Juan 3:2 - Qullan Arunaka DC

² Jupasti mä arumaw Jesusan ukar saräna, ukat jupar sarakïna: —Yatichiri, Diosan jumaru nanakar yatichiri khithanitap yatipxta; janiw khitis jumax lurkta uka muspharkañanak lurkaspati, janitix Diosax jupampïkaspa ukaxa —sasa.

Aymar Bibliia 1986

² Aca Nicodemosti arumaw saräna Jesusar uñjt'aniñataqui, ucatsti saraquïnwa: —Yatichiri, yatipjjtwa Diosajj jumar qhitanitapa nanacar yatichiri; janiraquiw qhitis aca milagronac lurcaspati, janitejj Diosajj jupampïspa ucajja —sasa.

Qullan Arunaca

² Aca Nicodemosti arumaw saräna Jesusar uñjt'aniñataqui, ucatsti saraquïnwa: —Yatichiri, yatipjjtwa Diosajj jumar qhitanitapa nanacar yatichiri; janiraquiw qhitis aca milagronac lurcaspati, janitejj Diosajj jupampïspa ucajja —sasa.

Juan 3:2 Jak'a apnaqawi uñst'ayäwi

1 Reyes 17:24

Warmisti ukxaruw säna: —Jichhakuchaw yatta, chiqpachan jumax Diosan profetapätawa, arsutamasti Tatitun chiqa arsutapawa —sasa.

Isaías 51:7

“Kunatix chiqäki uk yatirinaka, ist'apxita, nayan yatichäwinakax sum katuqir marka. Jaqin jan wali arusitanakap jan axsarapxamti, janiraki jaqin jisk'achatanakapampis ch'am laq'ayasipxamti,

Jeremías 38:16

Ukampis Sedequías reyix Jeremías profetatakix jamasat aka juramento lurarapïna: —Khititix jakañ churkistu uka Tatitun sutipxaruw juramentompi arsurapsma, janiw jiwaykämati, janirakiw khitinakatix jiwayañ munapktam ukanakan amparaparus katuykämati —sasa.

Mateo 22:16

Ukatsti Jesusan ukaruw khithapxäna mä qawqha fariseonakampi, Herodesan arkirinakampi, akham sañapataki: —Yatichiri, yatipxtwa chiqa arsur jaqïtama, taqi kunan Diosar jaysañxat yatichatama, kuns jaqix yatichäwimat saskpan ukar juman jan yäqatamsa.

Mateo 23:7

thakhinakansa taqi jaqinakamp aruntayasiñ munapxi, ‘yatichiri’ sayasiñ munapxaraki.

Mateo 23:8

“Jumanakasti janiw ‘yatichiri’ sayasipxañamäkiti, jumanakax jila puräpxtawa; maynikiw Yatichirixa, jupasti Cristowa.

Marcos 12:14

Jupanakasti purinisinxa sapxänwa: —Yatichiri, yatipxtwa chiqa arsur jaqïtama, kuns jaqix yatichäwimata saskpan ukar juman jan yäqatamsa, ukampis jumax taqi kunan Diosar jaysañxat yatichtaxa. Jichhax sapxita: ¿Cesarar qullqi churañax wakisiti, jan ukax janicha? ¿Churapxiristti jan ukax janicha? —sasa.

Juan 1:38

Jesusasti jupar arkaskir uñjasin kutikipstani, ukat jupanakar sarakïna: ¿Kunarak thaqhasipktasti? —sasa. Jupanakasti sapxänwa: —Yatichiri, ¿kawkinarak utjastasti? —sasa.

Juan 10:38

Ukampis luräwinakap lurstxa ukax, janis nayarux iyawsapkita, jan ukasti, luräwinakaxar iyawsapxam, ukhamat Awkix nayankatapa, nayasti Awkinkataxarak mäpit yatipxäta —sasa.

Juan 12:37

Jesusax walja muspharkañanak jupanak nayraqatan lurkchïn ukasa, janiw judionakax jupar iyawsapkänti;

Juan 14:10

¿Janit iyawsktasti nayampi Awkimpix mayakïpxataxsti? Yatiyapksma uka arunakxa, janiw naya pachpatakti sapksmaxa. Nayan jakki uka Awkiw luräwinakap luraski.

Juan 15:24

Janitix nayax jupanak taypin jan khitis lurki ukanak jan lurkiriskäyätxa, janiw kuna juchanïpkasapänsa; ukampis jichhax taqi ukanak uñjxapxiwa, ukhampachas nayarusa, Awkixarus uñisisipkakituwa.

Juan 2:11

Kuntix Jesusax Galilea uraqinkir Caná markan lurkän ukax nayrïr muspharkañ luräwipänwa; uka luräwimpiw ch'amap uñacht'ayäna, yatiqirinakapasti juparux iyawsapxarakïnwa.

Juan 20:16

Jesusasti juparux sänwa: —¡María! —sasa. Jupasti kutikipstasin hebreo arun säna: —¡Rabuni! —sasa. (Ukasti “Yatichiri” sañ muni.)

Juan 3:26

ukat Bautisir Juanar yatiyapxäna: —Yatichiri, Jordán jawir khurkatan jumampïkäna, jupat qhanañchapkista ukaxa, jichhax bautisaskiwa, taqiniw jupar arkapxi —sasa.

Juan 4:31

Ukchañkamasti yatiqirinakapax Jesusaruw achikt'apxäna: —Yatichiri, manq'asimaya —sasa.

Juan 5:36

Ukampis Juanat sipan yaqhaw nayat arsurix utji. Kuntix nayax lurkta ukaxa, Awkix lurañaxatak katuykitu ukawa; ukasti Awkin nayar chiqpach khithanitap yatiyi.

Juan 6:2

Walja jaqinakaw qhipapat arkapxäna, usutanakar muspharkañ luras k'umaraptayatap layku.

Juan 7:31

Waljaniw jupar iyawsapxäna, ukat sapxarakïna: —Cristox jutkani ukkhasti ¿aka jaqit sipan juk'amp muspharkañanakti lurpachänisti? —sasa.

Juan 9:16

Mayni fariseonakasti sapxarakïnwa: —Khititix ak lurki ukax janiw Diosankirïkaspati, sábado uru jan yäqatap layku —sasa. Mayninakasti sapxarakïnwa: —Mä juchararasti, ¿kunjämarak aka muspharkañ luraspasti? —sasa. —Jupanak taypin kunayman amuyuw utjäna,

Hechos 10:38

Diosaw Qullan Ajayun ch'amap jupar churarakïna. Jesusax askinak lurasaw sarnaqäna, supayan munañapan t'aqhisiyat jakapkän uka jaqinakar k'umarachasa, Diosan jupampïtap laykuw taqi ukanak luräna.

Hechos 2:22

“Israelitanaka, aka arunak sum ist'apxita: Diosax jumanak taypin Nazaretankir Jesusan munañanïtap uñacht'äwayi, jupa tuqi jach'a muspharkañ luräwinaka, unañchäwinak lurasa, uka luratanaksti jumanakax sum yatipxtaxa.

Filipenses 1:14

Nayar katuntat uñjasinxa, waljaniw jilatanakax Diosan arunakap yatiyañatakix juk'ampi ch'ama katxatapxi.

Jueces 6:27

Gedeón chachasti uywatanakapat tunkaniruw ajllïna, ukatsti kunjämtix Tatitux siskatayna ukarjamaw luräna; jupasti janiw urux lurkänti, jan ukasti arumakiw luräna, awkipan wila masiparu, markankir jaqinakar axsarasina.