Juan 3:34 - Qullan Arunaka DC

³⁴ Diosan khithanitapax Diosan arunakap parli, Diosax Ajayup jilarkir churatap layku.

Aymar Bibliia 1986

³⁴ Diosan qhitanitapajja Diosan arunacapwa parli, Diosajj Ajayupjja jilarquirwa churaraqui.

Qullan Arunaca

³⁴ Diosan qhitanitapajja Diosan arunacapwa parli, Diosajj Ajayupjja jilarquirwa churaraqui.

Juan 3:34 Jak'a apnaqawi uñst'ayäwi

2 Reyes 2:9

Makhatasinsti, Eliasax Eliseor sänwa: —Sita, jumatak kunas lurañaxax wakisispa, nayax juma jak'at janïra irpaqatäkasina —sasa. Ukxaruw Eliseox säna: —Nayax juman ajayumat pä ukkhampi katuqañ munta —sasa.

Salmos 45:7

7 (8) Aski kankañarux munastawa, ñanqharusti uñistawa. Ukat Diosamax jumar ajllistam, masinakam taypin kusisiñampiw phuqhanttam.

Isaías 59:21

Tatitux siwa: “Nayaw jumanakampix mä arust'äwi lurta, arsuraktwa, ch'amaxasa, yatichäwinakax churapksma ukanakasa, janipuniw jumanakatxa juk'ampi jayarst'kxaniti, janirakiw wawanakamatsa jayarst'kxaniti, ukanakasti wiñayatakipunïniwa” sasa.

Levítico 7:35

Kuna waxt'anakatix Tatitutaki nakt'ayatäki ukanakax Aaronampiru wawanakapampiruw wakt'i, kunürutix Tatitux jupanakar sacerdotëpxañapatak utt'ayaski uka uruta.

Números 11:25

Ukapachasti Tatitux qinayanjam saraqanisinxa, Moisesampiw parläna; ukatsti Moisesan utjkän uka ajayut apaqäna, ukatsti uka paqallq tunka jilïr jaqinakaruw churäna, ajayux jupanakxar purkän ukkhasti, jupanakax Tatitut katuqat arunak yatiyañ qalltapxäna; ukasti mä kutikiw ukham lurasïna.

Mateo 12:18

“¡Uñkatapxam nayan ajllitaxaru, khitirutix nayar luqtañapatak jawsaskta ukaru! Nayax juparux wal munasta, jupasti nayarux kusisiyituwa. Nayan Ajayuxsti jupxaruw uchä, jupasti chiqa kankañax taqi markanakar yatiyani.

Lucas 4:18

“Tatitun Ajayupaw nayxanki, jan kunaninakar suma yatiyäwinak churañatakiw ajllisitu; llakt'atanakar chuymachiriw khithanitu, katuntatanakar qhispiyasiñ yatiyäwinak yatiyiriw khithanitu, juykhunakar uñatatayiri, t'aqhisiyatanakar qhispiyiri,

Juan 1:16

Taqiniw jupan jilarkir churäwinakap katuqapxtan; askita, askiru,

Juan 15:26

“Nayaw Awkixat jutki uka Ajay khithanipxäma, ukatsti kunatix chiqäki uk yatichapxätam. Uka Ajayuw jumanakar yanapapxätam, jupaw nayat arsurakini.

Juan 16:7

Ukampis kunatix chiqäki uk sapxsma: jumanakatakix nayan sarxañaxax askiwa. Nayatix jan sarkiristxa, janiw Chuymachirix jumanakar jutkaspati, ukampis nayatix saräxa, juparux khithanïwa.

Juan 3:17

Diosax janiw Yuqap akapachar juchañchañatak khithankiti, jan ukasti akapachan jupa tuqi qhispitäñapatakiw khithani.

Juan 5:26

Kunjämatix Awkix jupa pachpa jakañanixa, uka pachparakiw Yuqaparux pachpa jakañanïñap churi,

Juan 7:16

Jesusasti jupanakarux sänwa: —Yatichäwixax janiw nayankkiti, jan ukasti khithankitu ukankiwa.

Juan 8:40

Ukampis jichhax, kuntix Diosax nayar yatichkitu uk jumanakarux yatiyapxsma, jumanakasti uk sataxatak jiwayañ munapxista. ¡Abrahamasti janiw kunapachas ukham lurirïkänti!

Juan 8:47

Khititix Diosankirïki ukax, Diosan arunakap ist'i; ukampis jumanakax janiw Diosankirïpktati, ukatpï Diosan arup jan ist'añ munapktatixa —sasa.

Hechos 1:2

kunürutix alaxpachar jupax makhatkän ukürkama. Jesusax alaxpachar janïr makhatkasaxa, ajlliskatayna uka apostolunakaparuw Qullan Ajayu tuqi iwxawayäna kuntix lurapxañapäki ukxata.

Hechos 10:38

Diosaw Qullan Ajayun ch'amap jupar churarakïna. Jesusax askinak lurasaw sarnaqäna, supayan munañapan t'aqhisiyat jakapkän uka jaqinakar k'umarachasa, Diosan jupampïtap laykuw taqi ukanak luräna.

Romanos 8:2

Cristo Jesús tuqi jakañ churir Ajayun munañapax juchan munañapampita, jiwañampit qhispiyistu.

Efesios 3:8

Nayasti qullan markapankirinakat wali sullkakïtwa; ukampis jupaw aka suma irnaqäwi churitu, jan judiöpkis ukanakar Criston jan jakt'kay qamir kankañapat suma yatiyäwi yatiyañaxataki.

Colosenses 1:19

Diosax Criston taqi ch'ama utjañap munäna,

Colosenses 2:9

Kunäkitix Diosax ukasti Criston uñsti,

Apocalipsis 21:6

Ukatsti sarakituwa: “Taqi kunas luratäxiwa. Nayätwa qalltasa, tukuyasa. Umat pharjatarusti nayax inakiw jakañ churir jalsu umat churä.

Apocalipsis 22:1

Ukatsti angelax jakañ churir mä suma q'uma jawir uñacht'ayitu. Uka jawirasti Diosampina, Corderompin qhapaq qunuñapat mistunïna, qhispir uñtat suma ch'uwarakïnwa;