Jueces 7:13 - Qullan Arunaka DC

¹³ Gedeonasti uñisirinakapan campamentopar jak'achaskasin ist'äna, mä soldadon mayni masiparu samkasitap yatiyaskiri. Juparux sänwa: —Nayax akham samkasta, cebadat lurat mä t'ant'aw campamentoskam quruminïna, ukatsti mä chhujlla utar jalkatasinsti uka chhujlla utaruw tinkuyäna —sasa.

Aymar Bibliia 1986

¹³ Gedeonasti enemigonacapan campamentonacapar jaq'achasisasti ist'änwa mä soldadojja mayni masiparu samcasitapa yatiyasquiri: —Nayasti aqhama samcasta mä cebadata lurata t'ant'awa amstata korumini campamentoscama, ucatsti mä utaru jalcatasinsti uca utwa take tincuyi —sasa.

Qullan Arunaca

¹³ Gedeonasti enemigonacapan campamentonacapar jaq'achasisasti ist'änwa mä soldadojja mayni masiparu samcasitapa yatiyasquiri: —Nayasti aqhama samcasta mä cebadata lurata t'ant'awa amstata korumini campamentoscama, ucatsti mä utaru jalcatasinsti uca utwa take tincuyi —sasa.

Jueces 7:13 Jak'a apnaqawi uñst'ayäwi

1 Corintios 1:27

Diosax jaqinakan pisi amuyunit uñt'at jaqinakaruw jach'a amuyuninakar p'inqachañatak ajllisi, ukhamarakiw jaqinakan pisi ch'amanit uñt'atanakaru, jila ch'amaninakar p'inqachañatak ajllisi.

Jueces 3:15

ukhamïpan israelitanakax Tatitur art'asxapxäna, Tatitusti arnaqasitanakap ist'asin, mä qhispiyir jupanak taypit sayt'ayäna. Uka qhispiyirix Benjamín ayllunkiri, Guerá chachan Ehud yuqapänwa, jupasti ch'iqachünwa. Mä urusti, israelitanakax Ehud chacha tuqiw Eglón reyirux qullqi apayapxäna.

Jueces 3:31

Uka qhipatsti israelitanakan jilïripax Samgar satänwa, jupasti Anat chachan yuqapänwa, jupax hierro k'achin lawampiw patak filisteonak jiwarayäna. Ukhamat Samgar chachax israelitanakar qhispiyäna.

Jueces 4:21

Ukampis Sisarax wali qaritätapat laykux ikjawayxäna. Ukham uñjasinsti, Jael warmix mä martillompi, chhujlla utap katxäsir ch'akurumpi aptasinxa, kawkhantix Sisarax ikiskäna ukkharuw k'achat jak'achasïna, ukatsti uka ch'akurumpiw p'iqipat liq'intäna uraqkam puriyasa. Ukhamaw Sisarax jiwäna.

Jueces 4:9

Débora warmisti sänwa: —Ukhamasti nayax jumamp chikaw sarä, ukampis aka nuwasiñan atipjkäta ukax janiw juman jach'achasiñamatakïkaniti, Tatitux mä warmin amparaparuw Sísara chacha katuyani —sasa. Ukatsti Débora warmix Barac chachampiw Quedes chiqar saräna.

Jueces 6:15

Gedeonasti saskakïnwa: —Tatay, ¿kunjämarak Israel markar qhispiyästi? Nayan wila masi tamaxax, Manasés ayllunkirinak taypin jan yäqañ tamakiwa, nayasti wila masi tamax taypin jan yäqatakïtwa —sasa.

Jueces 7:12

Madianitanaka, amalecitanaka, inti jalsu tuqinkir jaqinakax qhirwa chiqawjan t'iju t'ijunakjamaw ch'iqitatapxatayna, jupanakan camellonakapax quta thiyan utjir ch'allar uñtatänwa.

Jueces 7:14

Ukat masipax säna: —Ukax Gedeón israelita chachan espadapäpachawa, Joasan yuqapana, Diosaw Gedeonan amparapar madianitanakaru, taqpach ejercitopampir katuyistani —sasa.

Jueces 8:10

Zébah, Salmuná reyinakax tunka phisqan waranqa jaqinakampiw Carcor chiqankasipkäna, inti jalsu tuqinkir ejercitot ukkhakiw jilt'xäna, jupanakat patak pä tunkan waranqaw jiwarapxatayna.