Juan 10:36 - Qullan Arunaka DC

³⁶ Dios pachpatix nayar ajllisin akapachar khithanchitu ukaxa, ¿kunatarak jumanakasti “nayax Diosan Yuqapätwa” sataxampi Diosarus ñanqhachkirista ukham amuyapxtasti?

Aymar Bibliia 1986

³⁶ Dios pachpaw nayarojj yakhachasitu, qhitaniraquitu acapacharojja. ¿Cunats jumanacajj: “Diosjjat parli” sapjjta, “Diosan Yokapätwa” satajjatacti?

Qullan Arunaca

³⁶ Dios pachpaw nayarojj yakhachasitu, qhitaniraquitu acapacharojja. ¿Cunats jumanacajj: ‘Diosjjat parli’ sapjjta, ‘Diosan Yokapätwa’ satajjatacti?

Juan 10:36 Jak'a apnaqawi uñst'ayäwi

Salmos 2:2

Akapach reyinakax mayacht'asipxiwa, jilïr jaqinakax mä amtañaruw puripxi, Tatitumpiru, ajllit reyipampir qallkatañataki.

Isaías 42:1

“Akaxay, luqtirixaxa, khitirutix nayax uywaskta ukaxa, ajllisitaxawa, jupanarak kusistxa. Ajayuxsa jupxaruw uchta, ukhamat kunatix chiqapäki ukanak taqi markanakar apaniñapataki.

Isaías 42:3

usuchjatanakarusti janiw juk'amp usuchjkaniti, niya jiwirpacharus janirakiw jiwaykaniti. Jan ukasti, juk'a ch'amaninakarux ch'amañcht'aniwa, chiqa kankañ utjayarakini.

Isaías 55:4

Nayaw juparux markanakat arsuri uskta, markanakatak mä jilïr yatichirirak uskta.

Jeremías 1:5

“Jumar jakaña janïr churkäyäsma ukkhatpach ajllissma; jumax janïr yurkäyät ukkhatpach nayax yaqhachassma; markanakan profetapäñamatakiw jumarux uchsma” sasa.

Mateo 27:43

Diosaruxay jupax alkatchixa, munaschi ukax jichhax jupar qhispiypanaya. Jupasti: “Diosan Yuqapätwa” sischixaya —sasa.

Mateo 27:54

Jesusar uñjir capitanampi, soldadonakampisti, uraq khathatimpi, taqi kunatix luraskäna ukanakampi uñjasax, axsarañat sapxäna: —¡Aka jaqix chiqpachapuniw Diosan Yuqapätayna! —sasa.

Lucas 1:35

Angelasti sänwa: —Qullan Ajayuw jumxar jutani, ukatsti alaxpach Diosan ch'amapaw mä qinayjam jumarux imxattätam. Yurkani uka wawax Diosan Qullan Wawapa satarakïniwa.

Juan 10:35

Kuntix Qillqatan siski uk sum yattanxa, uk janiw ina ch'usar tukuyksnati; Diosasti, khitinakatix arunakap katuqki ukanakarux “diosanaka” sasaw sutichäna.

Juan 17:18

Kamisatix nayarux akapachankirinak taypir khithanistaxa, uka pachparakiw jupanakarux akapachankirinak taypir khitta.

Juan 17:21

Awkixay, jupanakan mayakïpxañapatakiw maysma, ukhamarak jiwasampis mayakïpxañapataki, kamisatix jumax nayankta, nayas jumankarakta ukhama, ukhamat akapachankirinakan juman nayar khithanitam iyawsañapataki.

Juan 17:8

jupanakarusti juman arunakam churta, jupanakasti katuqapxiwa. Jichhasti nayan jumat jutatax yatipxi, uksti iyawsapxarakiwa.

Juan 19:7

Judeankir jilïr jaqinakasti sapxarakïnwa: —Mä kamachiw nanakan utjapxitu, uka kamachirjamasti, Diosan Yuqap tukutap laykux jiwañapawa —sasa.

Juan 20:28

Ukatsti Tomasix sänwa: —¡Tatituxay, Diosaxay! —sasa.

Juan 20:31

Ukampis kunanakatix akan qillqatäki ukanakax Jesusan Cristötapa, Diosan Yuqapätap iyawsapxañamatak qillqatawa, jupar iyawsasinsti, wiñay jakañ katuqapxañamataki.

Juan 3:17

Diosax janiw Yuqap akapachar juchañchañatak khithankiti, jan ukasti akapachan jupa tuqi qhispitäñapatakiw khithani.

Juan 3:34

Diosan khithanitapax Diosan arunakap parli, Diosax Ajayup jilarkir churatap layku.

Juan 5:30

“Janiw nayax munañaxat kuns lurkiristti. Nayax Awkixan arsutaparjamaw taripta, taripäwixasti chiqawa, janiw nayax munañaxarjam lurañ munkti, jan ukasti khithankitu uka Awkixan munañap lurta.

Juan 6:27

Janiy tukusir manq'a layku irnaqapxamti, jan ukasti wiñay jakañ churir manq'a laykuy irnaqapxam. Aka manq'sti naya, Jaqin Yuqapaw churapxäma, Dios Awkisti niyaw nayan ch'amanïtax uñacht'ayapxtam —sasa.

Juan 6:38

Nayasti janiw alaxpachat munañax lurasir jutkti, jan ukasti, khithankitu uka Awkixan munañap luririw jutta.

Juan 6:57

Khithankitu uka Awkix jakañaniwa, nayasti jupïpan jakaskta; uka pachparakiw khititix nayat manq'ki ukax nayïpan jakani.

Juan 6:69

Nanakax iyawsxapxtwa, jumax jakkir Diosan Yuqapa Cristötam yatipxarakta —sasa.

Juan 8:42

Jesusasti jupanakarux sänwa: —Chiqpachan Diosatix awkimäspa ukaxa, jumanakax munapxitasmawa, nayax Diosat jutta ukat akankarakta. Janiw nayax munañaxat jutkti, jan ukasti Diosaw nayarux khithanitu.

Romanos 8:3

Diosax kuntix Moisesan kamachipax jan lurkän uk phuqhawayi, jaqin janchi kankañanïtap laykuw ukax jan luraskänti: Diosasti jupan mä sapa Wawap khithani, juchan jaqjam janchi kankañani, jucha layku jiwiri, ukhamat janchi kankañanïkasin juchar t'unjañataki.

Romanos 9:5

Jupanakax nayra awkinakasan wawanakapawa; Cristox janchi tuqin jupanak taypit juti, jupasti taqi kunxar Diosawa, wiñayatak yupaychatäpan. Ukhamäpan.

Gálatas 4:4

Ukampis arsut urux phuqhasiwayki ukapachaw, Diosax Yuqap khithani, mä warmit yurisa, judío jaqjamaw kamachi arunakar phuqhas jakarakïna.