lurañas munki ukanak lurasa,

Deuteronomio 4:2

Churapksma uka kamachi arunakarux janipun jilxatayapxamti, janirak apaqapxamsa; jan ukasti, Tatit Diosaman kamachi arunakap phuqhapxam.

Hebreos 9:4

ukawjansti qurit lurat incienso nakt'ayañ altarampi, qurimpi apakipat arust'äwi arcampiw utjäna. Uka arca manqhansti qurit lurat mä chatuw utjäna, uka chatunsti maná sat t'ant'aw uchatäna; Aaronan thujrupax ch'uxñatatkatayna, ukhamarak tunka kamachi qillqat qalanakas arca manqhankänwa.