Juan 3:32 - Qullan Arunaka DC

³² kuntix uñjki, ist'karaki ukanakat qhanañchi; ukampis janiw khitis jupan arsutapar iyawskiti.

Aymar Bibliia 1986

³² Uqhamaraquiw parli cuntejj uñjqui ist'caraqui ucjjata, ucampis janiw qhitis iyawsquiti cuntejj jupajj arsqui ucjja.

Qullan Arunaca

³² Uqhamaraquiw parli cuntejj uñjqui ist'caraqui ucjjata, ucampis janiw qhitis iyawsquiti cuntejj jupajj arsqui ucjja.

Juan 3:32 Jak'a apnaqawi uñst'ayäwi

Isaías 50:2

¿Kunatsa nayax jutkta ukapachax khitirus jan jikxatktxa? ¿Kunatsa jawsataxarux khitis jan jayskituxa? ¿Janit amuyapktasti nayan ch'amanïtaxa jumanakar qhispiyañatakisti? Nayatakix janiw kunäkis mä aru arsuñaxa, ukhamat quta wañt'ayañatakisa, jawiranakas ch'usa wasarar tukuñapatakisa; ukhamat chawllanakax umatjam jiwarañapataki, umatjam thujsantañapataki.

Isaías 53:1

Isaías profetasti siwa: ¡Janipuniw khitis yatiyäwinakasar ist'apkiti! ¡Janirakiw khitis Tatitun ch'amap uñjkiti!

Mateo 7:8

Mayirix katuqiwa; thaqhirix jikxatiwa; punku liqt'irirusti jist'aratawa.

Juan 1:11

Jupasti jupankirinakan ukaruw jutäna, jupankirinakasti janiw katuqapkänti.

Juan 15:15

Janiw nayax jumanakar “uywatanaka” sas sutichapksmati, mä uywatax janiw uywiripan luratanakap yatkiti. Nayax jumanakarux “jila masinaka” sapxsmawa, kuntix Awkixax siskitu uk jumanakar yatiyatax layku.

Juan 18:37

Ukatsti Pilatox Jesusar jiskt'änwa: —¿Ukhamasti jumax Reyïtati? —sasa. Jesusasti sänwa: —Jumaw nayan Reyïtax arsusktaxa. Nayax ukatakiw yurta, kunatix chiqäki uk yatiyiriw akapachar jutta. Taqi khitinakatix chiqan sarnaqki ukanakax nayan arux ist'apxi —sasa.

Juan 3:11

Qhanak sisma, nanakax yatipkta ukat parlapxta, kuntix uñjapkta ukarak qhanañchapxta, ukampis jumanakax janiw iyawsapktati kuntix sapksma ukxa.

Juan 3:26

ukat Bautisir Juanar yatiyapxäna: —Yatichiri, Jordán jawir khurkatan jumampïkäna, jupat qhanañchapkista ukaxa, jichhax bautisaskiwa, taqiniw jupar arkapxi —sasa.

Juan 3:33

Kawkïritix iyawski ukaxa: Diosan arsutapax “Chiqawa” siwa;

Juan 5:20

Awkix Yuqaruw munasi, jupax kunanaktix lurki uk uñacht'ayi; ukampis juk'ampi jach'a luräwinak uñacht'ayani, jumanakasti ukanak uñjasax muspharapxätawa.

Juan 8:26

Ukampis jumanakan jan wali luratanakamat sañaxaw utjaskitu; khititix khithankitu ukax chiq arsu, nayasti kuntix jupat ist'kta ukarak akapachar sista.