Jueces 7:12 - Qullan Arunaka DC

¹² Madianitanaka, amalecitanaka, inti jalsu tuqinkir jaqinakax qhirwa chiqawjan t'iju t'ijunakjamaw ch'iqitatapxatayna, jupanakan camellonakapax quta thiyan utjir ch'allar uñtatänwa.

Aymar Bibliia 1986

¹² Ucampis madianitanaca, amalecitanaca, uqhamarac inti jalsu toket jutir jakenacasa valle chekanjja t'ijut'iju lak'onacjamaw aywitatapjjatayna. Jupanacan camellonacapasti waljapunïnwa, kota thiya ch'allaru uñtata.

Qullan Arunaca

¹² Ucampis madianitanaca, amalecitanaca, uqhamarac inti jalsu toket jutir jakenacasa valle chekanjja t'ijut'iju lak'onacjamaw aywitatapjjatayna. Jupanacan camellonacapasti waljapunïnwa, kota thiya ch'allaru uñtata.

Jueces 7:12 Jak'a apnaqawi uñst'ayäwi

1 Reyes 20:27

Israelitanakasti ejercitoparux uñakiparakïnwa, manq'añanakap churawayasinsti sirionakan ejercitopar jikxatiriw mistuwayapxäna. Israel ejercitox Siria ejerciton nayraqatapanxa, pä jisk'a tama cabranakar uñtasitakïnwa, sirio jaqinakasti taqi uka uraqpacharuw utjnuqtapxäna.

1 Reyes 4:30

30 (10) Salomonan yatiñ kankañapax jilt'atänwa, Egiptonkir yatiñan jaqinakat sipana, inti jalsu tuqinkir jaqinakat sipana.

Salmos 3:1

1 (2) Tatay, waljaniw nayar uñisirinakaxa, waljaniw nayatakix sayt'apxi,

Salmos 33:16

Janiw kawkïr reyis jach'a nuwasir tamanïtap layku atipkiti, janirakiw nuwasir jaqis wali ch'amanïtap layku qhispkiti;

Jeremías 46:23

¡Uka jach'a ch'uminakapsti phat'arpayapxaniwa! Naya, Tatituw uk arsta. T'iju t'ijunakjam waljanipunïpxänwa, jan khitinsa jakt'kañjamaraki.

Josué 11:4

Taqi uka reyinakasti soldadonakapampi, walja caballonakampi, nuwasiñ carronakapampiw misttanipxäna. Soldadonakax jan jakt'kaya quta ch'allar uñtata walt'atapunïnwa.

Jueces 6:3

Israelitanakax yapuchapkän ukapachaxa, madianitanakampi, amalecitanakampi, inti jalsu tuqinkir jaqinakampiw jupanakar nuwantir juntantapxäna.

Jueces 6:33

Uka qhipatsti, taqpach madianitanakampi, amalecitanakampi, inti jalsu tuqinkir jaqinakampix mayar tukt'asaw Jordán jawir makhatapxäna, ukatsti Jezreel qhirwaruw utjnuqtapxäna.

Jueces 6:5

Jupanakax chhujlla utanakapampi, ukhamarak walja uywanakapampi jutasin taqi kunanak tukjayapxäna. Jupanakax t'iju t'ijunakar uñtataw walja camellonakapampi jutantapxäna.

Jueces 7:13

Gedeonasti uñisirinakapan campamentopar jak'achaskasin ist'äna, mä soldadon mayni masiparu samkasitap yatiyaskiri. Juparux sänwa: —Nayax akham samkasta, cebadat lurat mä t'ant'aw campamentoskam quruminïna, ukatsti mä chhujlla utar jalkatasinsti uka chhujlla utaruw tinkuyäna —sasa.

Jueces 8:10

Zébah, Salmuná reyinakax tunka phisqan waranqa jaqinakampiw Carcor chiqankasipkäna, inti jalsu tuqinkir ejercitot ukkhakiw jilt'xäna, jupanakat patak pä tunkan waranqaw jiwarapxatayna.

1 Samuel 13:5

Mä tuqitsti, filisteonakax israelitanakampi nuwasiñatakix tantachasipxarakïnwa. Jupanakansti kimsa tunk waranqa nuwasiñ carronaka, suxta waranqa caballería soldadonakaw utjäna, kayuk sarantir soldadonakas quta ch'allar uñtat jan jakt'kayarakïnwa. Ukatsti Micmás chiqar sarasax Bet-avén sat inti jalsu tuqiruw campamentop wakicht'asipxäna.

1 Samuel 30:17

Ukhamasti Davidax willjtat jayp'ukamaw jupanakarux q'al tukjäna, ukampis pusi patak waynanakakiw camellonakapar lat'xatawayasin jaltxapxatayna.