Juan 5:44 - Qullan Arunaka DC

⁴⁴ ¿Kamisarak jumanakasti maynit maynikam jach'añchasiñ katuqirïkasina, mä sapa Diosat jutir jach'añchäwi jan thaqhapktasti?

Aymar Bibliia 1986

⁴⁴ Jumanacatejj jakenacan jach'añchäwinacapac maynit maynita catokapjjta ucatsti janiraqui mä sap Diosata jach'añchäwinacapa thakapcstati, ucarojja ¿cunjäms jumanacajj iyawsapjjasmajja?

Qullan Arunaca

⁴⁴ Jumanacatejj jakenacan jach'añchäwinacapac maynit maynita catokapjjta ucatsti janiraqui mä sap Diosata jach'añchäwinacapa thakapcstati, ucarojja ¿cunjäms jumanacajj iyawsapjjasmajja?

Juan 5:44 Jak'a apnaqawi uñst'ayäwi

2 Crónicas 6:8

Ukampis Tatitux juparux sänwa: ‘Jumax nayatak mä uta lurañ walik amtasktaxa;

Jeremías 13:23

Mä ch'iyar jaqix janiw janq'u jaqir tukkaspati, janirakiw leopardos allqap mayjt'aykaspati; ukhamarakipï jumanakasa, ñanqha lurañar yatintatäxasinxa, janirakiw askinak lurapkasmati.

Mateo 23:5

Jaqin uñjayasiñatakikiw taqi kunsa lurapxi. Paranakaparu, amparanakapar Diosan arunakap qillqsut apañak munapxi, jach'a chhaxchhan isinakampi isthapisiñak munapxi.

Lucas 19:17

Reyisti juparux sarakïnwa: ‘Walikiwa; jumax suma irnaqirïtawa, ukham phuqhatam laykux, tunka markan jilïripat utt'ayäma’ sasa.

Juan 12:43

Jupanakax jaqimp aytayasiñak munapxäna, Diosamp jach'añchayasiñat sipana.

Juan 17:3

Uka wiñay jakañasti juma sapa chiqpach Diosar uñt'añan utji, jumax khithankta uka Jesucristor uñt'apxañapataki.

Juan 3:20

Jan wal lurir jaqinakax qhanaruw uñisipxi, janiw uka qhanar jak'achasipkiti, jan wali luratanakapan jan qhanstañapataki.

Juan 5:41

“Janiw nayax jaqinakan jach'añchäwinakap munkti.

Juan 8:43

Jumanakax janiw arsutanakax amuyt'añ munapktati, nayan arsutaxar jan ist'añ munapxatam layku.

Romanos 2:10

Ukampis Diosax aski luririnakarux qhapaq kankaña, jach'ar aptatäña, sumankañ churani, nayraqatax judionakaru, ukhamarak jan judiöpki ukanakarusa.

Romanos 2:29

Jan ukasti chiqpach judío jaqïñax, taqi chuymampi iyawsañawa. Circuncisión katuqañasti chuymatäñapawa. Ukasti janiw kuna kamachitsa jutkiti, jan ukasti ajayutwa juti. Khititix ukhamäki ukax Diosampi katuqatawa, janiw jaqinakampiti.

Romanos 2:7

Diosax wiñay jakañ churani taqi khitinakatix Diosan markapa, chiqa kankañampi jan inakt'as thaqhirinakaruxa;

1 Corintios 4:5

Ukhamasti, jumanakax jan kunatsa mäkix taripapxamti; Tatitun jutañap suyt'apxam, jupaw ch'amakankki uk qhanar apsuni, chuyman amtäwinakapsa qhanstayarakini. Ukatsti Diosaw sapaqat maynirux luräwipatjam jach'achaskani.

2 Corintios 10:18

Khititix jupapachpat jach'achaski ukax, janiw aski jaqit uñt'atäkiti, jan ukasti khitirutix Tatitux jach'achki ukaw aski jaqit uñt'ataxa.

Filipenses 2:3

Janipun kunsa purapat ch'axwasa, jach'a jach'a tukuñ munasas lurapxamti, jan ukasti llamp'u chuymampi taqi kunsa lurapxam, sapa maynix jupat juk'amp sumäkaspas ukham uñjapxam.

1 Tesalonicenses 2:6

Janiw khitin jach'achatäñsa thaqhapkti; janiw jumanakampi jach'achayasiñsa, yaqhanakampi jach'achayasiñsa munapkti.

1 Timoteo 1:17

¡Jichhasti, wiñay jach'a Reyiru, jan jiwiriru, jan uñjkay sapa Diosar jach'añchas yupaychañäni! Ukhamäpan.

Hebreos 3:12

¡Jilatanaka, amuyasipxam! Janiy jumanakat khitis jan iyawsir ñanqha chuymanix tukpati, janirak jakaskiri Diosatsa saraqpati.

Santiago 2:1

Munat jilatanakaxa, jumanakax taqi ch'aman Tatit Jesucristosar iyawsirinakjamaxa, maynit maynikamax jan yaqhachnukusipxamti.

1 Pedro 1:7

Jumanakan iyawsañamasti kunjämtix qurix ninampi yant'atäki ukham yant'atäñaparakiwa. Yant'ampi q'iwtasir iyawsäwix, tukusir qurit sipansa, juk'amp jila alaniwa. Ukhamat jumanakan iyawsañamax yant'atäsinxa, Jesucristox jutkani ukapachaxa, sumat uñt'atänixa, jach'arus aptatarakïnixa.

1 Samuel 15:30

Saúl reyix mä kutimpiw arsüna: —Chiqpachansa nayaw juchachasta. Ukampis taqi Israel markan jilïri jaqinak nayraqatana, taqi jaqinak nayraqatana, nayarux mä reyirjam uñjañamatakiw achikt'assma. Ukhamax nayampi chika Tatit Diosamar yupaychañatak sarañäni —sasa.

1 Samuel 2:30

Uka layku, Israelan Tatitu Diosapax sänwa, jumampi utamankirinakamampix wiñayataki jupar luqtapxañama, ukampis jichhax akham sarakiwa: “Janipuniw ukhamäkaniti, jan ukasti, khitinakatix nayar yäqapkitani ukanakarux yäqäwa, nayar jisk'achapkitani ukanakarusti mä p'inqa uñjarakï. Naya, Tatituw uk arsta.