Jonás 3:6 - Qullan Arunaka DC

⁶ Nínive markan reyipax uka yatiyäwinak ist'käna ukapachasti, qunuñapat sartasin suma isinakap apsusisax chhankha isinakampiw isthapisïna, ukatsti qhillxaruw qunt'asirakïna.

Aymar Bibliia 1986

⁶ Cunapachatï Nínive marcan reyiparu uca yatiyäwinacajj purïna ucqhajj, jupajj konuñapat sartasinjja, suma isinacap apsusisinjja, llaqui isimpiw isintasiraquïna, ucatsti khelljjaruw kont'asiraquïna.

Qullan Arunaca

⁶ Cunapachatï Nínive marcan reyiparu uca yatiyäwinacajj purïna ucqhajj, jupajj konuñapat sartasinjja, suma isinacap apsusisinjja, llaqui isimpiw isintasiraquïna, ucatsti khelljjaruw kont'asiraquïna.

Jonás 3:6 Jak'a apnaqawi uñst'ayäwi

1 Reyes 21:27

Ahab reyisti Eliasan taqi uka arunakap ist'asinxa, isip ch'iyanuqasïna, ukatsti chhankha isinak uchasisin ayuno luräna. Uka isimpiw ikïna, wali llakitaw sarnaqarakïna.

Job 2:8

Ukat Job chachax qhilla taypir qunur saräna, ukatsti ñiq'i phukhu p'akit jik'illitampiw janchip jat'isïna.

Job 42:6

Ukatpï jichhax laq'a taypina, qhilla taypin qunt'ata taqi arsutanakaxat chuym liq'istxa.

Isaías 15:3

Uta patxanakansa, plazanakansa, taqiniw chuyma usuyasipxi, jach'at wararipxaraki; markan k'ullk'u thakhinakapansa jaqinakax chhankha isimpi isthapitkamaw sarnaqapxi, jachkäwis niya tukusirpachäpxiwa.

Jeremías 13:18

“Reyirusa, reyin taykaparus sarakim: ‘Uka reyin qunuñapat saraqanipxam, uraqir qunt'asipxam, jumanakan p'iqimat suma k'achachir pillusti jalaqtxiwa.’

Jeremías 36:13

Miqueasasti kuntix ist'katayna kunapachatix Baruc chachax taqi jaqinak nayraqatan Tatitun arunakap ullart'käna ukanak yatiyarakïna.

Jeremías 36:24

Janiw reyisa, uka jach'a jilïrinakasa, uka arunak ist'asax axsartapkänti, janirakiw llakt'asipkänsa.

Jeremías 6:26

¡Markaxay, jichhax chhankha isinakampi isthapisim ukhamat t'aqhisitam uñacht'ayañataki; qhillar sunt'intam, llaki isinakampi isthapisim, ukatsti wal jacharakim, kunapachatix mä sapa yuqall wawax jiwki ukhama; jiwasar t'unjiristi jank'akiw jutantani!

Lamentaciones 2:10

Jerusalén markankir jilïr jaqinakas amukiw uraqin qunurxapxi, p'iqinakapxarus laq'ampiw jach'xatasipxi, chhankha isinakampiw uchasipxi. Jerusalén markankir tawaqunakasti p'iqinakapsa uraqkamaw alt'apxaraki.

Lamentaciones 3:29

llamp'u chuymampiw uraqir alt'añapa, inampis kuna suyt'añas utjaskaspa;

Ezequiel 26:16

Quta tuqinkir reyinakasti qunuñanakapat saraqanipxani, uka suma isinakapsa apsusipxaniwa; khathatt'asisaw uraqir qunt'asipxani; jumar uñjasasti, sapa kutiw wali mayjt'at khathatipxani.

Daniel (hebreo) 9:3

Nayasti Tatitu Dios tuqiruw uñtta jupar mayisisa, achikt'asisa, ayuno lurasa, chhankha isinakamp uchasisa, qhillar qunusaraki.

Miqueas 1:10

Jan jumanakax jachapxamti, janirak Gat chiqan jakirinakarus yatiyapxamti. Usuchatäkasinsa Polvareda sat chiqan laq'anakapar juk'ampi qurumsupxam.

Mateo 11:21

“¡Corazín marka, jumax llakkañätawa! ¡Betsaida marka, jumax kamachkakïta! Tiro markampina, Sidón markampintix taqi aka muspharkañanakax lurasisapän ukaxa, ukspachaw jupanakax llakisiñ isinakampi isthapita, Diosar kutikipstapxasapäna.

Lucas 10:13

“¡Ay, kunakïkani, Corazín marka! ¡Ay, kunakïkani, Betsaida marka! Tiro, Sidón markanakantix jumanak taypinjam muspharkañanak lurasisapänxa, niyaw jupanakax Diosar kutikipstapxasapäna; llaki isimp isthapita, qhillar qunusaraki.