Juan 15:1 - Qullan Arunaka DC

¹ “Nayax chiqpach uva alïtwa, Awkixasti yapuchiriwa.

Aymar Bibliia 1986

¹ “Nayajj chekpach uva alïquiristsa uqhamätwa, Awquejjasti yapuchirïcaspasa uqhamaraquiwa.

Qullan Arunaca

¹ “Nayajj chekpach uva alïquiristsa uqhamätwa, Awquejjasti yapuchirïcaspasa uqhamaraquiwa.

Juan 15:1 Jak'a apnaqawi uñst'ayäwi

Cantar de los cantares 7:12

12 (13) Willjtarusti uva yapunakaruw sarañäni, inach ch'uxñatatxpacha, panqaranakapas amuchrantxpacha, granado alinakas panqarxpacha. ¡Nayax ukawjan jumar munart'asïma!

Isaías 4:2

Uka urux purinkani ukapachasti, jupanakax taqi kunan phuqt'ataw suman jakasxapxani. Markaxasti wali jach'ar tukt'asaw jakxani, kuna achunaktix uraqipax churkani taqi ukanakata. Khitinakatix Jerusalén markan qhiparapkani ukanakarusti, janiw taqinir mutuykäti, pachpa markan jakapxañapatakiw wakichä, ukatsti “Tatitun ajllit markapa” sas sutichatäpxaniwa.

Isaías 60:21

“Markamankir taqi jaqinakasti aski jaqinakäniwa, wiñayatakiw uka markax jupanakankxani; kawkïr alirutix nayax ayruntkäyätxa ukat sartirïpxtawa, amparaxampi uskutäpxtawa, ukhamat nayan jach'a kankañax uñacht'ayañataki.

Isaías 61:3

Sión qulluna llakt'atanakarux atipjatäñ lantxa, atipt'añ churiri, jachañ lantsti suma q'apkir kusisiñ qullanak churiri, chuyma kawkst'ata sarnaqaña lantsti, yupaychañ q'uchunak chuririraki. “Atipt'iri roble quqanaka” sasaw sutichapxarakïtam, pachpa Tatitun ayruntatanaka k'ajkir kankañap uñacht'ayañataki.

Jeremías 12:10

Uñisir reyinakaw uva yapuxar tukjapxi, uraqinakaxsa takisipxarakiwa. Nayan wali munat uraqixsti llakiskañ wasararuw tukuyapxi.

Jeremías 2:21

Mä suma uva alïkasmas ukham nayax ayrusïyäsma, wali suma uva jathat jutirïkasmas ukhama. ¡Ukampis jichhax q'ala jan wali tukutätawa, jan uñt'añjamarakïxtawa.

Ezequiel 19:10

“ ‘Taykamax uma jak'aru ayruntat uva alir uñtatänwa, wali achuri, walja laphinakani, walja uma utjatap layku.

Oseas 10:1

Israelax walja achuni uva alir uñtat wali qamiriwa; ukampis ukham tukutapatxa, juk'ampikiw altaranak yaqha diosanakatak lurarasipxäna; uraqipan juk'amp sumätapatsa, juk'ampikiw yaqha diosanakatak qala chutanakapsa lurasipxäna.

Zacarías 3:8

Josué, sum ist'ita, jumax jilïr sacerdotëtawa, sacerdote masinakamasti ist'apxarakpan, jumanakax Tatitun arunakap mayninakar yatiyir chimpüpxtawa: Nayax luqtirixaruw khithanï, jupax ‘Machaq Külli’ satawa.

Mateo 15:13

Jesusasti jupanakarux sänwa: —Alaxpachankir Awkixan jan ayrut alix saphitpach jik'sutäniwa.

Mateo 20:1

“Diosan qhapaq markapax mä jach'a yapunimpi sasiwa, jupasti wali willjtaw uva yapup irnaqirinak thaqhir sari.

Mateo 21:33

“Ist'apxam aka yaqha amuyt'äwi: Mä jaqiw utjäna, uraqiparusti uva alinak ayruntäna, ukatsti uyuchrantayarakïnwa; uva ch'irwañ wakichäna, ukanak uñjañatakisti mä torre luräna. Jupasti yapuchir jaqinakaruw waki yapuchapxañapatak churawayäna, ukatsti jaya markaruw sarxäna.

Marcos 12:1

Jesusax uñtasïwinak tuqiw parlañ qalltäna: “Mä jaqiw utjäna, uraqiparusti uva alinak ayruntäna, ukatsti uyuchrantayänwa; uva ch'irwañ wakichäna, uva yapu uñjañatakisti mä uta lurarakïna. Jupasti yapuchir jaqinakaruw waki yapuchapxañapatak churawayäna, ukatsti jaya markaruw sarxäna.

Lucas 13:6

Jesusasti aka uñtasïwit parläna: “Mä jaqix uva yapupan higo quqanïnwa, jupasti higox achpachati janicha uk uñjiriw saräna, ukampis janiw mä achupsa higo quqan jikxatkänti.

Juan 1:17

kamachix Moisés tuqiw churasïna, ukampis munasiñampi, chiqa kankañampix Jesucristo tuqiw juti.

Juan 1:9

Taqi jaqinakar qhant'ki uka chiqpach qhanax akapacharuw purisinkäna.

Juan 15:2

Layminakaxat maynitix achu jan churkanixa, Awkixax khuchhunukuniwa; ukampis achu churir layminakarusti, juk'amp achuñapatakiw q'umachani.

Juan 6:32

Jesusasti jupanakarux sänwa: —Qhanak sapxsma, janiw Moisesati alaxpach t'ant'a churkänxa, jan ukasti Awkixaw chiqpach alaxpach t'ant'a churi.

Juan 6:55

Janchixasti chiqpach manq'awa, wilaxasti chiqpach umañarakiwa.

Romanos 11:17

Yaqhipa judionakax layminakjam olivos quqat khuchhuratänwa, ukat jumax ch'uminkir olivo laymjamäkasin uka suma olivor ayrkatatätaxa. Uka olivosti judionakawa. Ukatpï jumax uka saphit uma katuqtaxa, jupampirakiw jaktaxa.

1 Corintios 3:9

Jiwasanakax Diosan luräwipan irnaqir masinakapäpxtanwa, jumanakasti yapuchat yapunakäpxtawa, Diosan utachat utäpxaraktawa.

1 Juan 2:8

Ukatsipana, jichha qillqanipksma ukax machaq kamachiwa, ukasti Cristonsa, jumanakansa chiqapawa, ch'amakax chhaqtaskiwa, chiqpach qhanaw niy qhantasinki.