Juan 17:11 - Qullan Arunaka DC

¹¹ “Qullan Awkixay, nayax janiw akapachankxäti, jupanakasti akapachan qhiparapxani, juma jak'ar nayan jutañaxkama. Awkixay, jupanakaruy imam, kawkïr ch'amtix churkista uka ch'amampiy imam jupanakan mayakïpxañapataki, kamisatix jumampi nayampix mayakïktan ukhama.

Aymar Bibliia 1986

¹¹ “Nayajj janiw acapachancjjäti, ucampis jupanacajj acapacharuw kheparapjje, nayasti jutjjtwa jumampïñataqui. Kollan Awquejja, cawquïrinactejj churquista ucanacarojj ch'amamampiy imam jupanacajj mayaquïpjjañapataqui, cunjämatejj jumampi nayampejj mayaquïctanjja uqhama.

Qullan Arunaca

¹¹ “Nayajj janiw acapachancjjäti, ucampis jupanacajj acapacharuw kheparapjje, nayasti jutjjtwa jumampïñataqui. Kollan Awquejja, cawquïrinactejj churquista ucanacarojj ch'amamampiy imam jupanacajj mayaquïpjjañapataqui, cunjämatejj jumampi nayampejj mayaquïctanjja uqhama.

Juan 17:11 Jak'a apnaqawi uñst'ayäwi

Salmos 79:9

Qhispiyir Diosaxay, ¡juman jach'a sutim laykuy arxatapxita, qhapaq sutim laykuy qhispiyapxita, juchanakat pampachapxarakita!

Proverbios 18:10

Tatitun sutipax jach'a pukarar uñtatawa, uka tuqiruw aski jaqinakax qhispiyasiñatak jalapxi.

Isaías 27:3

Naya Tatituw uka markarux uñjaskta, uruy arumaw imaskta, ukhamat jan khitis ñanqhachañapataki.

Isaías 64:2

2 (1) kunjämtix ninax ch'aphi alinak nakhantki, jan ukax umsa wallxtayki ukhama. Ukapachaw uñisirinakamax sutim uñt'apxaspa, markanakasti juma nayraqatan khathatipxaspa.

Jeremías 14:21

¡Sutiman jach'ätap laykukisay nanakat khuyapt'ayasipxita; kawkha markankkitix suma k'ajkir qunuñamaxa, uka markarux janikiy jisk'achañampi uñjamti! ¡Kuna arust'äwtix jumax nanakampi lurkta uk amtt'asikimaya, janikiy uka arust'äwir phuqhañ armt'asimti!

Jeremías 14:7

¡Tatay, jan wali luratanakaxas nanakar juchañchapkchitu ukasa, sutim laykusay nanakat arxatt'asipxita! Walja kutiw nanakax jan jumatakjam sarnaqapkti, juma nayraqatan jucha lurapxarakta.

Ezequiel 20:22

ukampis sutixan jach'ätap laykuw uk jan lurkti, ukhamat yaqha markanak nayraqatan jan jisk'achat uñjasiskañaxataki, uka markanakasti Israel markar Egiptot irpsunir uñjapxarakitänwa.

Ezequiel 20:44

Israelitanaka, jumanakax jan wali qhuru jaqinakäpxtawa, ukampis janiw kuna mutuyäwtix katuqapxañamäki ukhamarjamax mutuyapkämati. Jan ukasti, nayan jach'a sutix laykuw sumak uñjapxäma, ukapachaw jumanakax nayan Tatitütax yatipxäta. Naya, Tatituw uk arsta.’ ”

Ezequiel 20:9

Ukampis sutixan jach'ätap laykuw Egiptot irpsunta, ukhamat yaqha markanak nayraqatan sutixan jan jisk'achatäñapataki, kawkïr markanak taypintix israelitanakax jakapkän uka markanak nayraqatana, uka markanak nayräxan jupanakarux uñstäyäta, Egiptot irpsunxañatakis arsurakïyäta.

Mateo 10:16

“¡Amuyasipxam! Nayasti jumanakarux ovejanakjam qamaqinak taypiruw khithapxsma. Katarinakjam ch'ikhïpxam, palomanakjam llamp'u chuymanïpxarakim.

Mateo 5:48

Jumanakax askïpxam, kunjämatix alaxpachankir Awkimax askïki ukhama.

Mateo 6:9

Jumanakasti akham mayisipxäta: “ ‘Alaxpachankir nanakan Awkixa, sutimax jach'añchatäpan.

Juan 13:1

Janïra Pascua urükipanxa, Jesusax akapach jaytxañapa, ukat Awkipan jak'apar sarxañap uru purinitap yatïna. Jupasti akapachankir arkirinakaparux wal munasïna, tukuy urukamarakiw munasiñap uñacht'ayäna.

Juan 14:20

Khä urun jumanakax, nayan Awkixankatax yatipxäta, jumanakasti nayankatam yatipxäta, nayasti jumanakankatam yatipxarakïta.

Juan 16:28

Nayax Awkixan jak'apat akapachar jutañatak mistunta; jichhasti Awkixan ukar kutt'xañatakiw akapach jaytawayxta” sasa.

Juan 16:33

Taqi akanaksti sapxsmawa, jumanakan nayar iyawsatanakamat samarañ jikxatapxañamataki. Akapachansti jumanakax t'aqhisipxätawa; ukampis ch'am katxatapxam, nayax akapacharux atipjawaytwa —sasa.

Juan 17:23

Nayax jupanakampïtwa, jumasti nayampirakïtawa, jupanakan mayar tukutäpxañapataki, ukhamat akapachankirinakax juman nayar khithanitam yatipxañapataki, ukatsti jupanakar wal munasitam yatipxani, kamisatix jumax nayar munaskista ukhama.

Juan 17:25

Chiqpach suma Awkixay, akapachankirinakax janiw uñt'apktamti; ukampis nayax uñt'smawa, jupanakasti juman nayar khithanitam yatipxaraki.

Juan 17:6

“Nayar arkirinak churkista ukanakarux khitïktatix jumax uk yatiyta. Jupanakax jumankirïnwa, jumarakiw nayar churista, juman arunakamsti phuqhapxarakiwa.

Juan 7:33

Ukatsti Jesusax sarakïnwa: —Nayasti jumanakampix mä juk'a pachakiw akankä, ukatsti khithankitu ukaruw kuttawayxä.

Hechos 3:21

Jichhasti, wakisiw Jesusan alaxpachan qhiparañapa, Diosax taqi kunanak wakichkani ukürkama, nayra pachan jakir qullan profetanakap tuqi arsuwaykän ukhamarjama.

Romanos 12:5

ukhamarakiw jiwasanakax waljanïkasas Criston mä sapa janchirukiw tukxtan, ukatsti maynit maynikamax pachpa janchin mayar tukt'atäxtanwa.

Romanos 9:17

Qillqatansti Diosax Egiptonkir reyirux siwa: “Nayan munañax juma tuqi uñacht'ayañatakiw reyit utt'aysma, ukat taqi akapachan uñt'ayasiñataki” sasa.

1 Corintios 1:10

Jilatanaka, Jesucristo Tatitusan sutipxaruw achikt'apxsma, taqinis mä amtañanikïpxam, jumanak taypin yaqhachasiñanakax jan utjkpati. Mä wawak jakasipxam, mä sapa amtañani, mä sapa amuyuni.

Gálatas 3:28

Tatit Jesucristor mayachatäxasin, janiw judío jaqïñasa, griego jaqïñasa, t'aqhisiyat jaqïñasa, antutnukut jaqïñasa utjkxiti, chachasa, warmisa yaqhäkiti; taqi jumanakax mayakïxapxtawa.

Efesios 4:4

Mä sapa janchikiw utji, mä sapa Ajayukiw utjaraki, kunjämtix Diosax mä sapa suyt'añar jawsapktam ukhama.

Filipenses 2:9

Ukat Diosax jach'ar aptäna, taqi sutit sipansa mä jach'a suti churäna.

Hebreos 1:3

Jupaw Diosan k'ajkir kankañapaxa, jupan uñnaqaparakiwa, ch'aman arupampikiw taqi kunsa katxäsi. Juchanakasat q'umachasiñ utjayasinsti, Diosan kupïxaparuw alaxpachan qunt'asxi,

Hebreos 9:24

Cristox janiw jaqinakan lurat qullan chiqar mantkänti, ukax chiqpach qullan utar uñtatakïnwa, jan ukasti Cristox pachpa alaxpacharuw mantäna, jichhasti ukan Diosan nayraqatapan jiwasatak mayiski.

Santiago 4:4

¡Diosatakjam jan sarnaqir jaqinaka! ¿Janit jumanakax yatipkta akapachampi sumankañ munki ukax Diosampi jan walinkatapxa? Khititix akapachampi sumankañ munki ukaxa, Diosan uñisiripaw tuku.

1 Pedro 1:5

Tatitux jupar iyawsapxatamatxa, kawkïr qhispiyasiñtix jumanakatak wakichatäki uk katuqapxañamkamaw jach'a ch'amapampix taqi kunat imasipkaraktam, ukasti qhipa urunakan yatiyatäniwa.

1 Juan 3:12

Janiw Caín chachjamäñasäkiti, jupax supayankatap laykux jilaparuw jiwayi. ¿Kunatsa jiwayänxa? Cainan luratanakapax janiw walïkänti, jilapan luratapasti askïnwa.

1 Juan 5:19

Jiwasax Diosankatas yattan, taqi akapachankirix supayan apnaqatawa.

Judas 1:1

Nayax Judas, Jesucriston luqtiripätwa, Santiagon jilaparakïtwa, khitinakarutix Dios Awkix munki, jawskaraki, taqi jumanakaruw aka arunak qillqanipxsma, jumanakasti Jesucriston imatäpxaraktawa.

Judas 1:24

Mä sapa Tatitu, jiwasan Qhispiyirisax, jumanakar imañatak ch'amaniwa, ukhamat jan tinkupxañamataki, ukatsti jan juchani, kusisiñan phuqt'ata, jupan nayraqatapan k'ajkir uñstapxañamatakis ch'amanirakiwa. Juparuy churatäpan yupaychañasa, jach'a kankañasa, ch'amasa, jilïr kankañasa, Jesucristo Tatitus layku, nayra pachasa, jichhasa, wiñayan wiñayapataki. Ukhamäpan.

Apocalipsis 15:4

Tatay, ¿khitirak jumar jan axsarätamsti? ¿Khitirak sutimar jan yupaychanisti? Juma sapakïtaw qullanaxa; taqi markanakaw jumar yupaychir jutani, chiqa aski luratanakaman qhanstatap layku” sasa.

Apocalipsis 19:12

Nayranakapax nina lawranakar uñtataw qhanäna, p'iqipasti walja pillunakampi asxatatarakïnwa, mä sutimpi qillqt'atarakïnwa, uka sutsti jupa sapakiw yatïna.

Apocalipsis 4:8

Uka pusi jakaskirinakat sapa maynix suxta chhiqhankamänwa, patatsa manqhatsa nayranakampi phuqsutänwa. Arumay ururakiw jan samaras sapxäna: “¡Qullana, qullana, taqi ch'aman Tatit Diosax qullanawa Jupax utjaskapunïnwa, utjaskakiwa, jichhas utjaskakiniwa!” sasa.