Juan 16:7 - Qullan Arunaka DC

⁷ Ukampis kunatix chiqäki uk sapxsma: jumanakatakix nayan sarxañaxax askiwa. Nayatix jan sarkiristxa, janiw Chuymachirix jumanakar jutkaspati, ukampis nayatix saräxa, juparux khithanïwa.

Aymar Bibliia 1986

⁷ Ucampis cunatejj chekäqui ucwa sapjjsma: jumanacataquejj asquiwa nayan sarjjañajjajja. Nayatejj jan sarquiristjja, janiw jumanacar Chuymachirejj jutcaspati, ucampis nayatejj saräjja, juparojj qhitanïwa.

Qullan Arunaca

⁷ Ucampis cunatejj chekäqui ucwa sapjjsma: jumanacataquejj asquiwa nayan sarjjañajjajja. Nayatejj jan sarquiristjja, janiw jumanacar Chuymachirejj jutcaspati, ucampis nayatejj saräjja, juparojj qhitanïwa.

Juan 16:7 Jak'a apnaqawi uñst'ayäwi

Salmos 68:18

18 (19) Diosay, alay qullunakaruw makhattaxa, katuntat jaqinak ukarux irptaxa; jaqinak taypin jach'añchatäñ katuqtaxa, Tatay, jumar qallkatir jaqinakamppachaw jumar makhatxapxtam.

Lucas 24:49

Nayasti kuntix Awkixax arskitu uk khithanï. Jumanakasti Jerusalén markan qhiparapxam, alaxpachat jutir ch'ama katuqañkama —sasa.

Lucas 4:25

Chiqpachansa, Elías profetan urunakapanxa, walja ijma warminakaw Israel markan utjäna, jallux kimsa mara chikani jan purxatapatsti, taqi markpachan manq'at awtjayasiñax utjxäna;

Lucas 9:27

Qhanak sapxsma, akankapki ukanakat yaqhipanakax janiw jiwapkaniti Diosan qhapaq markap janïr uñjkasaxa —sasa.

Juan 14:26

ukampis Awkix nayan sutixar khithanki uka Chuymachasir Qullan Ajayuw jumanakar taqi kun yatichapxätam, ukatsti kuntix nayax sapksma ukanak amtayapxarakïtam.

Juan 14:28

Jumanakax niyaw ist'apxista: “Sarxäwa, ukatsti jumanak laykuw kutt'anï” siri. Jumanakatix chiqpachan munasipxitasmaxa, Awkin ukar sarataxat kusisipxasmawa, jupasti nayat sipan juk'ampiwa.

Juan 14:3

Sarxatax qhipatsti, jumanakatakiw mä uta wakichä; ukatsti jumanak irptiriw wasitat jutä; nayax utjaskä ukawjan utjasipxañamataki.

Juan 15:26

“Nayaw Awkixat jutki uka Ajay khithanipxäma, ukatsti kunatix chiqäki uk yatichapxätam. Uka Ajayuw jumanakar yanapapxätam, jupaw nayat arsurakini.

Juan 16:8

Kunapachatix Qullan Ajayux jutkan ukkhaxa, akapachankir jaqinakarux khitis juchani, khitis jan juchani, khitirakis Diosan taripäwip katuqani, taqi ukanak uñacht'ayani.

Juan 7:39

Ukampix Jesusax sañ munäna, khitinakatix iyawsapkani ukanakax Qullan Ajayu katuqapxani; Qullan Ajayux janïraw jupanak taypinkkänti, Jesusan alaxpachar janïr aptatätap layku.

Hechos 10:34

Ukat Pedrox parlañ qalltäna, sarakïnwa: —Jichhaw chiqpach amuyta, Diosatakix taqi jaqis mayakïtapa.

Hechos 2:33

Jesusax Diosan kupïxapankañatak aptatänwa, ukatsti Dios Awkit Qullan Ajayu katuqaraki. Jichhasti Jesusax uka pachpa Qullan Ajayu churistu, jupan arsutaparjama. ¡Ukpï jumanakax uñjasipktaxa, ist'asipkaraktasa!

Romanos 8:28

Diosan jupar munirinakatak taqi kunsa askïñapatak wakichatap yattan, amtataparjam jawsatäpki ukanakataki.

2 Corintios 4:17

Aka uraqin t'aqhisitasax janiw kunäkisa, tukusirikiwa; ukampis mä jach'a aski jilarkir wiñay kusisiñ apani.