Jonás 3:8 - Qullan Arunaka DC

⁸ Ukatsipana, llakisiñat taqinis chhankha isinakampi uchasipxam, taqi ch'amampi Tatitur art'asipxam, sapa maynirak jan wali sarnaqäwipa, jan wali luräwinakap jaytanukpan;

Aymar Bibliia 1986

⁸ Ucatsipana, takenis chhanqha isinacampi isintasipjjpan, take ch'amapampi Diosat art'asipjjpan, sapa maynirac jan wali sarnakäwipjja jaytjjapjjpan, jan walinac luras sarnakcchi ucanacasa.

Qullan Arunaca

⁸ Ucatsipana, takenis chhanqha isinacampi isintasipjjpan, take ch'amapampi Diosat art'asipjjpan, sapa maynirac jan wali sarnakäwipjja jaytjjapjjpan, jan walinac luras sarnakcchi ucanacasa.

Jonás 3:8 Jak'a apnaqawi uñst'ayäwi

Job 16:17

janiw nayan khitir ñanqha lurataxas utjkiti, jupar mayisitaxasti q'umawa.

Job 36:10

Jupanakan chiqachasiñapatakiw parli, ñanqha luräwinakap apanukupxañapatakiw mayiraki.

Isaías 58:6

chiqpachansa janiw ukax ukhamäkiti. Kawkïri ayunotix kusisiykitu ukax akawa: ina ch'usat katuntatanakar antutxañawa, t'aqhisiyatanakar antutxañawa, jan suman uñjañanak apanukxañawa;

Isaías 59:6

Uka simpanakampisti janiw kuna isis luraskaspati, janiw khitis jupanakan sawutanakapampix isiskaspati. Luratanakapax ñanqhakamakiwa, amparanakapasti jaqir nuwañak munasipki,

Jeremías 18:11

“Jichhax Jerusalén markan jakir jaqinakaru, Judá uraqin utjirinakarus sarakim, naya Tatituw jupanakar sista: ‘Jumanakar jan walt'ayañatakiw amtaskta; jumanakar mutuyañ amtaskta. Ukhamax jan wali sarnaqäwinakam apanukupxam, luräwinakamsa, sarnaqäwinakamsa askichasipxarakim’ sasa.

Jeremías 25:5

Uka profetanakasti jumanakarux sapxäyätamwa: ‘Jan wali sarnaqäwinakama, jan wali luräwinakam apanukupxam, ukhamat kawkïr uraqtix Tatitux jumanakarusa nayra awkinakamarus churkatayna ukan wiñayatak jakapxañamataki.

Jeremías 26:3

Ist'apxätam ukasti, jan wali luratanakapsa apanukupxani ukkhasti, janiw jupanakarux kunjämtix amtkäyäta ukham mutuykxäti.

Jeremías 36:3

Inas ukhamat Judá uraqinkir jaqinakax kuna t'aqhisiñanaktix apayaniñ amtkta ukanak yatisin, jan wali luräwinakap apanukxapxchini, nayasti jupanakarux jucha luratanakapatsa pampachxarakirista” sasa.

Ezequiel 33:11

Jichhasti jupanakarux sarakim: Naya, Tatituw juramentompi arsta, janiw nayax qhuru jaqin jiwañap munkti, jan ukasti uka qhuru jakañap apanukusin jakañap munta. Israelitanaka, ¡jumanakax uka jan wali sarnaqäwinakam apanukupxam! ¡Kunatix jan walïki uk jan lurapxamti, ukhamat jan jiwapkätati!’ sasa.

Daniel (hebreo) 4:27

27 (24) Ukhamïpansti, reyixay, kuntix iwxkäma ukarux jaysitaya: taqi kuns chiqaparupun uñjam, janirak juk'amp juchachaskxamti, ñanqha luräwinakam apanukum, jan kunaninakar yanapt'arakim. Inas ukhamat juma reyix sumankañampina, qamir kankañampin jakaskakchisma’ ” sasa.

Joel 1:14

Markarusti tantacht'apxam, ayuno lurapxam; jilïr jaqinakaru, aka markan jakir taqi jaqinakarusa, Tatit Diosapan utapar tantachapxam, Tatitut mayisipxarakim.

Jonás 1:14

Ukatsti Tatituruw art'asipxäna: “Tatay, aka jaqin juchap laykux janikiy jiwañanakax munamti, aka jaqitix jan juchanïkasin jiwani ukkhasa, janirakï juchañchapxistati, ukampis jumax Tatay, munañamaruw lurtaxa” sasa.

Jonás 1:6

Barco apnaqir capitanasti Jonasar jak'achasisax sänwa: —¿Kunatarak akan ikisktasti? ¡Sartasim, Diosamar art'asim! Inach khuyapt'ayasisin qhispiyaskistani —sasa.

Mateo 3:8

Jichhasti jumanakax sumay sarnaqapxam, Tatitur kutikipstapxatamatsti aski luräwinak uñacht'ayapxam,

Hechos 26:20

Ukatsti, Damasco markankirinakaruw nayraqat Tatitun arunakap yatiyta, ukxarusti Jerusalén markankirinakaru, Judea uraqinkirinakaruw yatiyarakta, jan judiöpkis ukanakarusa, jan wali luräwinakap apanukusin Diosar kutikipstapxañapataki, kutikipstapxatapat aski luräwinakamp uñacht'ayasa.

Hechos 3:19

Ukhamasti jan wali lurañanak apanukusin kutikipstapxam, Diosar makhatapxam juchanakam pampachañapataki,

Apocalipsis 11:3

Nayasti pani profetanakaruw khithanï nayan chiqpach yatiyäwix parlapxañapataki. Jupanakarusti chhankha isinakampi isthapit khithanï, profecía arunak uka waranqa pä pataka suxta tunkani urun yatiyapxañapataki” sasa.