Juan 5:20 - Qullan Arunaka DC

²⁰ Awkix Yuqaruw munasi, jupax kunanaktix lurki uk uñacht'ayi; ukampis juk'ampi jach'a luräwinak uñacht'ayani, jumanakasti ukanak uñjasax muspharapxätawa.

Aymar Bibliia 1986

²⁰ Awquejj Yokarojj munasiwa, uqhamarac jupajj uñjayiwa cunanactejj lurqui uca; ucampis uñacht'ayascaquiniwa juc'ampi jach'a uñacht'äwinacjja, jumanacasti muspharapjjätawa.

Qullan Arunaca

²⁰ Awquejj Yokarojj munasiwa, uqhamarac jupajj uñjayiwa cunanactejj lurqui uca; ucampis uñacht'ayascaquiniwa juc'ampi jach'a uñacht'äwinacjja, jumanacasti muspharapjjätawa.

Juan 5:20 Jak'a apnaqawi uñst'ayäwi

Mateo 11:27

“Awkixasti taqi kun churxitu. Janiw khitis Yuqarux uñt'kiti, jan ukasti Awkikiw uñt'i; Awkirusti janirakiw khitis uñt'kiti, jan ukasti Yuqakiw Awkirux uñt'i, khitirutix Yuqax uñt'ayañ munki ukanakampi.

Mateo 17:5

Pedron parlañapkamasti, mä lliphipkir qinayaw jupanakxarux muyuntäna, uka qinay taypitsti, mä aruw ist'asïna: “Akaw munat Wawaxaxa, nayax juparuw ajllista: jupar ist'apxam” sasa.

Mateo 3:17

Alaxpachatsti mä aruw ist'asïna akham siri: “Akapï munat Wawaxaxa, khitirutix nayax ajlliskta ukaxa” sasa.

Mateo 4:8

Tukuyarusti supayax mä jach'a qullu pataruw Jesusar irpäna, ukatsti aka uraqin taqi qamir markanaka, kunja jach'äkäntix uka markanak uñacht'ayäna,

Lucas 10:22

“Awkixax taqi kun nayarux katuyxitu. Janiw khitis Yuqan khitïtapsa yatkiti, jan ukasti Awkikiw yati; janirakiw khitis Awkin khitïtapsa yatkiti, jan ukasti Yuqakiw yati, khitinakarutix Yuqax Awkip uñt'ayañ munki jupanakarukiw uñt'ayi.”

Juan 1:18

Janipuniw Diosarux khitis uñjkiti; ukampis Awkimpi chika jakasir Diosan Yuqapakiw jupar uñt'ayistu.

Juan 10:32

Jesusasti jupanakarux sarakïnwa: —Jumanak nayraqatan Awkixan ch'amapampix askinak lurta; ¿kawkïr lurataxatarak qalampi k'upjañ munapxistasti? —sasa.

Juan 14:12

Qhanak sapxsma, khititix nayar iyawskitu ukax, kuntix nayax lurkta ukanak lurarakini; ukat juk'amp jach'a luräwinakamp lurani, Awkixax kawkinkkitix ukar saratax layku.

Juan 15:15

Janiw nayax jumanakar “uywatanaka” sas sutichapksmati, mä uywatax janiw uywiripan luratanakap yatkiti. Nayax jumanakarux “jila masinaka” sapxsmawa, kuntix Awkixax siskitu uk jumanakar yatiyatax layku.

Juan 17:26

Jupanakarusti khitïktatix jumax uk uñt'ayta, uksti uñt'ayaskakïwa, nayar munaskista uka munasiñax jupanakamp chikäñapataki, nayasti jupanak chikäñaxatakiraki.”

Juan 3:35

Awkix Yuqapar munasiwa, juparusti taqi kun katuyaraki.

Juan 5:21

Kunjämtix Awkix jiwatanakar jakañ churas jaktaykixa, ukhamarakiw Yuqapax khitinakarutix munki ukanakarux jakañ churaraki.

Juan 5:25

Qhanak sapxsma, pachax puriniwa, jiwatanakax jichhpachaw Diosan Yuqapan arup ist'apxani; ist'irinakasti, jakapxaniwa.

Juan 5:29

jupanakasti amay imäwit mistunipxani. Aski luririnakax wiñay jakañatakiw jaktapxani, ñanqha luririnakasti juchañchatäñatakiw jaktapxani.

2 Pedro 1:17

Jesusaw Dios Awkit muspharkay aytat kankañ katuqäna, kunapachatix Diosan arupax jupar parlkäna qhapaq kankañapana, akham sasa: “Akaw munat Wawaxaxa, jupaw nayarux kusisiyitu” sasa.