Juan 14:9 - Qullan Arunaka DC

⁹ Jesusasti juparux sarakïnwa: —Felipe, akkha mararakis jumanakampïtxä, ¿janit jichhakam uñt'kistasti? Khititix nayar uñjkituxa, Awkirux uñjarakiwa, ukhamasti ¿kunatarak mayistasti: “Awkir uñacht'ayapxita” sasasti?

Aymar Bibliia 1986

⁹ Jesusajj ucjjarojj saraquïnwa: —Felipe, acqha maranacaraquis jumanacampïtanjja, ¿janit jichhacam uñt'quista? Qhititejj nayar uñjquitu ucajj Awquirojj uñjaraquiwa, uqhamasti ¿cunatsa mayista: “Awquiru uñacht'ayapjjeta” sasajja?

Qullan Arunaca

⁹ Jesusajj ucjjarojj saraquïnwa: —Felipe, acqha maranacaraquis jumanacampïtanjja, ¿janit jichhacam uñt'quista? Qhititejj nayar uñjquitu ucajj Awquirojj uñjaraquiwa, uqhamasti ¿cunatsa mayista: ‘Awquiru uñacht'ayapjjeta’ sasajja?

Juan 14:9 Jak'a apnaqawi uñst'ayäwi

Génesis 26:9

Ukat jupax Isaacar jawsayanisin säna: —Rebecax warmimäskarakitaynasä. ¿Kunatarak: “kullakaxaw” sistasti? —sasa. Isaacasti sänwa: —Inampis warmix layku nayar jiwayapxchitaspa, sasaw lup'ïyäta —sasa.

Salmos 11:1

Tatituw nayan imantasiñaxaxa. Inamayaw sasipkitu: “Jamach'ir uñtat qullur jaltxam.

Jeremías 2:23

¿Kunjämarak sätasti: ‘Janiw nayax q'añucht'askti, janiw k'ari diosanakarus yupaychkaraktti’ sasasti? Amuyasim kunjämänsa Ben-hinom sat qhirwan sarnaqatamaxa, jan wali luratanakamax luratanakamapunïnwa, qachu camellor uñtata, urqu camellon qhipap kawksarus jalakiraktawa;

Marcos 9:19

Jesusasti jupanakarux sänwa: —¡Jan iyawsañan jaqinaka! ¿Kunapachkamas jumanakampikïskäxa? ¿Kunapachkamas jumanakax ch'am tukuyapxitäta? Irptanipxam uka waynaru —sasa.

Lucas 12:56

¡K'ari chuyman jaqinaka! Jumanakatix alaxpachana, uraqin uñnaqap amuyt'añ yatipxsta ukaxa, ¿kunatarak aka urunakan jakapkta uksti jan amuyt'añ yatipxaraktasti?

Juan 1:14

Arusti jaqiruw tuküna, ukatsti jiwasanak taypin jakarakïna. Jiwasanakasti jach'a qhapaq kankañap uñjapxtan, uka jach'a qhapaq kankañsti, Awkin mä sapa Yuqapätap laykuw katuqäna, munasiñampi askimpi phuqhantata.

Juan 10:30

Awkimpi nayampix mayakïpxtwa —sasa.

Juan 12:45

Khititix nayar uñjkituxa, khithankitu ukaruw uñjaraki.

Juan 14:20

Khä urun jumanakax, nayan Awkixankatax yatipxäta, jumanakasti nayankatam yatipxäta, nayasti jumanakankatam yatipxarakïta.

Juan 14:7

Jumanakatix nayar uñt'apxchistaxa, Awkixar uñt'apxarakïtawa; jumanakax jichhatpach juparux uñt'apxtaxa, jichhas uñjasipkaraktawa —sasa.

Juan 8:19

Ukatsti jiskt'apxarakïnwa: —¿Kawkinkarak awkimasti? —sasa. Jesusasti jupanakarux sarakïnwa: —Jumanakax janiw nayar uñt'apkistati, janirakiw Awkixarus uñt'apktati. Nayarutix uñt'apxitasmaxa, Awkixarux uñt'apxarakismawa —sasa.

1 Corintios 15:12

Criston jiwatat jaktataptix jiwasax yatiystanxa, ¿kunatarak jumanakat yaqhipanakasti jiwatanakax janiw jaktapkiti sas parlapxisti?

Filipenses 2:6

Jupax Diosäkchïn ukasa, janiw Diosjam uñjatäñ munkänti,

Colosenses 1:15

Cristox Diosan Yuqapawa, jupasti taqi kunatix utjki ukat nayrïriwa; jan uñjkay Diosan ajanupawa.

Hebreos 1:3

Jupaw Diosan k'ajkir kankañapaxa, jupan uñnaqaparakiwa, ch'aman arupampikiw taqi kunsa katxäsi. Juchanakasat q'umachasiñ utjayasinsti, Diosan kupïxaparuw alaxpachan qunt'asxi,

1 Juan 5:20

Diosan Yuqapan jutatapsa yatiraktanwa, ukatsti chiqpach Diosar uñt'añatakix amuyt'ap churistu. Uka chiqpach Jesucristo Yuqapampix mayakiw jakapxtan, jupaw chiqpach Diosaxa, wiñay jakañasa.