Juan 17:4 - Qullan Arunaka DC

⁴ “Nayax aka uraqin jach'añchsmawa, kuntix lurañ churkista uk tukuyaraktwa.

Aymar Bibliia 1986

⁴ “Nayaw aca orakenjja jach'añchsma, tucuyaractwa cuntejj lurañ churquista ucsa.

Qullan Arunaca

⁴ “Nayaw aca orakenjja jach'añchsma, tucuyaractwa cuntejj lurañ churquista ucsa.

Juan 17:4 Jak'a apnaqawi uñst'ayäwi

Lucas 22:37

Nayasti sapxsmawa, kunatix Qillqatanakax nayat siski: ‘Ñanqha luririnakamp jakhutawa’ sasa ukax phuqhasiñapawa. Taqi kunatix nayat qillqatäki ukanakax phuqhasiñapawa —sasa.

Juan 12:28

Awkixay, sutimax jach'añchatäpan. Ukapachaw alaxpachat mä arux ist'asïna: “Nayax jupar jach'añchawayxtwa, wasitampis jupar jach'añchaskakïwa” sasa.

Juan 14:13

Taqi kuntix jumanakax sutixar mayipkäta uk nayax lurä, ukhamat Awkin jach'a kankañap Yuqa tuqi uñacht'ayatäñapataki.

Juan 14:31

ukampis nayax Awkixar ist'añaxawa, akapachankirinakan jupar munatax yatiñapataki. “Ukhamax sartapxam, akawjat sarxapxañäni” —sasa.

Juan 15:10

Nayan kamachinakaxtix phuqhapxätaxa, nayan munasiñaxan sarnaqapxäta, kamisatix nayax Awkixan arsutanakap phuqkta, ukatsti jupan munasiñapan sarnaqarakta ukhama.

Juan 19:28

Ukanak qhipatsti, Jesusax taqi kunan phuqhasxatap yatïna, ukatsti Qillqatan phuqhasiñapatakiw säna: —Umat pharjitu —sasa.

Juan 19:30

Jesusasti uka k'allk'u vino mallt'äna, ukatsti sänwa: —Taqi kunaw phuqhata —sasa. Ukatsti p'iqip alt'asin jiwawayxäna.

Juan 4:34

Ukampis Jesusax jupanakar sänwa: —Nayan manq'axax khititix khithankitu ukan munañapa, lurañapa, phuqhañawa.

Juan 5:36

Ukampis Juanat sipan yaqhaw nayat arsurix utji. Kuntix nayax lurkta ukaxa, Awkix lurañaxatak katuykitu ukawa; ukasti Awkin nayar chiqpach khithanitap yatiyi.

Juan 9:3

Jesusasti jupanakarux sarakïnwa: —Janiw jupan juchap laykut ukham yurki, janirakiw awkinakapan juchap laykus ukham yurkiti, jan ukasti, Diosan luräwinakapax jupa tuqi uñstañapatakiwa.

Hechos 20:24

Uk yatiskasinsa, janiw llakisiykituti. Nayatakix janiw jakañaxas kuna jach'äkisa, nayax kusisitaw tukuykam jalañ munta, kuna lurañtix Tatit Jesusax churkitu uk kusisiñamp phuqhañakiw wakt'itu, ukatsti Diosan munasiñapat suma yatiyäwi arunak jaqinakar qhanañchaña.

2 Timoteo 4:7

Taqi kunan Diosar jaysañ laykux walpun ch'amachasiwayta, jichhasti jikxatawaytwa; jalañaxan tukuyäwiparuw purta, janipuniw iyawsañax chhaqhayasiwaykti.