Jueces 7:3 - Qullan Arunaka DC

³ Jichhasti jaqinakar yatiyam, khitinakatix llajllasipki ukanakax utanakapar sarxpan” sasa. Ukhamat Gedeonax uk yatiñataki jaqinakar yant'äna, ukatsti pä tunka payani waranqa jaqinakaw sarxapxäna, tunka waranqa jaqinakakiw qhiparapxäna.

Aymar Bibliia 1986

³ Jichhasti yatiyamay jakenacaru qhititejj ajjsarqui ucajja cuttjjpan utaparu” sasa. Ucatsti Gedeonajj yatiñataquejj yant'änwa ucatjja pä tunca payani waranka jakenacaw sarjjapjjäna, tunca waranka jakenacaquiw kheparjjapjjäna.

Qullan Arunaca

³ Jichhasti yatiyamay jakenacaru qhititejj ajjsarqui ucajja cuttjjpan utaparu” sasa. Ucatsti Gedeonajj yatiñataquejj yant'änwa ucatjja pä tunca payani waranka jakenacaw sarjjapjjäna, tunca waranka jakenacaquiw kheparjjapjjäna.

Jueces 7:3 Jak'a apnaqawi uñst'ayäwi

Mateo 13:21

jan suma saphinïpxatap laykusti, janiw sum sayt'asipkiti; kunapachatix Diosar arkapxatap layku t'aqhisiñanakasa, jan walt'añanakas jutchi, ukkhax jank'akiw uka suma arunakat mayjt'asxapxi.

Mateo 20:16

“Ukhamasti qhipankirinakax nayrankaniwa; nayrankirinakasti qhipankarakiniwa. Jawsatanakax waljaniwa, ajllitanakasti juk'anikiwa”.

Deuteronomio 20:8

“Ukatsti jilïrinakax ejercitonkirinakar sasipkakiniwa akham sasa: ‘Jumanakat khititix axsarayaschi, ch'amapsa jiwt'ayasirakchi ukax, utapar sarxpan jan mayni jilanakapar llajllasiyañapataki’ sasa.

Apocalipsis 17:14

Ukatsti, uka jach'a axsarkañ animalampi, uka tunka reyinakampix Corderompiw nuwasipxani, ukampis Corderompi jupar arkirinakampix ukanakar atipjaniwa, Corderox munañaninakansa Munañanipa, reyinakansa Reyipätap layku. Jupar arkirinakax jupampïniwa. Diosan jawsata ajllitanakapawa, suma arkirinakäpxatap layku” sasa.

Apocalipsis 21:8

Ukampis axsaririnaka, jan iyawsirinaka, uñisisirinaka, jaqi jiwayirinaka, wachuqa juchan sarnaqirinaka, layqasirinaka, idolonakar yupaychirinaka, k'arisirinakampisti, azufrempi nakhir nina qutar jaquntataw uñjasipxani, ukasti payïri jiwawa” sasa.

Jueces 6:35

Manasés ayllunkirinakar jawsayiriw yatiyirinak khithäna. Ukatsti Aser, Zabulón, Neftalí ayllunkirinakar jawsayiriw yatiyirinak khitharakïna, jupanakasti jupamp mayacht'asiñatakiw jutapxäna.