Jueces 7:4 - Qullan Arunaka DC

⁴ Ukampis Tatitux Gedeonar saskakïnwa: “Jaqinakax waljanikïskiwa. Uma umt'ir jupanakar irpam, nayan jupanakar yant'añataki, ukat nayax khitinakatix jumamp chika sarapkani, jan ukax janisa uk yatiyxäma” sasa.

Aymar Bibliia 1986

⁴ Ucampis Diosajj sascaquïnwa: “Jakenacajj waljaniquïsquiwa. Uca laycusti uma umt'iri anaquim, ucanwa nayajja jupanacaru yant'äjja. Ucatwa nayajj saraquïma qhitinacatejj jumampi sarapcani, jan ucajj janisa sarapcani ucjja” sasa.

Qullan Arunaca

⁴ Ucampis Diosajj sascaquïnwa: “Jakenacajj waljaniquïsquiwa. Uca laycusti uma umt'iri anaquim, ucanwa nayajja jupanacaru yant'äjja. Ucatwa nayajj saraquïma qhitinacatejj jumampi sarapcani, jan ucajj janisa sarapcani ucjja” sasa.

Jueces 7:4 Jak'a apnaqawi uñst'ayäwi

Génesis 22:1

Mä qawqha maranak qhipatsti, Diosax Abrahaman iyawsañap yant'äna, ukat sarakïna: —¡Abraham! —sasa. —Akankasktwa —sasaw Abrahamax säna.

Job 23:10

Jupaw sarnaqäwixa yati; yant'atasti suma qurir uñtat q'umaw mistü.

Salmos 33:16

Janiw kawkïr reyis jach'a nuwasir tamanïtap layku atipkiti, janirakiw nuwasir jaqis wali ch'amanïtap layku qhispkiti;

Salmos 66:10

Diosay, jumaw yant'arux puriyapxista, ¡qullqirjamaw q'umachsupxista!

Salmos 7:9

9 (10) Chiqapar uñjir Tatay, jumaw amtäwinak uñakiptaxa, chuyma manqha amtäwinaka, ¡juchararanakan ñanqha lurañanakap tukusiyam, aski jaqirusti thuruñchat sayt'ayam!

Jueces 7:5

Gedeonasti jaqinakarux um umt'iriw irpäna, Tatitusti juparux sänwa: “Amparapar um phuxttasin anunakjam laxuntirirux yaqharuw uchäta, alxatasin umt'irirusti yaqharuw ucharakïta” sasa.

1 Samuel 14:6

Jonatanasti yanapiriparuw säna: —Jina, mäpit jawir khurkatar makhatañäni, kawkhankkitix Tatitur jan uñt'ir soldadonakax ukkharu. Inampis Tatitux mä kunsa jiwasatak luraskaspa, jupatakix janiw ch'amäkiti walja jaqimpi, jan ukax juk'a jaqimpi atipt'ayañaxa —sasa. Yanapiripax sänwa:

1 Samuel 16:7

Ukampis Tatitux sänwa: “Jan jumax uñnaqapaki, ukhamarak jach'a tansätapaksa uñkatkamti, janiw nayax jupar ajlliskti. Jaqix uñnaqak uñkati, ukampisa nayax jaqin chuymap uñjaraktxa” sasa.