Juan 19:6 - Qullan Arunaka DC

⁶ Sacerdotenakan jilïrinakapampi, Tatitun utap uñjir soldadonakampisti, Jesusar uñjasin jach'at arnaqañ qalltapxäna: —¡Ch'akkatam! ¡Ch'akkatam! —sasa. Pilatosti jupanakarux sänwa: —Ukhamax jumanakay irpapxam, ukatsti ch'akkatanipxam, nayax janiw kuna juchsa aka jaqin jikxatkti —sasa.

Aymar Bibliia 1986

⁶ Sacerdotenacan jilïrinacapas uqhamaraqui templo uñjirinacasa, Jesusaru uñjasinjja, jach'at arnakañwa kalltapjjäna: —¡Ch'accatam! ¡Ch'accatam! —sasa. Pilatosti jupanacarojj sänwa: —Uqhamajj jumanacay apapjjam ucatsti ch'accatanipjjaraquim. Nayajj janiw cuna juchs jupan jicjjatcti —sasa.

Qullan Arunaca

⁶ Sacerdotenacan jilïrinacapas uqhamaraqui templo uñjirinacasa, Jesusaru uñjasinjja, jach'at arnakañwa kalltapjjäna: —¡Ch'accatam! ¡Ch'accatam! —sasa. Pilatosti jupanacarojj sänwa: —Uqhamajj jumanacay apapjjam ucatsti ch'accatanipjjaraquim. Nayajj janiw cuna juchs jupan jicjjatcti —sasa.

Juan 19:6 Jak'a apnaqawi uñst'ayäwi

Mateo 26:58

Pedrosti jayatak Jesusarux arkäna, jilïr sacerdoten uta anqäxapar puriñkama. Mantasinsti, soldadonakamp chikaw qunt'asïna, kunjämarus ukax tukuyani uk yatiñataki.

Mateo 27:22

Pilatosti jupanakarux wasitat jiskt'äna: —Ukhamax ¿kun lurañaxsa munapxta Cristo satäkis uka Jesusampixa? —sasa. Ukarux taqiniw mayak sapxäna: —¡Ch'akkatam! —sasa.

Mateo 27:24

Pilatosti jaqir inamay arxayatap amuyasïna, jaqinakan juk'ampi uxtatap uñjasasti, uma aptayanïna, ukatsti taqi jaqin uñjkañaw amparanakap uka umampi jariqasïna, akham sasa: —Aka jaqin wilap wartañatakix janiw nayax kuna juchanïktsa; jumanakaw juchanïsipkäta —sasa.

Lucas 23:4

Ukat Pilatox sacerdotenakan jilïrinakaparu, jaqinakarus säna: —Janiw kuna juchsa aka jaqin jikxatkti —sasa.

Juan 18:3

Judasasti mä tama soldadonakampiw ukawjar purinïna, fariseonakampi sacerdotenakan jilïrinakapampix Tatitun utap uñjirinakat mä qawqhan khithankatayna ukanakamp chika. Jupanakax nuwasiñatak wali wakicht'ataw jutapxäna, micha qhananaka, nina wiyanak apt'ata.

Juan 18:31

Pilatox jupanakar sarakïnwa: —Irpasxapxam, jumanakak kamachinakamarjam juchañchasipkam —sasa. Jilïr judionakasti sapxarakïnwa: —Nanak judionakarux janiw khitir jiwayañas wakt'apkituti —sasa.

Juan 18:38

Pilatox ukxarux sarakïnwa: —¿Kunarak chiqasti? —sasa. Uk arsusinsti, Pilatox wasitat mistuwayasin judionakar parläna, jupanakarusti sarakïnwa: —Janiw nayax aka jaqin kuna jucha luratapsa jikxatkti.

Juan 19:15

Judionakasti juk'ampiw art'apxäna: —¡Cruzar ch'akkatam! ¡Cruzar ch'akkatam! —sasa. Pilatosti jupanakarux jiskt'änwa: —¿Jumanakan reyimarut ch'akkatästi? —sasa. Sacerdotenakan jilïrinakapasti sapxarakïnwa: —Nanakan reyixax Cesarakiwa, janiw juk'amp yaqha reyix utjapkituti —sasa.

Juan 19:4

Pilatosti wasitampiw mistunïna, ukat jupanakar sarakïna: —Janiw nayax kuna juchsa aka jaqin jikxatkti; uk yatipxañamatakiw irpsunta —sasa.

Hechos 2:23

Uka chacharusti Diosan amtataparjam arsutaparjamaw katuyat uñjasïna; jumanakasti jucharar jaqinakan amparanakap tuqiw jiwayapxtaxa, mä cruzar ch'akkatasa.

Hechos 7:52

¿Profetanakat kawkïrirusa, nayra awkinakamax jan t'aqhisiyapkänxa? Jupanakax mayni aski jaqin jutañapat yatiyirinakarux jiwayapxänwa. Uka aski jaqin jutxipansti, jumanakax jupar katuntayasin jiwayapxaraktawa.