Juan 15:16 - Qullan Arunaka DC

¹⁶ Janiw jumanakax nayar ajllisipkistati, jan ukasti, nayaw jumanakar ajllisipxsma, ukatsti walja achunak churapxañamatakiw khithapxsma, uka achun jan pist'añapataki. Ukhamat Awkix kuntix nayan sutixar mayipkäta uk churapxätam.

Aymar Bibliia 1986

¹⁶ Janiw jumanacati nayar ajllipquista, jan ucasti nayaw jumanacar ajllipjjsma sarapjjañamataqui, uqhamaraqui walja achupjjañamataqui, uca achusti acht'añapataquiraqui. Uqhamatwa cuntejj nayan sutejjar mayipcäta ucjja Awquejj churapjjätam.

Qullan Arunaca

¹⁶ Janiw jumanacati nayar ajllipquista, jan ucasti nayaw jumanacar ajllipjjsma sarapjjañamataqui, uqhamaraqui walja achupjjañamataqui, uca achusti acht'añapataquiraqui. Uqhamatwa cuntejj nayan sutejjar mayipcäta ucjja Awquejj churapjjätam.

Juan 15:16 Jak'a apnaqawi uñst'ayäwi

Génesis 18:18

niyakixay jupax mä jach'a ch'amani markan awkipächinixa. Jupa tuqiw taqi markanakar aski waxt'äwinak churañatak arsurakta.

Salmos 145:4

Jaqinakax wawanakapan wawanakapkamaw luratanakam aytani, muspharkañ luratanakam yatiyapxani.

Salmos 71:18

Diosaxay, ch'ama qaritäxä ukapachaxa, janq'u ñik'utanïxä ukkhasa, janikiy jaytanukt'asistati, jichhür jakirinakaru, janïra yuripki jupanakar jach'a ch'amamat yatiyañaxaw wakt'askitu.

Proverbios 11:30

Chiqa kankañax jakañ churi, ñanqha lurañasti jakañ apaqi.

Isaías 27:6

Akat qhiparux Israel markax jach'aruw tukxani, aka uraqpacharuw jaqinakamp phuqhantani.

Miqueas 5:7

7 (6) Ukapachasti, walja markanak taypina, Jacobun markapat jilt'irinakaxa, Tatitux apayanki uka sullanakjamäniwa, quranakxar purxatkis uka jallunakjamarakïniwa, ukanakasti janiw jaqin munañapat utjkiti.

Mateo 21:22

Taqi kuntix iyawsañ chuymampi Diosar mayisipkäta ukxa, katuqapxätawa.

Mateo 7:7

“Mayipxam, Diosax churapxätamwa; thaqhapxam, jikxatapxätawa; punku liqt'apxam, jist'aratäpxätawa.

Lucas 6:13

Urjtanxipansti yatiqirinakaparuw jawsäna, ukatsti tunka payaniruw ajllïna, jupanakarux “apostolunaka” sasaw sutichäna.

Juan 13:18

“Janiw nayax taqi jumanakat parlkti; nayax khitinakarutix ajlliskta uk sum yatta. Ukampis kunatix Qillqatan siski ukax phuqhasiñapawa: ‘Kawkïritix nayamp chika manq'ki ukax nayatakiw sayt'i’ sasa.

Juan 15:19

Jumanakatix akapachankirïpxasmaxa, akapachankir jaqinakax jupankirinakarjamaw munasipxiristam. Ukampis nayaw jumanakar akapach taypit ajllisipxsma, ukat akapachankirinakax uñisipxtam, jumanakan jan akapachankirïpxatam layku.

Juan 15:5

“Nayätwa uva alixa, jumanakasti layminakäpxtawa. Khititix nayampïki, nayasti jupampïkarakta ukax, walja achu churi, ukhamasti jan nayampix janiw kuns lurapkasmati.

Juan 6:70

Jesusasti jupanakarux sarakïnwa: —Nayaw jumanak tunka payanir ajllipxsma, ukampis jumanakat maynïrix supayawa —sasa.

Hechos 1:24

Ukatsti taqiniw Tatitut mayisipxäna akham sasa: “Tatay, jumaw taqinin chuymap uñt'taxa, jupa paninit khitirus jumax ajllista, ukay uñacht'ayapxita

Hechos 1:8

Ukampis yatipxam, Qullan Ajayuw jumanakxar jutani, ukapachaw jumanakax ch'am katuqapxäta, ukatsti nayat qhanañchiriw sarapxäta, Jerusalén markana, Judea uraqina, Samaria uraqina, taqi aka uraqpachana —sasa.

Hechos 10:41

Janiw taqpach markar Jesusax uñstkänti, jan ukasti nanakarukiw uñstapxitäna, khitinakarutix Diosax nayratpach qhanañchiritak ajllipkitu ukanakaru. Jiwatat jaktatap qhipatsti nanakaw jupamp manq'apxta, umapxarakta.

Hechos 22:14

Ukatsti jupax sarakituwa: ‘Nayra awkinakasan Diosapaw jumarux ajllistam jupan amtäwinakap uñt'añamataki, khititix askïki ukar uñjañamataki, jupan pachpa lakapat arup ist'añamatakiraki.

Hechos 9:15

Tatitusti Ananiasarux sänwa: “Saraskakim, nayaw uka jaqirux ajllista yaqha markankir jaqinakaru, reyinakaru, israelit jaqinakampir nayat arsuñapataki.

Romanos 1:13

Jilatanaka, jumanakan yatipxañam munta, nayax walja kutiw jumanak uñjt'ir sarañatak amtasta, ukampis jichhakamax janiw wakiskiti. Nayan amtäwixax jumanak taypin ajay achunak apthapiñawa, kamisatix yaqha markanakan apthapkta ukhama.

Romanos 1:5

Jesucristo tuqiw apostolüñatak katuqta, lurañanakap phuqhañataki, ukhamat sapa mayni markanakan jupar iyawsas jaysapxañapataki.

Romanos 15:4

Taqi kunatix nayratpach Qillqatäkän ukanakax jiwasanakaruw yatichistu, uka Qillqatanakan jikxatapxtan; llamp'u kankaña, chuymachasiña, suyt'äwin ch'amañchasiña.

Romanos 9:21

Ñiq'i phukhu luririx kunjämtix munki ukham ñiq'impix luri, uka pachpa ñiq'it mä phukhu aski luräwin apnaqañatak luraspa, yaqha phuksti aliq apnaqañatakikiw lurarakispa.

1 Corintios 10:11

Taqi akanakaw nayra awkinakasampix lurasitayna, jiwasatak mä uñtasïwïñapataki, ukanakasti, aka urunakan jakapktan ukanakar iwxt'añatak qillqatawa.

Gálatas 1:15

Ukampis Diosaw nayarux janïr yurkta ukkhatpach ajllisitu, ukatsti jach'a munasiñap laykuw jawsarakitu. Diosax ukham munasin Yuqapar uñt'ayitu, qhispiyasiñ arunakap jan judiöpkis uka jaqinak taypin qhanañchañaxataki, ukapachasti janiw nayax khitir jiskt'asiris sarkti;

Efesios 2:10

Diosaw jiwasanakar irnuqistu; Jesucristo tuqi aski luräwinak lurañasataki, nayratpach wakichat thakhin sarañasataki.

Colosenses 1:23

Ukatakisti iyawsañaman sum sayt'asipxañamawa, kuna suyt'äwitix Diosan suma yatiyäwi arunakap ist'asin utjapktam ukat jan jithiqtasa. Aka qhispiyasiñ arunakaw taqi chiqan parlasïna, naya Pablosti, uka arunak qhanañchañan yanapasirakta.

Colosenses 1:6

ukasti jumanak taypinkiwa. Diosan aka arunakapasti taqi chiqan yatiyasiski, aski luräwinak jikxatasa, uka kipkarakiw jumanak taypin lurasïna kunapachatix Diosan munasiñapat ist'apkäyäta, uka munasiñapan chiqätap yatipkarakïyät ukkhaxa.

1 Timoteo 2:7

Uk yatiyañatakiw Diosax nayar ajllisitu, apostolut ucharakitu, iyawsañampita, chiqa kankañampit jan judiöpki ukanakar yatichañaxataki. Kuntix nayax arskta ukax chiqäskapuniwa; janiw k'ariskti.

2 Timoteo 1:11

Diosaw nayarux apostoluta, yatichirita, uka suma yatiyäwinak qhanañchir khithitu.

2 Timoteo 2:2

Kuntix walja jaqinak nayraqatan arsur ist'kista ukanakxa, phuqhañatak wakicht'atäpki, yatichañatakis wakicht'atäpki ukanakar yaticht'am.

Tito 1:5

Kuna jan walt'añanakatix Creta wat'an utjkäna ukanak askichañamatakiw jaytaniwaysma, ukatsti sapa markankir iglesianakan jilïri irpirinak utt'ayañamataki, kunjämtix nayax sisksma ukhamarjama.

Hebreos 11:4

Abel chachax iyawsäwi laykuw Caín jilapat sipan Diosarux suma waxt'äwi luqtäna, ukat Diosax juparux askit uñt'äna, waxt'äwinakapsti katuqarakïnwa. Ukhamasti Abel chachax jiwatäkchisa, iyawsañap tuqix parlaskakiwa.

Santiago 3:18

Sumankañ utjayirinakasti sumankañ utjayapxi, aski kankañ achu apthapiñataki.

1 Pedro 3:15

jan ukasti chuymanakaman Tatitur jach'achapxam. Khitinakatix jumanakar suyt'añanakamxat jiskt'apkätam ukanakar arsuñatak wakicht'atäpxam,

1 Pedro 3:2

jan kuna arumpiki, jan ukasti jumanakan sum sarnaqatam uñjasaki.

1 Juan 4:10

Munasiñax akan uñsti: janiw jiwasanakat Diosarux munapkäyätan, jan ukasti jupaw jiwasanakar munistu, ukat Wawap khithani, juchanakas layku jakañap luqtasiri.

1 Juan 4:19

Diosaw nayraqat jiwasanakar munasistu, ukat jiwasax jupar munasipxañasa.