Juan 9:24 - Qullan Arunaka DC

²⁴ Judionakasti wasitatampiw juykhükän uka jaqir jawsanipxi, ukatsti sapxarakiwa: —Diosan nayraqatapan chiq sapxita. Nanakax yatipxtwa uka jaqin juchararätapa —sasa.

Aymar Bibliia 1986

²⁴ Ucatsti judionacajj wasitampiw juyqhücän uca jakerojj jawsapjje, ucatsti sapjjaraquiwa: —Diosan nayrakatapan chek arsum, nanacajj yatipjjtwa uca jakejj juchararätapa —sasa.

Qullan Arunaca

²⁴ Ucatsti judionacajj wasitampiw juyqhücän uca jakerojj jawsapjje, ucatsti sapjjaraquiwa: —Diosan nayrakatapan chek arsum, nanacajj yatipjjtwa uca jakejj juchararätapa —sasa.

Juan 9:24 Jak'a apnaqawi uñst'ayäwi

Esdras 10:11

Ukhamasti awkinakaman Tatit Diosap nayraqatan juchanïpxatam uñt'asipxam, Tatitun munañap phuqhapxarakim. Yaqha diosanakar yupaychir jaqinakatsa, anqa markanakankir warminakatsa jithiqtapxam —sasa.

Isaías 66:5

Tatitun arunakap ist'apxam, khitinakatix arunakap phuqhapkta ukanaka: “Jumanakan yaqhipa marka masinakamaxa, khitinakatix jumanakar uñisipktam, nayan sutix aytasipxatam layku arknaqapktam, ukanakasti sapxiwa: ‘Tatitux jach'a kankañap uñacht'aypan; jumanakarusti k'uchik uñjañ munapxsma’ sasa. Ukampis jupanakax mä p'inqa jisk'achjataw uñjasipxani.

Marcos 15:27

Jesusamp chiksti pani lunthataruw ch'akkatapxäna, maynirux kupïxaparu, maynirusti ch'iqäxaparu.

Lucas 15:2

Ukat fariseonakampi, kamachi yatichirinakampix Jesusar k'umipxäna, sapxarakïnwa: —Aka jaqix juchararanakan masipawa, jupanakampirakiw manq'i —sasa.

Lucas 19:7

Uk uñjasinsti taqiniw k'umipxäna: Jesusax mä jucharar jaqin utaparuw sari, sasa.

Lucas 7:39

Uk uñjasinsti, Jesusar jawsayir fariseo jaqix chuymapan lup'ïna: “Jupatix chiqpach mä profetäspaxa, khititix jupar llamkt'ki ukan jan wali jaqïtap amuyasispawa, aka warmix jan wali sarnaqir warmïchixaya” sasa.

Juan 14:30

“Janiw jumanakamp juk'ampinak parlkxäti, akapach apnaqir supayax niy jutiwa. Jupasti nayxarux janiw kuna ch'amanïkisa,

Juan 16:2

Jumanakarux sinagoganakat jaqunukupxätam, yaqhipanakarusti jiwayapxätamwa; uka luratapampix Diosarus luqtapkaspa ukham amuyapxani.

Juan 18:30

Jupanakasti sapxarakïnwa: —Janitix jach'a juchanïkaspa ukaxa, janiw juman ukar irpanipkiristti —sasa.

Juan 19:6

Sacerdotenakan jilïrinakapampi, Tatitun utap uñjir soldadonakampisti, Jesusar uñjasin jach'at arnaqañ qalltapxäna: —¡Ch'akkatam! ¡Ch'akkatam! —sasa. Pilatosti jupanakarux sänwa: —Ukhamax jumanakay irpapxam, ukatsti ch'akkatanipxam, nayax janiw kuna juchsa aka jaqin jikxatkti —sasa.

Juan 5:23

kamisatix Awkir jach'añchapki, ukhamarak Yuqar taqpachan jach'añchañapataki. Yuqar jan jach'añchirix, janiw khithanki uka Awkir jach'añchkiti.

Juan 8:46

¿Jumanakat khitirak juchax irkatitaspasti? Arsutaxatix chiqächisti, ¿kunatarak jan iyawsapxistasti?

Juan 8:49

Jesusasti jupanakarux sarakïnwa: —Janiw nayax ñanqha ajayun mantatäkti. Jan ukasti, lurataxampix Awkixaruw jach'achaskta; ukampis jumanakax jisk'achapxistawa.

Juan 9:16

Mayni fariseonakasti sapxarakïnwa: —Khititix ak lurki ukax janiw Diosankirïkaspati, sábado uru jan yäqatap layku —sasa. Mayninakasti sapxarakïnwa: —Mä juchararasti, ¿kunjämarak aka muspharkañ luraspasti? —sasa. —Jupanak taypin kunayman amuyuw utjäna,

Juan 9:25

Jupasti sarakïnwa: —Janiw nayax jupan juchararätapsa, jan juchararätapsa yatkti; nayax juykhüyätwa, jichhasti uñjtwa; ukak yatta —sasa.

Romanos 8:3

Diosax kuntix Moisesan kamachipax jan lurkän uk phuqhawayi, jaqin janchi kankañanïtap laykuw ukax jan luraskänti: Diosasti jupan mä sapa Wawap khithani, juchan jaqjam janchi kankañani, jucha layku jiwiri, ukhamat janchi kankañanïkasin juchar t'unjañataki.

2 Corintios 5:21

Cristox janiw kuna juchsa lurkänti; ukampis Diosax jiwasanak laykuw juchan jaqirjam uñjäna, ukhamat jiwasanakan Cristonkasin askit katuqatäñasataki.

Josué 7:19

Ukatsti Josué chachax Acán jaqirux sänwa: —Wawaxay, Israel markan Tatitu Diosapar jach'añcham, jan k'arisisaraki kuntix lurkta uk arsusim jan kunsa imt'asa —sasa.

Apocalipsis 11:13

Ukapachaw mä jach'a uraq khathatix sartäna, uka uraq khathatisti markan mä qawqha chiqanakap t'unthapïna, paqallqu waranqa jaqinakarakiw uka uraqi khathatimpix jiwaräna. Qhiparirinakasti, axsarañatsa alaxpachankir Diosaruw yupaychapxäna.