Juan 13:8 - Qullan Arunaka DC

⁸ Pedrosti sänwa: —Janipuniw kayunakax jariqkitasmati —sasa. Jesusasti sarakïnwa: —Janitix jariqkäm ukasti, janiw nayampïkasmati —sasa.

Aymar Bibliia 1986

⁸ Pedrosti sänwa: —Nayarojj janiw cunapachas cayojj jarekquitasmati —sasa. Jesusasti saraquïnwa: —Janitejj jarekcäma ucajja, janiw nayampi chicäcasmati —sasa.

Qullan Arunaca

⁸ Pedrosti sänwa: —Nayarojj janiw cunapachas cayojj jarekquitasmati —sasa. Jesusasti saraquïnwa: —Janitejj jarekcäma ucajja, janiw nayampi chicäcasmati —sasa.

Juan 13:8 Jak'a apnaqawi uñst'ayäwi

Génesis 42:38

Ukampisa Jacobux ukxaruw sarakïna: —Benjamín wawaxax janiw jumanakamp sarkaniti. José jilapax jiwxiwa, Benjamín sapakiw qhiparxaraki. Kuna jan walt'añarutix thakhin puriyapxasma ukax, jumanakaw juchanïpxäta nayan llakiskäwi jiwañaxatakixa —sasa.

2 Samuel 20:1

Benjamín ayllun mayni qhuru jaqiw utjäna, Sebá sata, Bicrí jaqin yuqapänwa, jupasti Guilgal markan jikxatasïna. Uka Sebá jaqisti markachirinakaruw sayt'asiñatak amtayäna, akham sasa: “¡Jiwasan janiw Davidampi kuna lurañasas utjkiti! ¡Israelit jaqinaka, utanakamar kuttxapxam!” sasa.

1 Reyes 12:16

Ukatsti taqpach Israel markaw reyin jupanakaru jan ist'atap uñjasin, akham jupar sapxäna: “¡Janiw kuna lurañanakasas Davidamp utjkistuti! ¡Janiw Jesé chachan yuqapampi kuna katuqäwi jaljasiñasa utjapkistuti! ¡Israelit jaqinaka, utasarkam sarxañäni! ¡Davidan wila masinakapak ayllupankirinakar apnaqaskpan!” sasa. Ukat ukspachaw israelita jaqinakax utanakapar sarxapxäna.

Salmos 51:2

2 (4) ¡Ñanqha luratanakaxat jariqt'ita! ¡Jucha luratanakaxat q'umacht'ita!

Salmos 51:7

7 (9) Hisopo alimp ch'axch'ukipita: nayasti q'umachataw uñjasï; jariqt'itaya, nayasti khunut juk'ampi janq'uw tukxä.

Isaías 4:4

Kunapachatix nayax taripäwi arunakap arskä, markaxarus mutuykarakï, Jerusalén markan utjasirinakarux jaqinak jiwarayapxatapatxa pampacharakïwa.

Ezequiel 36:25

Q'uma umampiw jariqt'xapxäma, yaqha diosanakar yupaychas q'añuchasitanakamatsa q'umachxapxarakïmawa;

Zacarías 13:1

“Khä urun mä uma jalsuw jist'artani, ukan Davidat saraqir wila masinakapasa, Jerusalén markan jakirinakasa juchanakapa, q'añu luratanakap jariqasipxañapataki.

Mateo 16:22

Uk ist'asinsti, Pedrox yaqhawjar irpaqasin sapaparukiw wal iwxt'äna akham sasa: ¡Tatay, Diosax jan uk munkpati, janiw ukax jumampix lurasiñapäkiti! —sasa.

Mateo 21:29

Yuqapasti juparux sänwa: ‘¡Janiw sarkiristti!’ sasa. Ukampis qhipat amuyt'asisin saräna.

Mateo 26:33

Pedrosti Jesusarux akham sänwa: —Taqpachanis jumarux jaytanukusipkpan, janipuniw nayax kunäkipansa jaytanukkämati —sasa.

Mateo 26:35

Pedrosti saskakïnwa: —Jumampi chika jiwañaxas wakischinixa, janiw jumar jan uñt'irix tukkäti —sasa. Mayni yatiqirinakas uka pachparak sapxäna.

Juan 13:6

Simón Pedron kayunakap jariñatakïxän ukkhasti, Pedrox sänwa: —Tatay, ¿kamisarak jumasti kayunakax jariqitätasti? —sasa.

Juan 13:9

Simón Pedrosti Jesusarux sarakïnwa: —Tatay, ukhamax janiy kayunakaxak jariqkistati, jan ukasti amparaxampi, p'iqixamppachay jariqita —sasa.

Juan 3:5

Jesusasti juparux sarakïnwa: —Qhanak sisma, khititix umampita Ajayumpit jan yurkanixa, Diosan qhapaq markapar janiw mantkaspati.

Hechos 22:16

Jichhasti, jan juk'amp suyamti. Sartasim, bautismo katuqarakim, Tatitun sutip aytasis taqi juchanakamat jariqasim’ sasa.

1 Corintios 6:11

Jumanakat yaqhipanakax ukhamäpxarakïyätawa; ukampis jichhax q'umachatäxapxtawa, jumanakax Tatit Jesucriston sutipxaru, Diosasan Qullan Ajayup tuqiw qullana, aski jaqinakarus tukuyatäpxarakta.

Efesios 5:26

Uksti qullanar tukuyañatakiw ukham luri, uma jariqäwimpi arup tuqi q'umachasa,

Deuteronomio 12:12

Ukatsti mä jach'a kusisiñ uru jumanakax Tatit Diosaman nayraqatapan lurapxäta taqi wawanakamampi, uywatanakamampi chika, jumanak taypin jakir levita jaqinakamp chika, jupanakasti janiw jumanak taypin kuna uraqinaksa katuqapkiti.

Colosenses 2:18

Jan khitis llamp'u chuymanjam tukus jumanakar juchañchpati, khitinakatix angelanakar yupaychapki ukanakaxa, jupanakasti unañchäwinak uñjapxta sapxiwa, ukampis ukax k'arikamakiwa, jan wali amuyunakapatsti jach'a jach'aw tukupxi.

Colosenses 2:23

Chiqpachansa uka yatichäwinakax sumäkaspas ukhamawa, jaqirux Diosar sum arkañapat yatichatap layku, alt'at chuymanïñ yatichatap layku, ukhamarak janchi apnaqañ yatichatap layku, ukampis janchin munañapar atipjañatakix inamayakiwa.

Tito 3:5

janiw kuna aski luratas laykuti, jan ukasti khuyapayasiñap laykuw qhispiyistu, q'umachasa, machaqat yuriyasa, ukhamarak Qullan Ajayu tuqi machaq jakañ churasa.

Hebreos 10:22

Ukat Diosarux chiqpach chuymampi, taqpach iyawsañampi, jan walinakat q'umachat chuymampi, janchinakasas q'uma umampi jariqat jak'achasipxañäni.

Apocalipsis 1:5

Diosan chiqa qhanañchiripa Jesucristotsa katuqasipxarakim. Uka Jesucristow jiwatanak taypit nayrïr jaktirixa, taqi akapach reyinakar apnaqañatakis jupax munañanirakiwa. Jesucristox jiwasar munasistuwa, juchanakasatsa wilap wartasaw jariqistu,

Apocalipsis 7:14

Nayasti ukxaruw sista: “Tata, jumaw yattaxa” sasa. Jupasti sarakituwa: “Uka jaqinakax uraqin wali jach'a llakinakampi t'aqhisinipki ukanakawa, isinakap Corderon wilapampi t'axsusaw janq'uptayapxi.