Juan 1:45 - Qullan Arunaka DC

⁴⁵ Felipesti Natanaelar thaqhiriw saräna, ukat sarakïna: —Moisesax khitittix kamachin qillqkäna, profetanakas qillqkarakïna juparuw jikxatapxta. Ukasti Nazaret markankir Josean yuqap Jesusawa, —sasa.

Aymar Bibliia 1986

⁴⁵ Felipesti Natanael thakeriw saräna, ucatsti saraquïnwa: —Uñjapjjtwa cawquïri chachjjattejj Moisesajj ley libropanjj kellkcänjja, uqhamarac qhitjjattejj profetanacas kellkcänjja uca chacharu. Ucasti Jesusawa, Nazaret marcanquiri Josean yokapa —sasa.

Qullan Arunaca

⁴⁵ Felipesti Natanael thakeriw saräna, ucatsti saraquïnwa: —Uñjapjjtwa cawquïri chachjjattejj Moisesajj ley libropanjj kellkcänjja, uqhamarac qhitjjattejj profetanacas kellkcänjja uca chacharu. Ucasti Jesusawa, Nazaret marcanquiri Josean yokapa —sasa.

Juan 1:45 Jak'a apnaqawi uñst'ayäwi

Génesis 22:18

aka uraqinkir taqi markanakarakiw jupanak tuqi aski waxt'äwinak katuqani, nayar ist'atamata” —sasa.

Génesis 3:15

Warmimpi jumampisti wiñayaw timasipxäta, uka warmin wawanakapampi, juman wawanakamampis timasipxarakiniwa. Warmin wawapasti p'iqit takxatätam, jumasti kayu wintut achjarakïta —sasa.

Génesis 49:10

Janiw khitis Judá markarux ch'amanïñ kankañap apaqkaniti, janirakiw khitis jilïr kankañ thujrupsa amparapat apaqkaniti, aka uraqpachar apnaqkani uka chiqpach reyin jutañapkama.

Isaías 4:2

Uka urux purinkani ukapachasti, jupanakax taqi kunan phuqt'ataw suman jakasxapxani. Markaxasti wali jach'ar tukt'asaw jakxani, kuna achunaktix uraqipax churkani taqi ukanakata. Khitinakatix Jerusalén markan qhiparapkani ukanakarusti, janiw taqinir mutuykäti, pachpa markan jakapxañapatakiw wakichä, ukatsti “Tatitun ajllit markapa” sas sutichatäpxaniwa.

Isaías 53:2

Tatituw jupan luqtiripan mä machaq alir uñtat jilañap muni, waña uraqirus saphintañap munaraki. Janiw jupax jiwakïkänti, janiw jach'äkarakïnsa, uñnaqapasti janiw munañjamäkänti;

Isaías 7:14

Tatitu kipkaw jumanakarux mä chimpu churasipkätam: Tawaqux usur jaqiptatawa, mä yuqall wawa wawachasini, Emanuel sasarakiw sutichani, ukasti “Tatitusti jiwasampïskiwa” sañ muni.

Isaías 9:6

6 (5) Mä wawawa jiwasatak yuri, Tatituw mä yuqall wawa churistu, uka wawawa jichhax ch'amampi apnaqani. Akham sasaw sutichapxani: Amtäwinakapanxa Muspharkaña, jan atipjkay Tatitu, wiñay Awki, sumankañan Jilïripa, sasa.

Miqueas 5:2

2 (1) Jumasti, Belén Efrata, Judá uraqinkir markanakatxa jisk'akïtawa, jumat Israel markar mayni apnaqirix mistuni, ukasti nayra wila masinak taypit saraqiriwa.”

Zacarías 6:12

Juparusti sarakim: ‘Taqi ch'amani Tatitux siwa: Machaqa Külli sutini chachatxa, kipka saphinakapat mistusin Tatitun utap wasitat sayt'ayani.

Zacarías 9:9

¡Sión marka, walpun kusisim! ¡Jerusalén marka, kusisiñat q'uchum! Reyimaw juman ukar jutaski, chiqa kankañani, taqi atipt'añ churiri, mä jisk'a asno qallur qunxatata.

Mateo 10:3

Felipe, Bartolomé; Tomás, Romatak qullqi apthapir Mateo; Santiago, Alfeon yuqapa; Tadeo;

Mateo 13:55

¿Janit jupasti José k'ullu khithun yuqapäkisti? ¿Janit taykapasti María satäkisti? ¿Janit jupasti Santiago, José, Simón, Judas ukanakan jilapäkisti?

Mateo 2:23

Galilea markar purisinsti, Nazaret markar jakiriw sarxäna. Ukasti kuntix Diosax profetanak tuqi arskäna ukarjamaw phuqhasiskäna: “Nazaretankir Jesús satäñapataki”.

Mateo 21:11

Jaqinakasti sapxänwa: —Galilea uraqina, Nazaretankir Jesús, profetawa —sasa.

Marcos 14:67

Pedror nina jak'an junt'uchasiskir uñjasinsti, jupar wal wal uñkatasin säna: —¡Jumax Nazaretankir Jesusampi chikäskarakïyätasä! —sasa.

Marcos 6:3

¿Janit akasti Marian k'ullu khithu yuqapäkisti, jilanakapas Santiago, José, Judas, Simón ukanakäkisti? ¿Janirakit kullakanakapasti jiwasanak taypin jakapkisti? —sasa. Ukat jupanakax Jesusar jan yäqapkänti.

Lucas 18:37

Juparusti sapxänwa: Nazaretankir Jesusaw uka chiq saraski, sasa.

Lucas 2:4

Ukat Joseax Galileankir Nazaret markat mistusinxa Judeankir Belén markaruw saräna, kawkhantix Davidax yurkatayna ukaru, Josean Davidan wila masipat jutirïtap layku.

Lucas 2:48

Awkipampi taykapampisti jupar uñjasax wal muspharapxäna; ukat taykapax säna: —¡Ay wawa! ¿Kunatarak ukham lurapxistasti? Awkimampi nayampix wali llakt'ataw thaqhasipxsma —sasa.

Lucas 24:27

Ukatsti kawkha chiqanakantix Qillqatanakan jupa tuqit parlkän uk jupanakar qhanañchäna, Moisesan qillqatapat qalltasina, profetanakan qillqatapar puriñkama.

Lucas 24:44

Ukat jupanakarux sarakïna: —Kunatix nayamp luraski ukax, kuntix jumanakampïkasa sapkäyäsma ukaw lurasiski: taqi kunatix naya tuqit qillqatäki Moisesan kamachipana, profetanakan qillqatapana, ukhamarak Salmonakana, taqi ukanakaw phuqhasiski.

Lucas 3:23

Kunapachatix Jesusax lurañap qalltkän ukkhaxa, niy kimsa tunka maranïnwa. Amuyatatxa jupax Josean yuqapänwa. Joseasti Elí chachan yuqapänwa,

Lucas 4:22

Jaqinakasti taqiniw Jesusat sum parlapxäna, jupan suma arunakap jupanakar parlt'atapat muspharasipxäna. Ukatsti Jiskt'asipxänwa: —¿Janit akax Josean yuqapäki? —sasa.

Juan 1:44

Felipex Betsaida markankirïnwa, Andresampi Pedrompisti uka markankirïpxarakïnwa.

Juan 12:21

Jupanakasti Feliperuw jikxatapxäna, jupax Galilea uraqinkir Betsaida markankirïnwa, ukat jupar achikt'asipxäna: —Tata Felipe, Jesusar uñjañ munapxta —sasa.

Juan 14:8

Felipesti Jesusarux sänwa: —Tatay, Awkir uñacht'ayapxita, ukampix phuqhatakïpxäwa —sasa.

Juan 18:5

Jupanakasti sapxänwa: —Nazaretankir Jesusaruw thaqhapxta —sasa. Jesusasti jupanakarux sänwa: —Nayätwa —sasa. Aljantir Judasasti jupanakampïnwa.

Juan 18:7

Jesusasti wasitat jupanakar jiskt'äna: —¿Khitirus thaqhapxta? —sasa. Jupanakasti sapxarakïnwa: —Nazaretankir Jesusaruw thaqhapxta —sasa.

Juan 19:19

Pilatosti cruzar uskuyañatak mä qillqat luratayna, akham sasa: “Nazaretankir Jesús, judionakan Reyipa” sasa.

Juan 21:2

Uka chiqan tantacht'atäpkän ukanakax akïrinakänwa, Simón Pedro, Ispa sat Tomás, Galilea uraqin Caná markankir Natanael, Santiago, Juan, jupanakax Zebedeon yuqanakapa, ukhamarak Jesusan yaqha pani yatiqirinakapampi.

Juan 6:42

Sapxarakïnwa: —¿Janit jupasti Josean Jesús yuqapäkisti? Jiwasanakax awkiparusa, taykaparus uñt'apxtanwa. ¿Kamisarak sanisti: “Alaxpachat saraqanta” sasasti?

Juan 6:5

Jesusax walja jaqinakan jupar arkanitap uñjäna, ukatsti Feliperuw säna: —¿Kawkitarak aka jaqinakatak manq'a alaniñänisti? —sasa.

Juan 6:7

Felipesti ukxarux sänwa: —Pä patak urun irnaqas jikxatat qullqimpi t'ant'a alksna ukas kunatakïkaspati sapa maynir mä jisk'akam churañatakisa —sasa.

Hechos 10:38

Diosaw Qullan Ajayun ch'amap jupar churarakïna. Jesusax askinak lurasaw sarnaqäna, supayan munañapan t'aqhisiyat jakapkän uka jaqinakar k'umarachasa, Diosan jupampïtap laykuw taqi ukanak luräna.

Hechos 2:22

“Israelitanaka, aka arunak sum ist'apxita: Diosax jumanak taypin Nazaretankir Jesusan munañanïtap uñacht'äwayi, jupa tuqi jach'a muspharkañ luräwinaka, unañchäwinak lurasa, uka luratanaksti jumanakax sum yatipxtaxa.

Hechos 22:8

Nayasti ukxarux sistwa: ‘Tatay, ¿khitirakïtasti?’ sasa. Uka arusti situwa: ‘Nayax Nazaretankir Jesusätwa. Nayaruw arknaqaskistaxa’ sasa.

Hechos 26:9

“Nayrax, naya pachpaw Nazaretankir Jesusan sutip jisk'achas jan walinak lurañ amtäyäta.

Hechos 3:6

Ukampis Pedrox jupar sänwa: —Janiw qurisa, qullqis utjkituti, ukampis kunatix utjkitu uk churäma: Nazaretankir Jesucriston sutiparuw sisma, sayt'asim, sartarakim —sasa.