Jueces 2:10 - Qullan Arunaka DC

¹⁰ Josué chacha mita israelitanakax taqiniw jiwarxapxarakïna. Ukhamasti, uka qhipat yuriri israelitanakax janiw Tatitur uñt'apkänti, janirakiw Israel markatak jupan jach'a muspharkañ luratapatsa yatipkänti.

Aymar Bibliia 1986

¹⁰ Uca khepatsti Josué chachampi chica jaquir israelitanacajja takeniraquiw jiwarjjapjjäna; uca khepat nacir israelitanacasti janiw Diosatjja cunsa yatiñjja muncjjapjjänti, ni Israel marcatac jach'a milagronaca luratapatsa amtascjjapjjänti.

Qullan Arunaca

¹⁰ Uca khepatsti Josué chachampi chica jaquir israelitanacajja takeniraquiw jiwarjjapjjäna; uca khepat nacir israelitanacasti janiw Diosatjja cunsa yatiñjja muncjjapjjänti, ni Israel marcatac jach'a milagronaca luratapatsa amtascjjapjjänti.

Jueces 2:10 Jak'a apnaqawi uñst'ayäwi

Génesis 15:15

Jumasti wali chuymanïxäta ukkhaw mä suma samarañan jiwxarakïta, ukhamaw jumax nayra awkinakamamp chikachasxäta.

Génesis 25:17

Ismaelasti pataka kimsa tunka paqallquni maranïnwa kunapachatix jiwxän ukkhaxa, juparusti nayra awkinakap thiyaruw imt'xapxäna.

Génesis 25:8

ukatsti sinti chuymanïxän ukkhaw jupax jiwxarakïna. Ukhamaw nayra awkinakapamp chikachasxäna.

Génesis 49:33

Jacobux aka arunak arsuñ tukuyxasinsti, ikiñapar wasitat jipt'asin jiwawayxäna.

2 Samuel 7:12

ukatsti jakañamax tukusxani, ukat jiwxarakïta ukapachasti, nayaw mayni wawamar markaxan reyipäñapatak utt'ayä.

1 Crónicas 28:9

Jumasti, Salomón, munat wawaxa, awkiman Diosapar wasitat uñt'xam, ukatsti taqi chuymampi, suma amtampirak luqtam, Tatitusti taqi amuyunakas uñt'i, jiwasan amtäwinakasa, lup'ïwinakas uñt'araki. Ukhamasti jumatix jupar thaqtätaxa, jikxatätawa, ukampis jumatix jupar apanukütaxa, jupax wiñayatakiw apanukütam.

Job 21:14

Diosarux sapxiwa: “¡Jan parlapxistati, janiw nanakax kamachinakam yatiñ munapkti!

Éxodo 1:6

Jaya maranakatsti Jacobux jiwxänwa, Joseasa, jilanakapasa, uka mita jaqinakas jiwarxapxarakïnwa.

Éxodo 1:8

Ukat qhipa maranakatsti, Egipto markan yaqha reyiw utt'asxäna, jupasti janiw Josearux uñt'kataynati, uka reyisti markaparux akham säna:

Éxodo 5:2

Ukampis faraonax sänwa: —¿Khitirak Tatitusti, nayan jupar ist'añaxataki, israelitanakarus antutaskañaxatakixa? Janiw nayax Tatiturux uñt'kti, janirakiw israelitanakarus sarañapatak antutkäti —sasa.

Isaías 5:12

Jumanakan phunchhäwinakamansti, arpa, cítara, tambor, pinkillo ukanakan toct'asitapakiw ist'asiski, jach'a manq'äwinakamansa vino umañakiw utjaski; ukampis kuntix Tatitux lurki ukanakat janiw amuyapktati, janirakiw jupan luratanakapsa yäqapktati.

Jeremías 22:16

T'aqhisiyatanakarusa, jan kunaninakarus arxatarakïnwa, ukat taqi kunas jupatakix walt'arakïna. Ukapï nayar uñt'añaxa. Naya, Tatituw uk arsta.

Jeremías 31:34

Nayar uñt'añatakix janiw wakiskxaniti, maynit maynikama, masinakkama, wila masinakkam yatichasiñanakapaxa, taqiniwa jisk'at jach'akama nayarux uñt'apxitani. Nayasti jupanakarux ñanqha luratanakapat pampachäwa, jucha luratanakapatsti janirakiw mayampsa amtaskxäti. Naya, Tatituw uk arsta” sasa.

Jeremías 9:2

2 (1) ¡Walïspawa wasaran mä utax utjitaspa ukat ukan jakasiñaxataki, ukhamat markaxat jayaru sarxañataki! Taqinis janiw chiqa chuymanïpkiti, ch'uxña lurirkamakïpxiwa.

Jeremías 9:3

3 (2) K'arisiñatakix jank'akïpxiwa, mich'inaksa antutt'apkaspa ukhama. Aka markansti k'arisiñakiw phuqt'atäski, janiw chiqapax utjkiti; jan walit juk'ampi jan walirukiw sarapxi, ukatsti pachpa Tatituw arsuraki: “Janiw nayar uñt'añ munapkituti” sasa.

Jeremías 9:5

5 (4) Sapa mayniw maynitsa larusi, janiw khitis chiqap arsurix utjkiti. Taqinis k'arisiñar yatintatkamakiwa; ñanqhakamakïpxiwa,

Números 27:13

Uka uraq uñatatasinsti, jiwxätawa, ukatsti nayra awkinakamampiw tantachasxäta, Aarón jilamjama,

Lucas 20:32

Qhiparusti warmix jiwawayxarakïnwa.

Hechos 13:36

Chiqpachansa Davidax Diosan arsutaparjamaw jaysäna. Ukampis qhipat jiwxänwa, nayra awkinakapan amay imäwipar imt'atäxarakïnwa, janchipasti ñusjxarakïnwa.

Deuteronomio 31:16

Ukat Tatitux Moisesar säna: “Niyaw jumax jiwxäta, ukapachasti aka markax aka uraqin utjir jaqinakan k'ari diosanakaparuw yupaychani; ukapachasti apanukxitaniwa, jupampi lurat suma arust'äwirux p'akintarakiniwa.

2 Tesalonicenses 1:8

Khitinakatix Diosar jan uñt'apki ukanakaru, Jesucristo Tatitusan suma yatiyäwi arunakap jan jaysapki ukanakar mutuyiriw jutani.

Tito 1:16

Jupanakax: “Tatiturux uñt'apxtwa” sapxiwa. Ukatsti luräwinakapampix janiw ukham uñacht'ayapkiti, jupanakax uñisirinakäpxiwa, jan yäqasiñan qhuru jaqinakäpxiwa, janirakiw kuna sumsa lurirjamäpkiti.

Josué 24:31

Israelitanakax Josué chachan jakañapkama, ukhamarak jiwxäna una qhipatsa, Israelan Tatitu Diosaparupuniw jaysapxäna, kunanaktix Tatitux israelitanak layku lurkatayna ukanak yatir jilïr jaqinakan jakañapkama.

1 Samuel 2:12

Elí sacerdoten wawanakapax jan wali jaqinakänwa, janiw Tatiturux axsarapkänti,