Juan 3:18 - Qullan Arunaka DC

¹⁸ Khititix Diosan Yuqapar iyawski ukax, janiw juchañchatäkiti, khititix jan iyawski ukasti niya juchañchatäxiwa, Diosan mä sapa Yuqapar jan iyawsatap layku.

Aymar Bibliia 1986

¹⁸ Qhititejj Diosan Yokapar iyawsqui ucajja, janiw juchañchatäquiti, ucampis qhititejj jan iyawsqui ucajj niyaw juchañchatäjje, Diosan mä sapa Yokapar jan iyawsatap laycu.

Qullan Arunaca

¹⁸ Qhititejj Diosan Yokapar iyawsqui ucajja, janiw juchañchatäquiti, ucampis qhititejj jan iyawsqui ucajj niyaw juchañchatäjje, Diosan mä sapa Yokapar jan iyawsatap laycu.

Juan 3:18 Jak'a apnaqawi uñst'ayäwi

Marcos 16:16

Khititix iyawskani, bautisaskarakini ukax qhispiyatäniwa, jan iyawsiristi, juchañchatäniwa.

Juan 1:12

Ukampis jupar katuqasin iyawsirinakax Diosan wawanakapäxiwa.

Juan 1:18

Janipuniw Diosarux khitis uñjkiti; ukampis Awkimpi chika jakasir Diosan Yuqapakiw jupar uñt'ayistu.

Juan 20:31

Ukampis kunanakatix akan qillqatäki ukanakax Jesusan Cristötapa, Diosan Yuqapätap iyawsapxañamatak qillqatawa, jupar iyawsasinsti, wiñay jakañ katuqapxañamataki.

Juan 3:16

Diosax akapachar wal munatap laykuw mä sapa Yuqapar khithani, taqi khitinakatix jupar iyawsapkani ukanakan jan chhaqhañapataki, jan ukasti wiñay jakañanïñapataki.

Juan 3:36

Khititix Yuqar iyawski ukax wiñay jakañaniwa; khititix Yuqar jan iyawski ukasti janiw wiñay jakañanïkaniti, jan ukasti Diosan axsarkañ mutuyäwip katuqani.

Juan 5:24

“Qhanak sapxsma, khititix nayan arsutaxar ist'ki, khithankitu ukarus iyawskaraki ukax, wiñay jakañaniwa; janiw juchañchatäkaniti, jan ukasti jiwañat jakañaruw sarakipxi.

Juan 6:40

Awkixan munañapasti akawa: Taqi khititix Diosan Yuqapar uñt'ki, jupar iyawskaraki ukax wiñay jakañanïñapawa; nayasti tukuy urun jupanakar jiwatat jaktayä —sasa.

Juan 6:47

Qhanak sapxsma, khititix nayar iyawskitu ukax wiñay jakañaniwa.

Romanos 5:1

Ukhamasti, Diosax iyawsäwi laykuw aski jaqit katuqxistu, Diosampi sumankañax Jesucristo Tatitus tuqiw utjistu.

Romanos 8:1

Ukhamasti, jichhax khitinakatix Cristo Jesusamp mayakïpki jupanakatakix janiw kuna juchañchäwis utjkiti.

Romanos 8:34

¿Khitirak jupanakar juchañchaspasti? Janiw khitisa, Cristo Jesusaw jiwawayi; jupaw jiwatat jaktawayi, jichhasti Diosan kupïxapan qunt'atäskiwa, jiwasanakatakiw mayiskaraki.

Hebreos 12:25

Kunapachatix Diosax qhuru arumpi arxayapkätam ukkhax amuyasipxam. Jan “janiw” sapxamti, israelitanakasti nayra pachax janiw ist'apkänti, ukat mutuyatäpxäna.

Hebreos 2:3

¿Kunjämarak uka jach'a qhispiyasiñar jan yäqkañän ukasti mutuyatäñat jaltañänisti? Pachpa Tatituw uka qhispiyasiñat nayraqat yatiyäna, ukatsti khitinakatix uka qhispiyasiñat ist'apkän ukanakarakiw jiwas taypin qhanañchistäna.

Hebreos 3:19

Ukhamasti jupanakax jan iyawsapxatap laykuw jan mantapkänti.

1 Juan 3:23

Jupan kamachipax Jesucristo Yuqapar iyawsañawa, maynit maynikam munasiñawa, kunjämtix jupax munkistu ukhama.

1 Juan 4:9

Diosax jupan mä sapa Wawap akapachar khithanisaw munasiñap uñacht'ayistu, ukhamat jiwasax jupïpan wiñay jakañanïñasataki.

1 Juan 5:10

Khititix Diosan Yuqapar iyawski ukaxa, uka qhanañchäwix chuymapankiwa. Jan iyawsiristi Diosarux k'aritjam uñt'ayi, Diosan Yuqap tuqi qhanañchäwi jan iyawsatap layku.

1 Juan 5:12

Khititix Diosan Yuqapar katuqki ukax wiñay jakañaniwa; ukampis khititix Diosan Yuqapar jan katuqki ukasti, janiw wiñay jakañanïkiti.