Josué 7:5 - Qullan Arunaka DC

⁵ uka markankir jaqinakasti niya kimsa tunk suxtani israelit jaqinakaruw jiwarayapxäna, mayninakarux markan punkunakapat qala ch'iyañ chiqakamaw arktapxäna, uka aynachan jupanakarux tukjapxäna. Ukhamïpan israelitanakax chuyma mayjt'at uñjasipxäna, ch'amanakapsa jiwt'ayasipxarakïnwa.

Aymar Bibliia 1986

⁵ Hai sat marcanquir jakenacasti israelitanacarojj quimsa tunca sojjtani jakenac jiwarayäna; mayninacarusti marcan puncupat kala ch'iyañ chekacamaw arctapjjäna, uca aynachan atipjapjjaraquïna; uqham uñjasinsti take Israel marcpachaw chuyma mayjt'at uñjasipjjäna ch'amanacapsa thayjtayasipjjaraquïna.

Qullan Arunaca

⁵ Hai sat marcanquir jakenacasti israelitanacarojj quimsa tunca sojjtani jakenac jiwarayäna; mayninacarusti marcan puncupat kala ch'iyañ chekacamaw arctapjjäna, uca aynachan atipjapjjaraquïna; uqham uñjasinsti take Israel marcpachaw chuyma mayjt'at uñjasipjjäna ch'amanacapsa thayjtayasipjjaraquïna.

Josué 7:5 Jak'a apnaqawi uñst'ayäwi

Salmos 22:14

14 (15) Nayasti waranukut umjamätwa, ch'akhanakaxas qhaqhanukutkamakiwa; chuymaxasti lik'ir uñtataw naya manqhan umatati,

Salmos 58:7

7 (8) Ch'umarir umar uñtat chhaqtapxpan; takisit qurar uñtat pharsupxpan;

Isaías 13:7

Ukapachasti taqi jaqinakaw ch'am jiwt'ayasipxani, janiw kunatakis ch'amanakapax utjkxaniti,

Ezequiel 21:7

7 (12) Ukattix jumaru jiskt'apxätam ¿kunatsa jachta sasaxa? Jupanakarux sarakim: Mä jan wali lurasïwin puriniñap yatta, taqi jaqinakasti jan ch'amanjamaw uñjasipxani, jan kunsa lurirjama, taqpachanin chuymapax llakthaptani; taqinis axsarañat khathatipxani. Ukasti niyaw purisinki, phuqhasiñapasti niya jak'ankxiwa, sasa. Naya, Tatituw uk arsta.”

Levítico 26:36

“Khitinakatix jumanakat uka uñisirin uraqipan jakasipkakini ukanakarusti, walpun axsarayä, mä quqa laphin jalaqtatapatsa khathatipxätawa; mä jaqis jumanakarux espada ayt'at arknaqkaspa ukham jaltxapxäta, ukatsti jan khitin arknaqkataw liwirtapxäta;

Nahúm 2:10

10 (11) T'unjata, ch'usa wasarar tukuyata, jachkañ lurjataw Nínive markax uñjasi. Chuymanakapas axsarañat tukusiwayxiwa, kayunakapas wal khathatiraki, taqinis ch'ama thayjtatkamakiwa, ajanunakapasti q'illuw tukuwayxi.

Deuteronomio 1:44

Ukatsti uka qullunakan jakir amorreo jaqinakaw jumanakamp nuwasir mistunipxäna, jupanakasti wayrunqunakar uñtataw alisinipxtamxa, ukatsti atipjapxtamwa, Seír chiqat qalltasina, Hormá sat chiqakama.

Josué 2:11

Ukanak ist'asax walpun axsarapxta, janirakiw khitis jumanakampi nuwasiñ munkiti. Jumanakan Tatitu Diosamax alaxpacha, akapacha apnaqir Diosawa.

Josué 2:9

—Nayasti Tatitun aka uraqi jumanakar churatap yattwa, nanakax jumanakat parlir ist'asax wal axsarayasipxta. Aka markankirinakax taqiniw jumanakat ist'asax axsarañatsa khathatipxi.

Josué 5:1

Jordán jawirat inti jalanta tuqinkiri amorreo reyinakasa, Mediterráneo jach'a quta jak'ankir cananeo reyinakasa, kunjämtix Tatitux Jordán jawir wañt'ayas israelitanakar makhataykatayna uk yatipxäna, uk yatisasti, uka reyinakax wal axsarayasipxäna, ukatsti jupanakampi nuwasiñxa wal axsarapxäna.