Juan 3:16 - Qullan Arunaka DC

¹⁶ Diosax akapachar wal munatap laykuw mä sapa Yuqapar khithani, taqi khitinakatix jupar iyawsapkani ukanakan jan chhaqhañapataki, jan ukasti wiñay jakañanïñapataki.

Aymar Bibliia 1986

¹⁶ “Diosajj acapachar wal munatap laycuw mä sapa Yokapar qhitani, take qhitinacatejj jupar iyawsapqui ucanacajj jan chhakañapataqui, jan ucasti wiñay jacañanïñapataqui.

Qullan Arunaca

¹⁶ “Diosajj acapachar wal munatap laycuw mä sapa Yokapar qhitani, take qhitinacatejj jupar iyawsapqui ucanacajj jan chhakañapataqui, jan ucasti wiñay jacañanïñapataqui.

Juan 3:16 Jak'a apnaqawi uñst'ayäwi

Génesis 22:12

Tatitun angelapasti sarakïnwa: —Jan kuna ñanqhsa wawar luramti, Diosar axsaratam yatxtwa, janirakiw “Janiw” sisktati, sapa wawamar nayar luqtaniña —sasa.

Génesis 22:2

Tatitusti sarakïnwa: —Isaac sapa yuqall wawamar irpxarum, sinti munat wawamaru, ukatsti Moria uraqir saram. Uka chiqar purisinsti, kawkïri qulltix nayax uñacht'aykäma uka qullun nayar wawam mä nakt'ayat wilañcha luqtäta —sasa.

Isaías 9:6

6 (5) Mä wawawa jiwasatak yuri, Tatituw mä yuqall wawa churistu, uka wawawa jichhax ch'amampi apnaqani. Akham sasaw sutichapxani: Amtäwinakapanxa Muspharkaña, jan atipjkay Tatitu, wiñay Awki, sumankañan Jilïripa, sasa.

Mateo 9:13

Sarapxam, ukatsti kuntix aka arsüwix sañ munki uk amuyt'anipxam: ‘Nayax jumanakan khuyapt'ayasirïpxañam munta, janiw luqtanak munkti’. Janiw aski jaqinakar jawsir jutkti, jan ukasti juchararanakar jawsiriw jutta —sasa.

Marcos 12:6

“Ukampis maynikiw khithañatak utjxäna, ukasti munat yuqapänwa. Tukuyarusti uka sapa yuqaparuw khithäna: ‘Yuqaxarux axsarapxaniwa’ sasa.

Lucas 2:14

“¡Diosax alaxpachan jach'añchatäpan! Aka uraqinsti sumankañax utjpan Diosan khuyapayat jaqinak taypina!”

Juan 1:14

Arusti jaqiruw tuküna, ukatsti jiwasanak taypin jakarakïna. Jiwasanakasti jach'a qhapaq kankañap uñjapxtan, uka jach'a qhapaq kankañsti, Awkin mä sapa Yuqapätap laykuw katuqäna, munasiñampi askimpi phuqhantata.

Juan 1:18

Janipuniw Diosarux khitis uñjkiti; ukampis Awkimpi chika jakasir Diosan Yuqapakiw jupar uñt'ayistu.

Juan 1:29

Qhipürusti Juanax Jesusaruw uñjäna, jupar jak'achasisinkiri, ukat säna: “¡Uñtapxam, jupaw akapachan juchap q'umachir Diosan Corderopaxa!

Juan 10:28

Nayax wiñay jakañ churta, janiw kunapachas jiwapkaniti, janirakiw khitis amparaxat apaqkitaniti.

Juan 3:15

khitinakatix jupar iyawsapkani ukanakan jan chhaqhañapataki, jan ukasti wiñay jakañanïñapataki.

Juan 3:18

Khititix Diosan Yuqapar iyawski ukax, janiw juchañchatäkiti, khititix jan iyawski ukasti niya juchañchatäxiwa, Diosan mä sapa Yuqapar jan iyawsatap layku.

Juan 3:36

Khititix Yuqar iyawski ukax wiñay jakañaniwa; khititix Yuqar jan iyawski ukasti janiw wiñay jakañanïkaniti, jan ukasti Diosan axsarkañ mutuyäwip katuqani.

Juan 6:40

Awkixan munañapasti akawa: Taqi khititix Diosan Yuqapar uñt'ki, jupar iyawskaraki ukax wiñay jakañanïñapawa; nayasti tukuy urun jupanakar jiwatat jaktayä —sasa.

Romanos 5:10

Kunapachatix Diosan uñisiripäkäyätan ukkhaw Wawapan jiwatap tuqi jupampi sumankthapxtan, ukatarak jakañap tuqi qhispiyatäñäni, jichhasti jupampi sumankthapitäxtanwa.

Romanos 5:8

Ukampis Diosax munasiñap uñacht'ayistu, kunapachatix jucharar uñjaskäyätan ukkhaw Cristox jiwasanak layku jiwawayi.

Romanos 8:32

Diosasti pachpa Wawaparuw taqi jiwasanak laykux jiwar katuyi, ukhamasti, ¿kamisarak Wawapamp chika kunsa jan churkistaspasti?

Efesios 2:4

Ukampis Diosax jach'a khuyapayasiriwa, jach'a munasiñap uñachayistu.

2 Tesalonicenses 2:16

Pachpa Jesucristo Tatitusasa, Dios Awkisasa khuyapayasiñap laykuw munasistu, ukatsti wiñay chuymachäwi, suyt'äwi churarakistu,

Tito 3:4

Ukampis kunapachatix Qhispiyir Tatitux khuyapayasiñapa, munasiñapsa taqi jaqinakar uñacht'ayistuxa,

Hebreos 2:9

Ukampis Jesusarux uñjtanwa, juparusti Diosax angelanakat sipansa mä juk'a pachatak jisk'aruw uskt'i, jiwañampi t'aqhisitap laykusti qhapaq kankañampi, jach'a kankañampi pilluntatawa. Diosax munasiñapan taqinin askipatakiw jiwañap munäna.

1 Juan 3:1

Uñjapxam, Dios Awkix walpun munasistu, Diosan wawanakapaw satäñasatakixa, jïsa, wawanakapapunïsktanwa. Ukatpï Diosar jan iyawsirinakax jan uñt'kistutixa, jupanakan Diosar jan uñt'apxatap layku.

1 Juan 4:19

Diosaw nayraqat jiwasanakar munasistu, ukat jiwasax jupar munasipxañasa.

Apocalipsis 1:5

Diosan chiqa qhanañchiripa Jesucristotsa katuqasipxarakim. Uka Jesucristow jiwatanak taypit nayrïr jaktirixa, taqi akapach reyinakar apnaqañatakis jupax munañanirakiwa. Jesucristox jiwasar munasistuwa, juchanakasatsa wilap wartasaw jariqistu,