Josué 2:24 - Qullan Arunaka DC

²⁴ Juparusti sapxänwa: “Tatitux taqi uka uraqinak amparasaruw katuyistu, jichhasti uka uraqin jakir jaqinakax jiwasat yatisax axsarañat wal khathatipxi —sasa.

Aymar Bibliia 1986

²⁴ Jupanacasti Josué chacharojj sapjjänwa: “Diosajj take uca orakenac jiwasaruw churistu; jichhasti uca oraken jaquir jakenacajj jiwasat yatisajj wal qhathatipjje” sasa.

Qullan Arunaca

²⁴ Jupanacasti Josué chacharojj sapjjänwa: “Diosajj take uca orakenac jiwasaruw churistu; jichhasti uca oraken jaquir jakenacajj jiwasat yatisajj wal qhathatipjje” sasa.

Josué 2:24 Jak'a apnaqawi uñst'ayäwi

Éxodo 15:15

Edom markankir jilïrix mayjt'asiniwa; Moab markankir jilïrinakax axsarañat khathatini, Canaán markankir jaqinakasti taqiniw ch'amap thayjtayasini.

Éxodo 23:31

Uraqiman qurpanakapax akhamäniwa: Mar Rojo qutata, Mar Mediterráneo jach'a qutkama, ukatsti wasarata Éufrates sat jawirkama. Nayaw uka uraqinakan jakir jaqinakarux amparamar katuyäma, jumasti nayraqatamat jupanakar alisnuküta.

Proverbios 25:13

Kunjämtix junt'u urun khunu thayax thayart'ayki, ukar uñtataw yatiyir aski jaqixa, uywiripan chuymapsa juyart'ayiwa.

Josué 1:8

Kuntix Tatitun kamachi qillqatapanxa siski ukanak amtasipunïtawa, uruy arumaw lup'irakïta, kuntix uka arunakan siski ukhamarjam phuqhañamataki. Ukhamat taqi luräwinakamax sumaru sarani.

Josué 2:23

Ukatsti uka pani uñaqanakax qullunakat saraqanxapxäna, Jordán jawir makhatasinsti Josué chachan ukaruw sarapxäna, kunanakatix luraskatayna ukanak yatiyapxäna.

Josué 5:1

Jordán jawirat inti jalanta tuqinkiri amorreo reyinakasa, Mediterráneo jach'a quta jak'ankir cananeo reyinakasa, kunjämtix Tatitux Jordán jawir wañt'ayas israelitanakar makhataykatayna uk yatipxäna, uk yatisasti, uka reyinakax wal axsarayasipxäna, ukatsti jupanakampi nuwasiñxa wal axsarapxäna.

Josué 6:2

Ukampis Tatitux Josué chacharux sänwa: “Nayaw jumarux Jericó marksa, reyipsa, soldadonakapsa amparamar katuysma.

Josué 8:1

Tatitux Josué chacharux sänwa: “Jan axsaramti janirak mayjt'asimsa. Taqpach ejercitomampi Ai markar nuwantir sarxarum, nayaw Ai markan reyiparu, jaqinakaparus atipt'ayäma. Markapasa, uraqinakapas jumankaniwa,

Jueces 1:2

Tatitusti jupanakarux sänwa: “Judá ayllunkiriw nayraqat nuwasiñapa, nayax jupanakaruw uka uraqi katuyä” sasa.

Jueces 18:10

Ukawjar purisinsti jaqirux wali kusisita, jach'a uraqinakani jikxatapxäta, jupanakarux janiw kunas pist'kiti. Diosaw uka uraqinak churapxätam —sasa.

Jueces 7:9

Uka arumasti Tatitux Gedeonar sänwa: “Sartasim, madianitanakar katuntir saram, nayaw jupanakxa amparamaru katuyäma.