Juan 19:15 - Qullan Arunaka DC

¹⁵ Judionakasti juk'ampiw art'apxäna: —¡Cruzar ch'akkatam! ¡Cruzar ch'akkatam! —sasa. Pilatosti jupanakarux jiskt'änwa: —¿Jumanakan reyimarut ch'akkatästi? —sasa. Sacerdotenakan jilïrinakapasti sapxarakïnwa: —Nanakan reyixax Cesarakiwa, janiw juk'amp yaqha reyix utjapkituti —sasa.

Aymar Bibliia 1986

¹⁵ Judionacajj juc'ampiwa art'apjjäna: —¡Jiwpan! ¡Jiwpan! ¡Ch'accatam! —sasa. Pilatosti jupanacarojj saraquïnwa: —¿Jumanacan reyimaruti ch'accatäjja? —sasa. Sacerdotenacan jilïrinacapajj ucjjarojj sapjjaraquïnwa: —Nanacan reyejjajj romanonacan emperadorapaquiwa, janiw juc'amp yakha reyinacajjajj utjapquituti —sasa.

Qullan Arunaca

¹⁵ Judionacajj juc'ampiwa art'apjjäna: —¡Jiwpan! ¡Jiwpan! ¡Ch'accatam! —sasa. Pilatosti jupanacarojj saraquïnwa: —¿Jumanacan reyimaruti ch'accatäjja? —sasa. Sacerdotenacan jilïrinacapajj ucjjarojj sapjjaraquïnwa: —Nanacan reyejjajj romanonacan emperadorapaquiwa, janiw juc'amp yakha reyinacajjajj utjapquituti —sasa.

Juan 19:15 Jak'a apnaqawi uñst'ayäwi

Génesis 49:10

Janiw khitis Judá markarux ch'amanïñ kankañap apaqkaniti, janirakiw khitis jilïr kankañ thujrupsa amparapat apaqkaniti, aka uraqpachar apnaqkani uka chiqpach reyin jutañapkama.

Mateo 22:17

Jichhax sapxitaya: ¿Cesarar qullqi churañax walikïskiti, jan ukax janicha? —sasa.

Lucas 23:18

Ukampis taqiniw mayak art'apxäna: —¡Jesusax jiwayatäpan! ¡Barrabasar antutam! —sasa.

Juan 18:31

Pilatox jupanakar sarakïnwa: —Irpasxapxam, jumanakak kamachinakamarjam juchañchasipkam —sasa. Jilïr judionakasti sapxarakïnwa: —Nanak judionakarux janiw khitir jiwayañas wakt'apkituti —sasa.

Juan 19:6

Sacerdotenakan jilïrinakapampi, Tatitun utap uñjir soldadonakampisti, Jesusar uñjasin jach'at arnaqañ qalltapxäna: —¡Ch'akkatam! ¡Ch'akkatam! —sasa. Pilatosti jupanakarux sänwa: —Ukhamax jumanakay irpapxam, ukatsti ch'akkatanipxam, nayax janiw kuna juchsa aka jaqin jikxatkti —sasa.

Hechos 13:28

Jupar jiwayañatakix janiw kuna juchsa jikxatapkänti, ukhamäkipansa Pilatorux jiwañap mayisipkakïnwa.

Hechos 21:36

taqiniw wali arnaqt'asis qhipat arkapxäna: “¡Jiwayapxam!” sasa.

Hechos 22:22

Jaqinakasti janiw Pablorux juk'amp isch'ukiñ munkxapxänti, ukat wali jach'at arnaqañ qalltapxi: “¡Uka jaqix jiwpan! ¡Janiw jakañapax wakiskxiti! ¡Janiw jupar aka uraqin wasitat uñjañ munapkti!” sasa.