Juan 15:11 - Qullan Arunaka DC

¹¹ “Aksti jumanakaruw ukham sapxsma, nayampi chika kusisiñamataki, kusisiñamasti phuqhatpachäñapataki.

Aymar Bibliia 1986

¹¹ “Aqhamjja nayajj jumanacar parlapjjsmawa nayampi cusisipjjañamataqui, cusisiñampi phokt'atäpjjañamataquiraqui.

Qullan Arunaca

¹¹ “Aqhamjja nayajj jumanacar parlapjjsmawa nayampi cusisipjjañamataqui, cusisiñampi phokt'atäpjjañamataquiraqui.

Juan 15:11 Jak'a apnaqawi uñst'ayäwi

Isaías 53:11

Ukham sinti t'aqhisitapatsti, ukapachaw Tatitur jaysañan askïtap yatini; Tatitun chiqa luqtiripasti waljaniruw qhispiyani, jupanakan juchanakapsti juparakiw apxani.

Isaías 62:4

Janirakiw mayampsa: “Apanukut marka” sasax siskxapxätamti, jan ukasti sutimaxa: “Nayan ajllisita” satäniwa, uraqimarus janirakiwa: “Tukjat uraqi” sasax siskxapxaniti, jan ukasti: “Tatitun munat warmipa” satäxaniwa.

Jeremías 32:41

Taqi chuymaxampiw aka uraqin jupanakarux utjasiyxä, markaxan suman jakasxatapaw nayarux kusisiyitani” sasa.

Jeremías 33:9

Jerusalén markasti nayatakix kusiskañäniwa, yaqha markanakatakis suman uñjata, jach'achat markäniwa. Kunapachatix Jerusalén markar askinak nayan churatax ist'apkani ukkhasti, uka markanakax axsarañat khathatipxani.”

Sofonías 3:17

Tatit Diosamaw juma taypinkaski; ¡jupax taqi ch'amapampiw jumarux qhispiyätam! Tatitusti jumar uñjasin kusisiniwa. Munasiñapampiw machaq jakañ churätam; kusisiñapan q'uchuni,

Lucas 15:23

¡Suma lik'i vaca qallu irptanisin kharsupxam, ukatsti manq'añäniwa, kusisirakiñäniwa!

Lucas 15:32

Ukampis wakisiw kusist'añaxa, aka jilamax jiwatänwa, jichhasti jaktanxiwa: chhaqhatänwa, jichhasti uñstanxiwa’ ” sasa.

Lucas 15:5

Jikxatxasinsti kusisitaw kallachipxar q'ipisinxi,

Lucas 15:9

Jikxatasinsti uñt'at masinakaparu, uta jak'a masinakaparuw jawsthapi, ukat jupanakarux saraki: ‘Nayamp chik kusisipxam, chhaqhatäkän uka qullqi uñstayasxta’ sasa.

Juan 16:24

Jichhakamasti, jumanakax janiw kunsa nayan sutixar mayipktati; mayipxam, katuqapxätawa, ukhamat kusisiñampi phuqt'atäpxañamataki.

Juan 16:33

Taqi akanaksti sapxsmawa, jumanakan nayar iyawsatanakamat samarañ jikxatapxañamataki. Akapachansti jumanakax t'aqhisipxätawa; ukampis ch'am katxatapxam, nayax akapacharux atipjawaytwa —sasa.

Juan 17:13

“Jichhasti juman ukaruw jutaskta; akanaksti akapachankkasaw arsta, jupanakan nayjam kusisiñampi phuqt'atäpxañapataki.

Juan 3:29

Mä jaqichasïwinxa, jaqichasir tawaqumpi mayachasirix jaqichasir waynawa; jaqichasir waynan jila masipax, arsutap ist'asin wal kusisi. Uka pachparakiw nayax kusista.

Romanos 15:13

Uka suyt'añ churir Diosasti, jupar iyawsapxatam laykux kusisiñampi, sumankañampi jumanakarux phuqhantpan, Qullan Ajayun ch'amapampisti jilarkir suyt'añ jumanakar churpan.

2 Corintios 1:24

Janiw nanakax iyawsäwinakam apnaqañ munapkti; nanakax jumanakar yanapt'añak munapxsma, ukhamat kusisiñaman utjañapataki, jumanakasti iyawsañan niy thurt'atäxapxtawa.

Efesios 5:18

Jan machjasipxamti, machjasiñax jan waliruw puriyi; ukatsipana Qullan Ajayumpi phuqhantasipxam.

Filipenses 1:25

Ukhamasti, jumanakan juk'ampi Diosar katuyasipxañamataki, kusisit jakapxañamatakix jumanak taypin jakaskakïwa.

1 Tesalonicenses 5:16

Kusisitäpunïpxam.

1 Pedro 1:8

Jumanakax Jesucristor jan uñjkasas, juparux munapxtawa, jichhasa, jan uñjkas iyawsasin walrak kusisipxtaxa. Uka jach'a kusisiñanakamasti janiw arunakamp arsuñjamäkiti,

1 Juan 1:4

Taqi akanak qillqapxta, ukhamat jiwasan kusisiñasax phuqhatäñapataki.

2 Juan 1:12

Jumanakar sañatakix waljaw utjaskitu, ukampis janiw aka qillqat tuqi sañ munkti. Naya pachpaw jumanak uñjt'iri, jumanakampi parlt'irix jutañ munta, ukhamat kusisiñasan phuqhatäñapataki.