Juan 13:34 - Qullan Arunaka DC

³⁴ Aka machaq kamachi churapxsma: Maynit maynikam munasipxam. Kunjämtix nayax munasipksma, ukhamarak jumanakax maynit maynikam munasipxam.

Aymar Bibliia 1986

³⁴ Aca machak camachwa churapjjsma: Maynit maynicama munasipjjam. Cunjämtejj nayajj munasipjjsma, uqhama jumanacajj maynit maynicam munasipjjañamaraquiwa.

Qullan Arunaca

³⁴ Aca machak camachwa churapjjsma: Maynit maynicama munasipjjam. Cunjämtejj nayajj munasipjjsma, uqhama jumanacajj maynit maynicam munasipjjañamaraquiwa.

Juan 13:34 Jak'a apnaqawi uñst'ayäwi

Salmos 119:63

Jumar iyawsir jaqinakampiw chikachasta, arsutanakam phuqhirinakampiw mayachasirakta.

Salmos 16:3

Akapach aytat jaqinakan kusisiñ jikxatirinakax sapxiwa: aka uraqinkir diosanakax ch'amaniwa, sasa.

Levítico 19:18

“Jaqi masimarux janipun kun luratas phuqsusimti, janirak jupa tuqi phiñasitamsa chuymamar imxäsimti. Jaqi masimarusti juma kipkarjam munasim. Nayätwa Tatituxa.

Levítico 19:34

Jumanakat maynïrïkaspas ukham uñjapxam; jupanakarux jumanakjam jaqïtapat munasipxam. Ukhamarus jumanakax Egiptonxa, jaya markat jutir jaqinakjamäpxayätawa. Nayätwa jumanakan Tatit Diosamaxa.

Mateo 5:44

Ukampis nayax sapxsmawa: Uñisirinakamar munasipxam, ñanqhachirinakamatakisti Tatitut mayirapipxam.

Juan 15:17

Ak jumanakar mayipxsma: Maynit maynikam munasipxam.

Juan 17:21

Awkixay, jupanakan mayakïpxañapatakiw maysma, ukhamarak jiwasampis mayakïpxañapataki, kamisatix jumax nayankta, nayas jumankarakta ukhama, ukhamat akapachankirinakan juman nayar khithanitam iyawsañapataki.

Romanos 12:10

Maynit maynikamax jilapurjam munasipxam, purapat yäqasisa.

Romanos 13:10

Munasiñax janiw khitirus kuna jan walsa lurkiti; mayninakar munasasti, kamachirjamaw phuqhasktan.

Romanos 13:8

Jan khitirus manüpxamti, jan ukasti, jumanak pura munasiñanaki manüpxam; jaqi masipar munasirix, kuntix kamachix siski uk niyaw phuqxi.

Gálatas 5:22

Ukatsipana, Qullan Ajayun achupax akanakawa: munasiña, kusisiña, samaraña, llamp'u chuyma, taqimpis sumankañ chuyma, khuyapayasiñ chuyma, taqi kunansa phuqhañ chuyma,

Gálatas 5:6

Cristo Jesusampi mayakïstanxa, janiw kunatakis wakiskiti circuncisión katuqañasa, jan katuqañasa. Jan ukasti, iyawsañanïñaw juk'amp askixa, uka iyawsañasti munasiñan jakayarakistani.

Gálatas 6:10

Ukalayku, wakisini ukax, taqinir aski lurapxañäni, juk'ampis iyawsir jilatanakasaru.

Gálatas 6:2

Jan walt'añanak utjapxätam ukapachasti, maynit maynikam yanapt'asipxam. Ukham lurasaw Criston kamachip phuqhapxäta.

Efesios 5:2

Taqinirus munasiñampi uñjapxam, kunjämtix Cristox munaskistu ukhama, jiwasanak laykuw jakañapsa katuyasiwayi, Diosatak mä suma q'apkir luqtäwïkaspas ukhama.

Colosenses 1:4

Jumanakan Jesucristor iyawsapxatam yatipxta, Diosan q'umachat markapankirinakar munapxatam yatipxarakta,

1 Tesalonicenses 3:12

Tatitusti jumanakar jiltaypan, maynit maynikam munasiñan juk'ampi utjañapataki, kunjämtix nanakax jumanakar munasipksma ukhama.

2 Tesalonicenses 1:3

Munat jilatanaka, jumanakat Diosar yuspagarañax wakisipuniwa, kunatix askïki ukarjam lurasina, jumanakan iyawsäwimax jiltaskiwa, maynit maynikam munasiñas juk'amp juk'ampiw utjaskaraki.

Hebreos 13:1

Maynit maynikam jilapurjam munasipxam.

Santiago 2:8

Jumanakatix Diosan jach'a kamachip phuqhasipksta ukaxa, walik lurasipktaxa, kunjämtix Qillqatan siski: “Jaqi masimarux juma kipkarjam munasim” sasa.

1 Pedro 1:22

Jumanakasti, Tatitun arunakapar jaysasinxa, jilatanakar chiqpach munañatakiw q'umachasxapxtaxa. Ukhamax maynit maynikamax taqi chuymampi, taqi ch'amamp munasipxañamawa.

2 Pedro 1:7

Diosar munañarusti, jilapurjam sarnaqañampi; jilapurjam sarnaqañarusti, munasiñampi.

1 Juan 3:11

Jumanakax qalltatpach ist'apkta uka arunakax akham siwa: “Maynit maynikam munasipxañasawa” sasa.

1 Juan 3:23

Jupan kamachipax Jesucristo Yuqapar iyawsañawa, maynit maynikam munasiñawa, kunjämtix jupax munkistu ukhama.

1 Juan 4:21

Jesucristox aka kamachi churistu: “Khititix Diosar munaski ukax jilaparux munasirakpan” sasa.

2 Juan 1:5

Jichhasti, munat jilatanaka, maynit maynikam munasipxañasatakiw achikt'asipxsma. Kuntix qillqanipksma uka arsutanakax janiw machaq kamachïkiti, jan ukasti qalltatpach katuqktan uka pachpa arsutanakawa.