Josué 3:1 - Qullan Arunaka DC

¹ Qhipürusti, Josué chachampi, taqpach israelitanakampix Sitim sat chiqat wali willjtaw mistuwayapxäna, ukatsti Jordán jawir chiqaruw puripxäna; janïr makhatkasasti ukawjaruw utjnuqtapxäna.

Aymar Bibliia 1986

¹ Josué chachajj khepärmanthejj wali alwat sartasïna, ucatsti take israelit jakenacampiw Sitim sat chekat mistuwayapjjäna Jordán jawirar purisina, ucanwa samarapjjaraquïna janïr jawir maqhatcasina.

Qullan Arunaca

¹ Josué chachajj khepärmanthejj wali alwat sartasïna, ucatsti take israelit jakenacampiw Sitim sat chekat mistuwayapjjäna Jordán jawirar purisina, ucanwa samarapjjaraquïna janïr jawir maqhatcasina.

Josué 3:1 Jak'a apnaqawi uñst'ayäwi

Génesis 21:14

Qhipärmanthi willjtasti, Abrahamax Agar warmirux t'ant'ampi, mä uman lip'ichi wayaqampi churäna, ukanak q'ipxaruyasasti, Ismael wawapar irpxaruyasaw khithanukxäna. Agarasti sarawayxänwa, Beerseba wasara tuqinarak khuy aka sarnaqäna.

Génesis 22:3

Qhipärmanthi willjtasti, Abrahamax sartasisin phäña lawa ch'iyjäna, nakt'ayat wilañchataki. Ukatsti asnopa karunt'asin kawkharutix Diosax siskatayna uka chiqaruw saräna. Isaac wawapampi, pani uywatapamp chika.

Salmos 119:60

Jank'akiw sartasta, jan suyasarakiw arsutanakam phuqta.

Jeremías 25:3

“Kunapachatix Amón jaqin yuqapa Josiasax Judá uraqi tunka kimsan mara apnaqaskäna ukat jichhakamaxa, niya pä tunka kimsan maranakäxiwa, Tatitusti ukkhatpachaw nayarux parlitäna, ukatsti nayax jumanakarux mayamp mayampi parlapxaraksma, ukampis jumanakax janiw nayarux ist'apkistati.

Jeremías 26:5

nayar luqtir profetanakan arunakaparus janirak ist'apkani, uka profetanaksti nayax mayamp mayampi khithanta, jumanakasti jupanakarux janiw ist'apktati,

Jeremías 7:13

Nayasti mayamp mayampi jumanakar ñanqha luratanakamat iwxapxsma, ukampis jumanakax janiw nayar ist'apkistati, janirakiw jaysapkistasa. Naya, Tatituw uk arsta.

Miqueas 6:5

Markaxay, jichhax amtasimaya Moab uraqinkir Balac reyipan amtatanakapxa, ukhamarak kuntix Beor sat Balaam yuqapax siskäna ukanakata. Kunapachatix Sitim chiqat Guilgal chiqar sarkäyätas uk amtasirakimaya, Pachpa Tatituw atipjäwinakapsa jumarux churaraktam.”

Números 25:1

Israelitanakax Sitim chiqan utjantasipkän ukapachasti, chachanakax moabita warminakampiw wachuq jucha lurañ qalltapxäna,

Marcos 1:35

Willjtanxipansti, Jesusax ch'amakäkipan markat mä wasar chiqaruw Diosat mayisir mistuwayäna.

Josué 2:1

Josué chachax Sitim chiqat pani uñaqir jaqinak jamasat khithäna, jupanakarusti sänwa: “Sarapxam, kunjamätaynasa uka uraqixa, Jericó markasa uk uñaqanipxam” sasa. Jupanakasti sarapxänwa, Jericó markar purisax mä jan wali sarnaqir warmin utaparuw puripxäna, sutipax Rahab satänwa, uka arumax ukan qurpachasipxäna.

Josué 6:12

Qhipürusti, Josué chachax wali willjtat sartasïna, sacerdotenakasti Tatitun arcap apxarupxäna.

Josué 6:15

Paqallqüri urusti willjtat sartasin wasitat Jericó marka muytapxäna, kunjämtix nayrïr urunakax lurapkatayna ukhama, ukampis uka urux paqallqu kutiw marka muytapxäna.

Josué 7:16

Qhipürusti, Josué chachax willjtat sartasïna, ukatsti israelit jaqinakarux ayllutkama tamachas Tatitun nayaraqatapan uñstayäna. Tatitusti Judá aylluruw uñstayäna.

Josué 8:10

Qhipürusti, Josué chachax willjtat sartasisax jaqinakaparuw tumpthapïna. Ukatsti Israel markan jilïrinakapampi chikaw ejercitop nayraqata sarantäna, Ai markar katuntañataki.

Jueces 20:19

Ukhamasti israelitanakax willjtat sartasipxäna, ukatsti Guibeá marka uñkatasiruw utjnuqtapxäna.

1 Samuel 17:20

Qhipürusti, Davidax wali willjtat sartasïna, ukatsti mayniru ovejanakap jaytawayasin kunanaktix Jesé awkipax churkatayna ukanak apt'ataw saräna. Campamentor purxän ukkhasti, soldadonakax nuwasiri mistuñatakiw wakichasiskäna, nuwasiñ arunak arnaqasipxarakïna.