Juan 7:51 - Qullan Arunaka DC

⁵¹ —Kamachinakasarjamax janiw khiti jaqirus juchañchksnati, janitix nayraqat kuntix lurkatayna uk ist'kañäni ukaxa —sasa.

Aymar Bibliia 1986

⁵¹ —Leyinacasarjamajj janiw qhiti jakerus juchañchcsnati janïr nayrakat cuntejj lurcatayna uc ist'casinjja —sasa.

Qullan Arunaca

⁵¹ —Leyinacasarjamajj janiw qhiti jakerus juchañchcsnati janïr nayrakat cuntejj lurcatayna uc ist'casinjja —sasa.

Juan 7:51 Jak'a apnaqawi uñst'ayäwi

Éxodo 23:1

“Janiw k'ari arunak parlätati, janirak k'ari arunak parlir jaqirus arxatasin yanapt'amti.

Proverbios 18:13

Janïr sum ist'kasin arsuñax, jan amuyt'asirïña, mä p'inqarakiwa.

Números 35:30

“Mä jaqi jiwayir jaqix walja uñjirinak qhanañchañatak utjchi ukapachakiw jiwañapatak juchañchat uñjasini. Mayni sapakix janiw askïkiti khitir jiwañapatak juchañchañatakisa.

Hechos 23:3

Pablosti juparux sänwa: —¡K'ari chuyman jaqi, Diosaw jumarux nuwantätam! Kamachirjam nayar juchañchañatakixay ukkhan qunt'atäsktaxa, ukhamasti ¿kunatarak kamachir jan yäqas nayar nuwayistasti? —sasa.

Deuteronomio 1:17

kunapachatix jumanakax juchanakap uñjapxäta ukkhaxa, janiw jumanakax ajanu uñkatasaki taripapxätati, jan ukasti pist'añan sarnaqir jaqirusa, qamir jaqirusa khuskak uñjapxäta, jan khitir axsarasa, juchañchañasti Diosankiwa. Mä kunasa jumanakatak jan askichkayänixa, nayaruw yatiyanipxitäta, nayaw ukanak uñjä’ sasa.

Deuteronomio 17:6

“Jiwayatäñataki juchañchäwisti kunapachatix pani, jan ukax kimsanisa qhanañchapxani ukapachakiw juchañchäwix utjani, ukampis janiw mayni sapan qhanañchatapampikix khitis jiwayatäñatak juchañchatäkaspati.