Juan 8:41 - Qullan Arunaka DC

⁴¹ Jumanakax awkiman luräwinakap lurapxtaxa —sasa. Jupanakasti sapxarakïnwa: —Nanakax janiw q'axat wawanakäpkti; mä sapa awkinikïpxtwa, ukasti Diosawa —sasa.

Aymar Bibliia 1986

⁴¹ Jumanacajj awquinacaman luräwinacapwa lurapjjta —sasa. Jupanacasti sapjjaraquïnwa: —Nanacajj janiw k'ajjat wawanacäpcti, mä sapa awquiniquïpjjtwa, ucasti Diosawa —sasa.

Qullan Arunaca

⁴¹ Jumanacajj awquinacaman luräwinacapwa lurapjjta —sasa. Jupanacasti sapjjaraquïnwa: —Nanacajj janiw k'ajjat wawanacäpcti, mä sapa awquiniquïpjjtwa, ucasti Diosawa —sasa.

Juan 8:41 Jak'a apnaqawi uñst'ayäwi

Éxodo 4:22

Ukampis faraonarux saskakïtawa: “Tatitux akham siwa: ‘Israelax nayan nayrïr wawaxawa.

Isaías 63:16

¡Jumätaw nanakan awkixaxa! Abrahamax janisay nanakar uñt'apkitpan, Israelax janisay nanakat amtasipkitpan, ukampis Tatay, jumaw nanakan awkixätaxa; nayratpacha jumaw nanakan qhispiyirixätaxa.

Isaías 64:8

8 (7) Ukampis Tatay, jumaw nanakan awkixätaxa; nanakax ñiq'ikïpxtwa, jumasti sañu lurirïtawa; ¡taqi nanakasti juman uchatäpxaraktwa!

Jeremías 3:19

“Israel marka, nayax jumar wawaxat katuqañatakiw amtasta, mä suma munkañ uraqi jumar churañ amtarakta, taqi aka uraqinakat sipan juk'ampi suma uraqi. Nayasti sarakïyätwa: ‘Jichhax awki sisxchitaniya’ sasa, ukatsti janiy nayat jayar sarkxchiniti sarakïyätwa.

Jeremías 31:20

“Efraín markax nayatakix munat wawaxawa; taqinit sipansa sinti munat wawaxawa. Jupar tuqintkta ukasa, janipuniw nayax jupat armaskti; taqi chuymaxampiw munasta, jupatsti walpun khuyapt'ayasirakta. Naya, Tatituw uk arsta.

Oseas 1:2

Kuntix Tatitux Oseas tuqi sañ munkän uka arunakxa, akham sasaw qalltäna: “Israel markax nayar apanukusax yaqhampiw sarnaqxi. Jichhasti jumax saram, ukatsti uka kipkarak yaqha chachanakampi sarnaqir warmimpi jaqichasim, jupampisti wawanakanïma; ukhamat uka wawanakax yaqha chachanakampi sarnaqir warmin wawanakapäpxani”.

Malaquías 1:6

Taqi ch'aman Tatitux sacerdotenakar akham siwa: “Wawanakax awkinakapar waqaychapxiwa, uywatanakas uywirinakaparux yäqapxarakiwa. Nayatix jumanakan awkimästa ukasti ¿kunatarak nayar jan waqaychapxistasti? Nayatix jumanakan uywirimästa ukasti, ¿kunatarak nayar jan yäqapxistasti? Jumanakax nayar jisk'achapxistawa, yatkasas sasipkakistawa: ‘¿Kun lurasarak nanakasti jumar jisk'achapxsmasti?’ sasa.

Malaquías 2:11

Judá markax Tatitumpi arust'äwir mantatapxa janiw phuqkiti, Jerusalén markansa, Israel uraqinsa wali axtaskay juchanak lurapxi. Judá markasti jan wali sarnaqañanakampiw Tatitun munat qullan utap q'añuchi, Judá markankir jaqinakax k'ari diosanakar yupaychir warminakampiw jaqichasipxi.

Juan 8:38

Kuntix Awkixax uñacht'aykitu uk nayax yatiyta; jumanakasti kuntix Awkit ist'apkta uk lurapxarakim.

Juan 8:44

Jumanakan awkimax supayawa, jumanakax jupankapxtawa, ukat kuntix supayax munki uk lurapxaraktaxa. Supayax qalltatpach jaqi jiwayiriwa. Janiw jupax kunapachas chiq arskiti, jupan k'arïtap layku. Kunapachatix k'arinak arski ukkhax jupa pachpat parlaski; k'arïtap layku, k'arin awkipätap laykuraki.

Deuteronomio 14:1

“Jumanakax Tatit Diosaman wawanakapäpxtawa. Maynitix jiwani ukkhaxa, jan jumanakax janchinakam kharintasipxamti, janirak ñik'utanakamsa mururasipxamti.

Deuteronomio 32:6

¿Akhamti Diosar yuspagarapxta? Pisi chuyma, jan yatiñan jaqinaka, ¿janit jupasti awkimäki, janit juman irnuqirimäkisti? ¡Jupaw irnuqtam, jupaw jakañsa churaraktam!

1 Juan 3:12

Janiw Caín chachjamäñasäkiti, jupax supayankatap laykux jilaparuw jiwayi. ¿Kunatsa jiwayänxa? Cainan luratanakapax janiw walïkänti, jilapan luratapasti askïnwa.