Juan 9:34 - Qullan Arunaka DC

³⁴ Ukatsti juparux sapxarakïnwa: —Jumax juchan phuqt'ataw yurtaxa, ¿ukhamäkasati nanakar yatichañ munapxista? —sasa. Uk sasin jupar sinagogat jaqunukupxäna.

Aymar Bibliia 1986

³⁴ Ucatsti sapjjaraquïnwa: —Jumajj juchan phokt'ataw naciwayta, ¿ucattï yatichañ munapjjesta? —sasa. Uc sasinsti sinagogatjja jaksupjjänwa.

Qullan Arunaca

³⁴ Ucatsti sapjjaraquïnwa: —Jumajj juchan phokt'ataw naciwayta, ¿ucattï yatichañ munapjjesta? —sasa. Uc sasinsti sinagogatjja jaksupjjänwa.

Juan 9:34 Jak'a apnaqawi uñst'ayäwi

Génesis 19:9

Ukampis jupanakax sasipkakïnwa: —¡Sartam ukkhata! ¿Khitïtas jumax kuntix lurapxañaxäki uk sañatakixa? ¡Jumax yaqha markat jutir jaqikïtawa! ¡Jichhasti jumarux uka jaqinakat sipansa juk'ampi jan walinak lurapxäma! —sasa. Ukatsti Lot chacharux nuwjañ qalltapxäna, punku t'unsuñatakiw jak'achasipxarakïna,

2 Crónicas 25:16

Profetax uka arunak arskäna ukkhaxa, reyix juparux saskakïnwa: —¿Khitirak jumarusti reyin amuyt'ayiripat uchtamsti? ¡Jan ukanak parlkamti! Jan ukax ¿jiwayatäñcha muntaxa? —sasa. Profetasti ukxarux janiw juk'amp arskxänti, ukampis sänwa: —Diosax uk luratamata, iwxa arunakaxar jan ist'atamatsa t'unjätamwa —sasa.

Job 14:4

Janiw khitis q'añu kankañatxa, q'uma kankañ apskaspati,

Job 25:4

¡Dios nayraqatanxa, janiw khitis q'umätwa siskaspati!

Salmos 51:5

5 (7) Nayax yuritaxatpach juchanïtwa; taykaxan purakapatpach juchanïtwa.

Éxodo 2:14

Uka hebreo jaqisti Moisesar sänwa: —¿Khitirak jumarusti nanak taypiru jilïrita, taripiritsa uchtamsti? ¿Kunjämtix mayni egipcior jiwaykta ukhamti nayar jiwayañ munarakista? —sasa. Moisesasti uka arunak ist'asin axsarayasïnwa, egipcio jaqir jiwayatap yatipxatap amuyasina.

Proverbios 22:10

Pitusir jaqir jaqunukum, jachjayasiñanakasti tukusxaniwa, ch'axwañanakasa, chuym ust'ayasiñanakas sayt'xaniwa.

Proverbios 26:12

Yaqhip jaqix wali yatiñanïkaspas ukhamaw tuku, ukampis jan amuyt'asir jaqiw jupat sipan chiqachasispa.

Proverbios 29:1

Chiqachäwi jan katuqañ munir jaqix, jan mayampitakiw tukjat uñjasini.

Isaías 65:5

Sapxarakiwa: ‘Ukar qhiparam, jan jak'achasistati, nanakax Diosan qullan ajllit markapäpxtwa’ sasa. Uka jaqinakax uru phuqhat nakhir ninar uñtatäpxiwa; nasatsa jiwq'ipax ch'isintayarakituwa.

Isaías 66:5

Tatitun arunakap ist'apxam, khitinakatix arunakap phuqhapkta ukanaka: “Jumanakan yaqhipa marka masinakamaxa, khitinakatix jumanakar uñisipktam, nayan sutix aytasipxatam layku arknaqapktam, ukanakasti sapxiwa: ‘Tatitux jach'a kankañap uñacht'aypan; jumanakarusti k'uchik uñjañ munapxsma’ sasa. Ukampis jupanakax mä p'inqa jisk'achjataw uñjasipxani.

Lucas 11:45

Ukat kamachi yatichirit mayniw jupar sarakïna: —Yatichiri, uk sasax nanakamppacharuw chuyma ust'ayapxista —sasa.

Lucas 14:11

Khititix jach'a jach'a tukurïki ukaxa, jisk'ar tukuyatäniwa, ukampis jisk'ar tukurïki ukasti jach'ar tukuyatäniwa.

Lucas 18:17

Qhanak sapxsma, khititix Diosan qhapaq markap mä wawjam jan katuqkani ukaxa, janipuniw Diosan qhapaq markapar mantkaniti —sasa.

Lucas 6:22

“Kusisiñanïpxtaw kunapachatix jaqinakax uñisipkätam, jupanak taypit jaqunukupkätam, kunayman jan wali sapkätam, sutinakamsa ñanqha sutjam amuyapkani, Jaqin Yuqap layku ukapachaxa.

Juan 6:37

Taqi khitinaktix Awkix katuykitu ukanakax nayaruw juti; khititix nayar jutki ukarusti janiw anqar jaqunukuñaxax wakiskiti.

Juan 8:41

Jumanakax awkiman luräwinakap lurapxtaxa —sasa. Jupanakasti sapxarakïnwa: —Nanakax janiw q'axat wawanakäpkti; mä sapa awkinikïpxtwa, ukasti Diosawa —sasa.

Juan 9:2

Yatiqirinakapasti Jesusarux jiskt'apxänwa: —Yatichiri, ¿kunatarak aka jaqisti juykhu yuristi? ¿Awkinakapan juchap laykuti, jan ukax jupan juchap laykucha ukham yurixa? —sasa.

Juan 9:22

Awkipampi, taykapampisti judionakar axsarasaw ukham sapxäna, jilïr judionakax Jesusan Cristötap arsurirux sinagogat jaqunukuñ amtapxatap layku.

Juan 9:35

Jesusax uka juykhur jaqunukupxatap yatïna; jupamp jikisisinsti, jiskt'änwa: —¿Jumax Diosan Yuqapar iyawstati? —sasa.

Juan 9:40

Jupampïpkän uka fariseonakat yaqhipanakasti, uk ist'asin Jesusaruw jiskt'apxäna: —¿Nanakasti juykhüpxaraktti? —sasa.

Gálatas 2:15

Jiwasanakax yuritatpach judío jaqinakäpxtan, janiw jiwasax yaqha markanakjam juchararäpktanti.

Efesios 2:3

Taqi jiwasanakax uka kipkarakiw nayrapachax jakäyätan, ñanqha amtäwinakasar arkasa, janchisan munañanakaparjama, amtäwinakasarjam phuqhasa. Uka laykusti, Diosan axsarkañ mutuyäwip mayninakjam katuqañasaw wakisïna.

1 Pedro 5:5

Ukhamaraki, jumanakax waynanaka, Diosan markap irpirinakarux ist'apxam. Taqiniw maynit maynikam llamp'u chuymamp ist'asipxañama, qillqatan siwa: “Diosax jach'a jach'a tukurinakarux jisk'achiwa, llamp'u chuymaninakarusti munasiñapampiw yanapi.”

3 Juan 1:10

Ukat kunapachatix nayax sarkä ukkhaxa, juparux qhankatäwa, jupasti nanakatakix k'ari arunak apnaqasaw sarnaqi. Ukhamarus purinipki uka jilatanakarux janiw katuqkiti, khiti jilatanakatix katuqt'añ munapki ukanakarus jark'iwa, iglesiatsa jaqunukurakiwa.

3 Juan 1:9

Nayaw iglesiarux mä qillqat apayta, ukampis Diótrefes jilatax janiw nanak jilïrinakarux yäqapkituti, jupan apnaqañ munatap layku.

Apocalipsis 13:17

Janirakiw khitis kun alasiñapäkänti, aljasiñapäkänsa, janitix uka chimpunïkäna, jan ukax, uka jach'a axsarkañ animalan sutipampi chimpt'atäkäna, jan ukax, uka axsarkañ animalan sutipan jakhupanïkän ukaxa.