Juan 16:5 - Qullan Arunaka DC

⁵ Jichhasti khititix khithankitu ukaruw sarxä; jumanakat janiw khitis jiskt'kituti, ¿kawkirurak sarätasti?, sasa;

Aymar Bibliia 1986

⁵ Jichhajj sarjjäwa qhititejj qhitanquitu ucan ucaru; jumanacatjj janiw maynis jisct'apquistati: “¿Cawquïrus saräta?” sasa.

Qullan Arunaca

⁵ Jichhajj sarjjäwa qhititejj qhitanquitu ucan ucaru; jumanacatjj janiw maynis jisct'apquistati: ‘¿Cawquïrus saräta?’ sasa.

Juan 16:5 Jak'a apnaqawi uñst'ayäwi

Juan 13:36

Simón Pedrosti Jesusaruw jiskt'äna: —Tatay, ¿kawkirurak sarätasti? —sasa. Jesusasti juparux sänwa: —Kawkirutix nayax sarkä, ukarux janiw jichhax arkkitasmati, ukampis uka qhipat arkitäta —sasa.

Juan 14:28

Jumanakax niyaw ist'apxista: “Sarxäwa, ukatsti jumanak laykuw kutt'anï” siri. Jumanakatix chiqpachan munasipxitasmaxa, Awkin ukar sarataxat kusisipxasmawa, jupasti nayat sipan juk'ampiwa.

Juan 16:10

¿khitirak jan juchanïki ukasti? Naya, Awkixan ukar saraskta, jumanakasti janiw juk'amp uñjkxapxitätati;

Juan 16:16

“Akat mä qawqha urunakatxa, janiw uñjkxapxitätati, ukampis uka qhipat wasitat uñjxapxarakitäta.”

Juan 16:17

Yatiqirinakapat yaqhipasti jupanakkamaw jiskt'asipxäna, akham sasa: —¿Kun sañarak munpachasti: “Akat mä qawqha urunakatxa, janiw uñjkxapxitätati, ukampis uka qhipat wasitat uñjxapxarakitäta, Awkin ukar saraskatax layku” sasasti?

Juan 16:28

Nayax Awkixan jak'apat akapachar jutañatak mistunta; jichhasti Awkixan ukar kutt'xañatakiw akapach jaytawayxta” sasa.

Juan 17:13

“Jichhasti juman ukaruw jutaskta; akanaksti akapachankkasaw arsta, jupanakan nayjam kusisiñampi phuqt'atäpxañapataki.

Juan 17:4

“Nayax aka uraqin jach'añchsmawa, kuntix lurañ churkista uk tukuyaraktwa.

Juan 6:62

Ukhamasti ¿kunarakïspa Jaqin Yuqapar kawkhantix nayrax utjkän ukar makhatir uñjapxasma ukasti?

Juan 7:33

Ukatsti Jesusax sarakïnwa: —Nayasti jumanakampix mä juk'a pachakiw akankä, ukatsti khithankitu ukaruw kuttawayxä.

Hebreos 1:3

Jupaw Diosan k'ajkir kankañapaxa, jupan uñnaqaparakiwa, ch'aman arupampikiw taqi kunsa katxäsi. Juchanakasat q'umachasiñ utjayasinsti, Diosan kupïxaparuw alaxpachan qunt'asxi,

Hebreos 12:2

Jesusaruy uñtañäni, iyawsañasax jupat juti, juparakiw uka iyawsañas askir tukuyi. Jesusasti cruzan mutüna, uka p'inqa tukuñ jiwañar jan yäqasa, jupax t'aqhisiñ qhipat kusisiñ utjañap yatïna; ukatsti Diosan kupïxaparuw qunt'asïna.