Juan 12:3 - Qullan Arunaka DC

³ María kullakapasti, nardo quqat apsut chikat litro q'apkir qulla apanïna, uka qullasti wali jila alanïnwa, ukampiw Jesusan kayupar warxatäna, ukatsti ñik'utapampiw phiskhurarakïna. Uka q'apkir qullasti utpacharuw q'aphipampix phuqhantäna.

Aymar Bibliia 1986

³ Mariajj apanïnwa, niya quimsa patac gramo nardocamac lurat k'apquir kolla. Uca kollasti wali jila alanïnwa, ucampisti Jesusan cayuparuw warjjatäna, ucatsti ñic'utapampiraquiw phisqhuräna. Uca k'apquir kollasti utpacharuw k'aphipampejj phokhantäna.

Qullan Arunaca

³ Mariajj apanïnwa, niya quimsa patac gramo nardocamac lurat k'apquir kolla. Uca kollasti wali jila alanïnwa, ucampisti Jesusan cayuparuw warjjatäna, ucatsti ñic'utapampiraquiw phisqhuräna. Uca k'apquir kollasti utpacharuw k'aphipampejj phokhantäna.

Juan 12:3 Jak'a apnaqawi uñst'ayäwi

Salmos 132:2

Jacobun taqi Ch'aman Tatitupa, taqpach chuymamp juramento luratapat amtasikimaya:

Proverbios 27:16

Ukham warmir jark'añ munañasti thayar jark'añ munksna ukamp sasiwa, jan ukax, amparar aceite katxäsiñ munksna ukhamawa.

Cantar de los cantares 1:12

Reyin mesan qunt'añapkamasti, q'apkir qullaxax suma q'aphitati.

Cantar de los cantares 1:3

q'apkir qullaman q'aphipas mukt'atax wali sum q'apkatitu, sutimasti suma q'apkir qulla wartatjamaw q'aphiraki. ¡Ukat tawaqunakax wal munasipxtam!

Cantar de los cantares 4:10

¡Kullakitay, nayan munasitaxay, kunja sumas juman munart'asiñamaxa! ¡Munart'asiñamax vinot sipan juk'amp muxsawa, q'aphir qullanakamas yaqha suma q'apkir qullanakat sipan juk'amp sumarakiwa!

Lucas 10:42

ukampis mayaw wakiskirixa. Mariax kunatix wakiskirïki uk ajllisi, janirakiw khitis uk apaqkaniti —sasa.

Lucas 7:46

Jumax janiw kuna qullampis p'iqixat warxat'kistati, ukampis aka warmix suma q'apkir qullampiw kayunakaxar warxati.

Juan 11:2

Lazaron aka María kullakapaw Tatitun kayupar suma q'apkir qullamp warxatäna, ukatsti ñik'utapampiw phiskhuräna.

Juan 11:28

Uk arsusinsti, Martax María kullakapar jawsiriw saräna, ukatsti jinchu jak'at sarakïna: —Yatichiriw akanki, jawsasktamwa —sasa.

Juan 11:32

Mariasti Jesusar jikxatasin, nayraqataparuw killt'asïna, akham sasa: —Tatay, jumatix akankasamänxa, jilaxax janiw jiwkasapänti —sasa.

Juan 19:39

Ukatsti kawkïritix mä aruma Jesusampi parlir sarkatayna uka Nicodemox, kimsa tunka kilo mirra, áloe kittata suma q'apkir qulla apt'ataw purinirakïna.