Juan 7:26 - Qullan Arunaka DC

²⁶ Ukaxay taqin uñjkañaw parlaski, janiw khitis kuns kamskiti. Jan ukax ¿marka apnaqir jilïrinakax chiqach aka jaqin Cristötap iyawsapxpachaxa?

Aymar Bibliia 1986

²⁶ Acajjay jakenacan uñjcataw parlasqui, janiraquiw qhitis cuns sisquiti; jan ucajj ¿autoridadanacajj chekacha aca jakerojj Cristötapa iyawsapjjpachajja?

Qullan Arunaca

²⁶ Acajjay jakenacan uñjcataw parlasqui, janiraquiw qhitis cuns sisquiti; jan ucajj ¿autoridadanacajj chekacha aca jakerojj Cristötapa iyawsapjjpachajja?

Juan 7:26 Jak'a apnaqawi uñst'ayäwi

Proverbios 28:1

Ñanqha lurir jaqix jan khitin arknaqkataw jaltxi, aski jaqisti leonar uñtataw jan kunar axsaras jaki.

Isaías 42:4

Janiw samarkaniti, ch'amsa jiwt'ayaskaniti, aka uraqin chiqa kankaña utt'ayañapkama. Quta tuqinkir markanakasti, yatichäwinakap sum ist'apxani.”

Mateo 22:16

Ukatsti Jesusan ukaruw khithapxäna mä qawqha fariseonakampi, Herodesan arkirinakampi, akham sañapataki: —Yatichiri, yatipxtwa chiqa arsur jaqïtama, taqi kunan Diosar jaysañxat yatichatama, kuns jaqix yatichäwimat saskpan ukar juman jan yäqatamsa.

Lucas 23:13

Pilatosti sacerdotenakan jilïrinakaparu, markan jilïrinakaparu, taqi jaqinakaruw tantthapïna,

Lucas 7:30

ukampis fariseonakampi, kamachi yatichirinakampix, janiw Juanampix bautisayasipkänti; uk lurasasti, Diosax jupanakatak lurañ munkän uk jisk'achapxäna.

Juan 12:42

Ukhamäkipansa, judionakat waljaniw Jesusar iyawsapxäna, wali aytat jilïri jaqinakatsa iyawsapxarakïnwa. Ukampis jupanakax fariseonakar axsarasaw jan qhan arsupkänti, sinagogat jan jaqunukuyasiñataki.

Juan 18:20

Jesusasti juparux sänwa: —Nayax taqinin uñjkataw parläyäta, sinagoganakana, Tatitun utapan yatichasa; janiw nayax kuns jamasat yatichkti.

Juan 3:1

Mä chachaw utjäna, Nicodemo sutini; jupax fariseo tamankirïnwa, judionak taypin jilïrirakïnwa.

Juan 4:29

—Uñjir jutapxam, mä chachaw taqi luratanakax irkatitu. ¿Janit jupax Cristökpacha? —sasa.

Juan 7:25

Ukatsti Jerusalenankirinakat yaqhipanakaw jiskt'apxäna: —¿Janit akasti jiwayañatak thaqhapki uka jaqïkisti?

Juan 7:31

Waljaniw jupar iyawsapxäna, ukat sapxarakïna: —Cristox jutkani ukkhasti ¿aka jaqit sipan juk'amp muspharkañanakti lurpachänisti? —sasa.

Juan 7:48

¿Khitirak jilïr jaqinakata, jan ukax, fariseonakat jupar iyawsisti?

Juan 9:22

Awkipampi, taykapampisti judionakar axsarasaw ukham sapxäna, jilïr judionakax Jesusan Cristötap arsurirux sinagogat jaqunukuñ amtapxatap layku.

Hechos 4:13

Marka apnaqir jilïrinakasti, Pedrompir Juanampir jan axsaras parlir uñjasinxa, muspharapxiwa, jan kuna yatiñan jaqinakätap yatisa, ukatsti amuyapxarakïnwa chiqpachapuni Jesusamp chika sarnaqirïpxatapa.

Filipenses 1:14

Nayar katuntat uñjasinxa, waljaniw jilatanakax Diosan arunakap yatiyañatakix juk'ampi ch'ama katxatapxi.