Juan 21:23 - Qullan Arunaka DC

²³ Jupanak taypinsti, uka yatiqirix janis jiwkaspa ukhamaw yatisïna. Ukampis Jesusax janiw siskänti: “Janiw jiwkaniti” sasaxa, jan ukasti sänwa: “Nayatix kutiniñaxkam jupan jakañap munirista ukasti, ¿kuna lurañamas juman utji?” sasa.

Aymar Bibliia 1986

²³ Ucatsti jupanacpuraw yatiyquipasipjjäna: “Uca discipulojj janiw jiwcaniti” sasa. Ucampis Jesusajj janiw siscänti: “Janiw jiwcaniti” sasajja, jan ucasti sänwa: “Nayatejj muniristjja jupan jacañapa nayan cutt'aniñajjcama ¿cuna waquisiris ucajj jumataqui?” sasa.

Qullan Arunaca

²³ Ucatsti jupanacpuraw yatiyquipasipjjäna: “Uca discipulojj janiw jiwcaniti” sasa. Ucampis Jesusajj janiw siscänti: “Janiw jiwcaniti” sasajja, jan ucasti sänwa: “Nayatejj muniristjja jupan jacañapa nayan cutt'aniñajjcama ¿cuna waquisiris ucajj jumataqui?” sasa.

Juan 21:23 Jak'a apnaqawi uñst'ayäwi

Job 28:28

Jaqinakarusti Diosax sänwa: “Yatiñ kankañax: Tatitur taqi chuyma jaysañawa; ch'ikhi kankañax: ñanqhat jithiqtañawa” sasa.

Job 33:13

¿Kunatarak Diosatak arsustasti? ¿Arsusitanakamar jan jaysatapatti ukham parlta?

Daniel (hebreo) 4:35

35 (32) Jupa nayraqatan taqi akapachankir jaqinakax janiw kunäkisa; jupax munañaparjamaw apnaqi, alaxpachansa, akapachansa. Janiw khitis ch'amapar saykatirjamax utjkiti, janirakiw khitis jupar jiskt'karakispati ¿kunatsa ukham lurta?’ sasa.

Mateo 16:27

Jaqin Yuqapax Awkipan jach'a munañapampiw, angelanakapampi jutani, ukatsti sapa mayniruw lurataparjam churani.

Hechos 1:15

Ukürunakansti niya patak pä tunkan jilatanakaw tantacht'asipxäna. Pedrosti jupanak taypin sayt'asisin säna:

Hechos 28:14

Ukansti iglesiankir mä qawqha jilatanakaruw jikxatapxta, jupanakasti paqall uru jupanakamp qamart'awayañatakiw mayipxitu. Ukat Roma markar purisipkta.

Hechos 6:3

Ukhamasti jilatanaka, jumanak taypit paqallq chachanak ajllipxam. Uka chachanakasti sarnaqäwinakapan aski chachanakäñapawa, Qullan Ajayump phuqt'ata, suma amuyt'irinakaraki, jupanakaruw uka lurañanak churañäni.

1 Corintios 11:26

Ukhamasti, jumanakax sapa kuti aka t'ant'a manq'apkäta, aka qirut umapkät ukkhaxa, Tatitun jutañapkamax jiwatap qhanañchasipktaxa.

1 Corintios 4:5

Ukhamasti, jumanakax jan kunatsa mäkix taripapxamti; Tatitun jutañap suyt'apxam, jupaw ch'amakankki uk qhanar apsuni, chuyman amtäwinakapsa qhanstayarakini. Ukatsti Diosaw sapaqat maynirux luräwipatjam jach'achaskani.

Deuteronomio 29:29

29 (28) “Jan yatktan ukanakax Tatit Diosasankiwa, jupakirakiw uñt'i, ukampis jiwasarux taqi uka kamachi arunak qhanañchawayistu, ukhamat jiwasasa, wawanakasas uka kamachi arunakapar jaysañasatakipuni.

Santiago 5:7

Ukampis jilatanaka, jumanakax Tatitun jutañapkamax llamp'u chuymanïpxam. Yapuchir jaqix achunak apthapiñatakix llamp'u chuymampiw jallupachan qalltañap suyt'i.

Apocalipsis 2:25

Ukampis katxäsipxam kuntix yatipkta ukxa, nayan jutañaxkama.