Jueces 2:11 - Qullan Arunaka DC

¹¹ Israelitanakan luräwinakapax Tatit nayraqatan janiw walïkänti, jupanakax Baal diosan kunayman uñtasitanakaparuw yupaychañ qalltapxäna.

Aymar Bibliia 1986

¹¹ Israelitanacajja Diosansa uñjcatawa jan walinaca lurapjjäna. Jupanacasti kalltapjjänwa cunayman Baal sat diosanacaru yupaychaña.

Qullan Arunaca

¹¹ Israelitanacajja Diosansa uñjcatawa jan walinaca lurapjjäna. Jupanacasti kalltapjjänwa cunayman Baal sat diosanacaru yupaychaña.

Jueces 2:11 Jak'a apnaqawi uñst'ayäwi

Génesis 13:13

kawkhantix jaqinakax jan walïpkäna, Tatit nayraqatansti sinti jach'a juchanak lurapkarakïna ukaru.

Génesis 38:7

Ukampis Er chachax Tatit nayraqatan jan wali sarnaqäna, ukat Diosax jupar jiwayäna.

1 Reyes 11:5

Salomonax sidonionakan Astarté sat diosapampiru, amonitanakan Milcom sat axtkañ diosapampiruw yupaychäna.

1 Reyes 18:18

Eliasasti sänwa: —Janiw nayäkti Israelar jan walt'ayirixa, jan ukasti, jumampi, jaqinakamampïpxtawa, Tatitun kamachi arunakap apanukusin Baal diosan uñtasitanakapar yupaychapxatam layku.

1 Reyes 22:53

53 (54) Ukhamarusa, Baal diosaruw yupaycharakïna, kunjämtix awkipax nayrapachan lurkatayna ukhama, ukampi Israelan Tatit Diosapar q'apisiyasa.

2 Crónicas 28:2

jan ukasti, Israelankir reyinakan sarnaqäwiparuw arkäna, jupasti metal umatatayasin Baal diosan lantinakap lurayäna,

2 Crónicas 28:3

Ben-hinom qhirwan incienso nakhayäna, wawanakaparusti wilañcha luqtasin nakhantayäna, kawkïr markanakarutix Tatitux israelitanak nayraqatat jaqunukkatayna ukanakan axtkañ luräwinakap lurasa.

2 Crónicas 33:6

Ben-hinom qhirwa chiqansti, wawanakaparuw wilañcha luqtasa nakhantayäna, ukatsti ajayunakaru, yatirinakar jiskt'asisaw sarnaqäna, ch'amakaninaka, layqasiñanak utt'ayarakïna. Tatit nayraqatan uka luräwinakapax sinti jan walïnwa, ukham lurasaw Tatitur q'apisiyäna.

Esdras 8:12

Azgad wila masit saraqir Johanán, jupamp chikasti patak tunkan chachanaka;

Nehemías 9:26

“Ukampis jupanakax jan ist'asirïpxänwa, jumatak sayt'asisin kamachimar jisk'achapxarakïna. Ukxarusti profetanakamarux jupanakar juchañchatapat jiwayapxäna, uka profetanakasti jupanakan jumar wasitat makhatxañapatakiw jupanakar parläna; jach'a juchanakpun jumatak sayt'asisin lurapxäna.

Salmos 78:56

Jupanakasti Alaxpachankir Diosarux, arsutanakapar jan yäqasaw yant'apxäna, qallasipxarakïna;

Jeremías 11:10

Kuna juchanaktix nayra awkinakapax lurkäna uka pachpa jucha lurañanakaruw kuttapxi, uka awkinakapasti janiw nayarux ist'añ munapkitänti, ukatsti yaqha diosanakaruw arkxapxäna yupaychapxarakïna. Israel markasa, Judá markasa kuna arust'äwtix nayax nayra awkinakapampi lurkäyät ukanak t'unjapxi.

Jeremías 16:11

Jumasti jupanakarux sarakim: ‘Tatitux siwa: Jumanakan nayra awkinakaman nayar apanukusin yaqha diosanakar killt'asis yupaychapxatapat taqi akanakax juti; nayarusti apanukupxitänwa, janirakiw kuntix nayax jupanakar siskäyäta ukanak phuqhapkänti.

Jeremías 2:20

“Nayratpach nayatakix sayt'astaxa, janiw nayar jayskarakistati. ‘Janiw luqtañ munkti’ saraktawa. Taqi alay qullunakana, jach'a quqanak k'uchunakan yaqhampi jucha luras sarnaqtaxa.

Jeremías 2:23

¿Kunjämarak sätasti: ‘Janiw nayax q'añucht'askti, janiw k'ari diosanakarus yupaychkaraktti’ sasasti? Amuyasim kunjämänsa Ben-hinom sat qhirwan sarnaqatamaxa, jan wali luratanakamax luratanakamapunïnwa, qachu camellor uñtata, urqu camellon qhipap kawksarus jalakiraktawa;

Jeremías 32:23

Ukampis kunapachatix jupanakax aka uraqir utjantañatak mantanipkäna ukapachasti, janiw jumarux ist'apkäyätamti, kuna arunaktix siskäyäta ukanaksa janirakiw phuqhapkäyätamti. Ukat jichhax taqi aka t'aqhisiñanak apayantaxa.

Jeremías 9:14

14 (13) Chuymanakapan jan wali amtatanakaparuw arkapxäna, ukatsti k'ari diosanakaruw yupaychapxarakïna, kunjämtix awkinakapax yatichkatayna ukhama.

Números 25:3

ukhamat jupanakax Baal-peor sat diosar yupaychañatak arkapxäna. Ukat Tatitux Israel markatak q'apisïna,

Deuteronomio 31:16

Ukat Tatitux Moisesar säna: “Niyaw jumax jiwxäta, ukapachasti aka markax aka uraqin utjir jaqinakan k'ari diosanakaparuw yupaychani; ukapachasti apanukxitaniwa, jupampi lurat suma arust'äwirux p'akintarakiniwa.

Deuteronomio 4:25

“Kunapachatix jumanakax uka uraqin wawanakanïxapxäta, allchhinakanïxapxäta, jumanakas awkiptxapxarakïta, ukatsti jumanakax kuna uñtat yaqha diosanak lurasisa jucharu puripxäta, ukhamat Tatit Diosam nayraqatan mä jach'a jucha lurasina, ukat jupar q'apisiyapxät ukkhaxa,

Jueces 10:10

Ukat israelitanakax yanap mayisin Tatitur art'asipxäna, akham sasa: “Nanakan Diosaxay, juma nayraqatan juch lurapxta, k'ari diosanakar yupaychatanakax laykuw jumar apanukupxsma” sasa.

Jueces 10:6

Israelitanakax wasitatampiw Tatitun nayraqatapan jan walinak lurapxäna, ukatsti Baal, Astarté diosanakan kunayman uñtasitanakaparuw yupaychapxäna, ukhamaraki Siria, Sidón, Moab, Amón, filisteonakan diosanakaparusa. Diosaru taqi chuyma yupaychañxa apanukxapxänwa.

Jueces 13:1

Israelitanakax wasitatampiw Tatit nayraqatan jan walinak lurxapxäna. Tatitusti jupanakarux pusi tunka maraw filisteonakan amparapar katuyäna.

Jueces 3:12

Otoniel chachan jiwxatapatsti, israelitanakax wasitatampiw Tatitun nayraqatapan jan walinak lurapxäna, ukhamïpan Tatitux Moab markankir Eglón reyiparux israelitanakat sipan wali ch'aman tukuyäna.

Jueces 3:7

Israelitanakan luratanakapax Tatit nayraqatan janiw walïkänti, Tatitu Diosapat armasisin Baal, Astarté uka diosanakan uñtasitanakaparuw yupaychapxäna.

Jueces 4:1

Ehud chachan jiwxatapatsti, israelitanakax Tatit nayraqatan wasitat jan walinak lurapxäna,

Jueces 6:1

Israelitanakan luratanakapax Tatit nayraqatan janiw walïkänti, ukat Tatitux jupanakar paqallqu mara madianita jaqinakan amparapar katuyäna.

Jueces 6:25

Uka arumpachaw Tatitux Gedeonar säna: —Awkiman uywanakapat suma urqu vacäki uka katum, paqallq maranïki uka urqu vaca, ukatsti awkiman Baal diosapan altarap allthapim, ukatsti Baal diosan altarap jak'ankki uka quqa tinkuyarakim,

Jueces 8:33

Gedeonan jiwxatapatsti, israelitanakax Diosat armasisin Baal diosan kunayman uñtasitanakaparu yupaychiriw kuttawayxapxäna, ukatsti Baal-berit ukaruw diosapäñapatak ajllisipxäna.

1 Samuel 12:10

Ukatsti jupanakax Tatituruw art'asipxäna akham sasa: ‘Tatay, jumar apanakusax juch lurapxta, Baal, Astarté uka yaqha diosanakaruw yupaychapxta; ukampis jichhax uñisirinakaxan amparapat qhispiyapxita, juma saparukiw yupaychapxäma’ —sasa.

1 Samuel 7:3

Ukat Samuelux israelitanakar säna: “Jumanakatix chiqpachapun Tatitur jaysañ munapxsta ukaxa, yaqhanakan diosanakapar yupaychañ apanukupxam, ukhamaraki Baal, Astarté ukanakan uñtasitanakaparusa, jiwasan mä sapa chiqpach Tatituruki yupaychapxam. Ukapachakiw jupax filisteonakan amparapat qhispiyapxätam” sasa.

1 Samuel 7:4

Israelitanakasti Baal, Astarté uka diosanakar yupaychañ apanukxapxänwa, ukatsti Tatitu saparukiw yupaychxapxäna.