Jonás 3:5 - Qullan Arunaka DC

⁵ Uka markankir jaqinakasti jach'at jisk'akamaw Tatitur iyawsapxäna, ayuno lurañ amtapxarakïna, llakisiñatsa chhankha isinakampiw isthapisipxäna.

Aymar Bibliia 1986

⁵ Uca marcanquiri jakenacasti jach'at jisc'acamaw Diosaru iyawsapjjäna. Ayunaña amtapjjäna, llaquisiñatsa chhanqha isinacampiw isthapisipjjaraquïna.

Qullan Arunaca

⁵ Uca marcanquiri jakenacasti jach'at jisc'acamaw Diosaru iyawsapjjäna. Ayunaña amtapjjäna, llaquisiñatsa chhanqha isinacampiw isthapisipjjaraquïna.

Jonás 3:5 Jak'a apnaqawi uñst'ayäwi

2 Reyes 19:1

Ezequías reyix ukanak ist'asinxa, llakisiñat isinakap ch'iyanuqasïna, chhankha isimpi uchasisinsti Tatitun utaparuw saräna.

2 Crónicas 20:3

Josafat reyisti axsarañat Tatituruw makhatäna, ukatxa ayuno lurañatakiw Judá uraqpachar yatiyäna,

Esdras 8:21

Uka qhipatsti, Ahavá sat jawir jak'an tantacht'asipxta, ukawjansti, mä ayuno lurañatakiw arsurakta, ukhamat Tatitun nayraqatapan alt'at chuymamp juchanakax uñt'asiñataki, ukhamarak nanakar sumaki irpañapataki, wila masinakaxarusa, nanakan yänakaxarus Jerusalenar puriñkam imañapataki.

Ester (hebreo) 4:1

Mardoqueox taqi kunatix utjkäna ukanak yatisinxa, isip ch'iyanuqasïna, llakisiñat chhankha isimpiw ist'asïna, p'iqipxarusti qhillampiw warxatasïna, wararisa, jachasisaw markan sarnaqäna.

Éxodo 33:6

Ukat, israelitanakax Horeb qullun jikxatasipkän ukkhatpach suma quri yänakap jan uchaskxapxänti.

Jeremías 31:34

Nayar uñt'añatakix janiw wakiskxaniti, maynit maynikama, masinakkama, wila masinakkam yatichasiñanakapaxa, taqiniwa jisk'at jach'akama nayarux uñt'apxitani. Nayasti jupanakarux ñanqha luratanakapat pampachäwa, jucha luratanakapatsti janirakiw mayampsa amtaskxäti. Naya, Tatituw uk arsta” sasa.

Jeremías 36:9

Joacín chachan Josías yuqapax, Judá uraqin phisqa mara llätunka phaxsimpi reyïkän ukapachaw mä amtäwix mistüna, taqi khitinakatix Jerusalén markan jakapki, Judá uraqin markanakapat jutapki ukanakas Tatit nayraqatan ayunapxañapataki.

Jeremías 42:1

Taqi jilïrinakasti, Caréah jaqin Johanán yuqapampi, Hosaías jaqin Azarías yuqapampi, taqi jaqinakampi, waynanaka, awki jaqinaka, taqi jupanakasti

Jeremías 42:8

Jeremiasasti Caréah jaqin Johanán sat yuqaparuw jawsäna, kawkïr jilïrinakatix jupampi chikäpkän ukanakaru, taqi jaqinakaru jisk'at jach'akama,

Daniel (hebreo) 9:3

Nayasti Tatitu Dios tuqiruw uñtta jupar mayisisa, achikt'asisa, ayuno lurasa, chhankha isinakamp uchasisa, qhillar qunusaraki.

Joel 1:14

Markarusti tantacht'apxam, ayuno lurapxam; jilïr jaqinakaru, aka markan jakir taqi jaqinakarusa, Tatit Diosapan utapar tantachapxam, Tatitut mayisipxarakim.

Jonás 3:7

Ukatsti, reyimpi, jilïrinakapampixa, taqi markpacharuw mä kamachi yatiyapxäna, akham sasa: “Janiw khitis kunsa manq'añapäkiti, uywanakarus janirak manq'añsa, umañsa churapxpati.

Mateo 12:41

Nínive markankir jaqinakasti, jichha urunakan jakirinakar juchañchiriw taripäwi urun sartanipxani; jupanakasti Jonasan yatiyäwip tuqiw Diosar kutikipstapxäna, ukampis jichhax Jonasat sipan juk'amp jach'ax mayniw akanki.

Lucas 11:32

Jichha urunakan jakir jaqinakar taripaskani uküruxa, Nínive markankirinakaw sartasipxani, ukat aka jaqinakar juchañchapxani; Nínive markankirinakax Jonasan yatiyäwip ist'asax, jan wali luratanakapat kutikipstanipxäna; ukampis khititix akankki jupax Jonasat sipan juk'ampi jach'awa.

Hechos 27:25

Ukhamasti tatanaka, ch'amañchasipxam, Diosan iyawsañaxaw nayan utji, angelax siskitu ukhamarjamaw phuqhasini.

Hechos 8:10

Taqiniw juparux wali suma ist'apxäna, jisk'at jach'a jaqikama, sapxarakïnwa: “Aka jaqix ‘Diosan jach'a ch'amapa’, sapki ukawa” sasa.

Hebreos 11:1

Iyawsañax taqi chuymampi katuqañ suyktan ukawa; jan uñjkasin taqi chuymampi iyawsktan ukawa.

Hebreos 11:7

Noé chachax iyawsäwi laykuw Diosar jaysäna, ukatsti mä barca luräna, utapankirinakar qhispiyañataki, kunapachatix Diosax jan uñjatäkänsa ukanakan lurasiñap yatiykän ukkhaxa. Noé chachax uka pachpa iyawsañampiw akapachankir jaqirux juchañchäna, ukham iyawsatap laykuw askit katuqatäna.

Apocalipsis 11:3

Nayasti pani profetanakaruw khithanï nayan chiqpach yatiyäwix parlapxañapataki. Jupanakarusti chhankha isinakampi isthapit khithanï, profecía arunak uka waranqa pä pataka suxta tunkani urun yatiyapxañapataki” sasa.