Joel 3:2 - Qullan Arunaka DC

² 2 (2) Markanakaxar katuntir markanakaruw tantacht'ä, Josafat qhirwa aynacharuw irpä, ukan jupanakarux uñt'asiyä kuntix Israel markaxampix lurapki ukanaka. Jupanakaw israelitanakarux taqi tuqir ananukupxäna, markaxan uraqipsti jalanuqasipxänwa.”

Aymar Bibliia 1986

² Take marcanacaruw tantacht'äjja, ucatsti Josafat valleruraquiw apäjja, ucanwa jupanacarojj uñt'asiyäjja take cuntejj Israel marcajjampejj lurapqui take ucanacatjja. Israelitanacarusti jupanacajj take tokeruwa ananucupjjejja, orakejjsti jaljasipjjaraquiwa.

Qullan Arunaca

² Take marcanacaruw tantacht'äjja, ucatsti Josafat valleruraquiw apäjja, ucanwa jupanacarojj uñt'asiyäjja take cuntejj Israel marcajjampejj lurapqui take ucanacatjja. Israelitanacarusti jupanacajj take tokeruwa ananucupjjejja, orakejjsti jaljasipjjaraquiwa.

Joel 3:2 Jak'a apnaqawi uñst'ayäwi

2 Crónicas 20:26

Pusïri urunsti Beracá sat qhirwan Diosar jach'añchañatakiw tantachasipxäna. Ukat uka chiqax jichhürkamasa Beracá sutimpi uñt'atäski, ukasti “Aski waxt'äwi katuqañ qhirwa” sañ muni.

Isaías 66:16

Jïsa, Tatitux ninampiw taripäwi lurani, taqi akapacharusti espadapampiw uñjani, waljanirurakiw jiwarayani.

Jeremías 12:14

Tatitusti Israel marka jak'ankiri ñanqha markanakaruxa, kawkïr uraqtix jupax Israel markaparu mä tuti churki uka uraqi t'unjirinakarux akham siwa: “Nayaw uka markanakarux uraqinakapat jik'inukü, Judá markarusti jupanak taypitxa apsunxarakïwa.

Jeremías 25:31

Jupan jach'at arnaqasitapasti akapach tukuskamaw ist'asi, Tatitusti jichhax taqi markanakaruw luratanakapatjam wayt'añ qalltani, taqi jaqinakarusti taripäwiruw jawsarakini, jan wali jaqinakarusti jiwañatakiw juchañchani. Tatituw uk arsu.’ ”

Jeremías 49:1

Tatitun arunakapa, Amón markataki: “¿Kawkinkis Israel markan wawanakapaxa? ¿Kawkinkis tuti katuqirinakapaxa? ¿Kunatsa jichhax Gad uraqix Milcom sat diosankxi? ¿Kunatsa amonitanakax Gad uraqin markanakapan jakapxi?

Jeremías 50:17

“Israel markasti leonanakan arknaqat mä chhaqhat ovejar uñtatawa. Asiriankir reyiw nayraqat manq'anti, ukxarusti Babiloniankir Nabucodonosor reyiw ch'akhanakamppach manq'antaraki.

Ezequiel 25:8

“Naya, Tatitusti saraktwa: Moabitanaka, jumanakax Judá markarux jisk'achapxtawa. Maya markanak kipkakiw sapxtawa.

Ezequiel 34:6

Jach'a qullunak tuqiruw aywitatawayxapxi, taqi akapach tuqinakaruw chhaqhanukuwayxapxi, ukatsti janiw khiti jupanakat llakiris utjkiti, janirakiw khitis jupanakar thaqhirix sarkiti.

Ezequiel 35:10

“ ‘Jumasti saraktawa: Israel uraqix paypach markapampix nayankaniwa; Tatitux ukan jakaskani ukasa, nayaw jupanakarux apnaqä, sasa.

Ezequiel 36:1

“Jumasti Ezequiel, nayan sutixar Israel markar parlam, arunakaxsti sum ist'apxpan.

Ezequiel 36:5

Tatitux akham siwa: Uka yaqha markanakataki, ukat juk'ampis Edom markatakix wali phiñasitapunïtwa, jupanakax wali kusisiñampiw nayan uraqinakax katuntasipxi, wali jisk'achjañampiw pampanakapan achunakapsa lunthatjapxi’ sasa.

Ezequiel 39:11

“Uka urunsti Gog jilïrin Israel uraqir imt'atäxañapatakiw mayirakï, Saririnakan Qhirwapa sata chiqana, quta uñkatasina. Janirakiw khitis uka chiqanjam sarakipkxaniti, ukan Gog jilïriru, taqpach ejercitoparu imantxapxani, ukatsti uka qhirwarux Gog chachan ejercitopan Qhirwapa sasaw sutichapxani.

Joel 3:12

12 (12) Taqi markanaka, wakichasipxam, Josafat qhirwarkam sarapxam, ukan Tatitux uka markanakar taripani.

Joel 3:14

14 (14) Tatitun urupan jak'ankxatapatxa, walja jaqinakaw Taripäwi sat qhirwan tantacht'atäpxi.

Amós 1:11

Tatitux akham siwa: “Edom markankir jaqinakax wali ñanqhanakpun lurawayapxi, ukat jupanakarux mutuyarakï; israelita jilanakaparu jan khuyapt'ayasis espada ayt'at arknaqapxatapata. Jach'a phiñasiñapasa, uñisiñapas jilanakapatakix jan tukuskirïnwa.

Miqueas 4:12

Ukampis uka markanakax janiw Tatitun amuyunakapsa, amtatanakapsa yatipkiti; kunjämtix Tatitux jupanakarux trigor uñtat pich pichu jawq'suñatak apthapkani ukxa.

Sofonías 3:8

Jichhaxa, ukham lurapxatanakamatxa, jumanakar mutuyañ urux jak'ankiwa. Naya, Tatituw Israel markan Diosapätxa, arsutaxarux phuqhapuniwa. Markanakar mayar tantachthapiñatakiw amtta, jach'a q'apisiñaxampiw uka markanakar mutuyä. Q'apisitäkta ukkhaxa, mä ninjamätwa; ¡aka uraqpach nakhantayarakïxa!

Apocalipsis 11:18

Jumar jan iyawsir markanakax q'apisitäpxiwa; ukampis q'apisiñam urux puriniwa, jiwatanakar taripkäta uka uruxa. Jumar luqtir profetanakarusti mä waxt'äwi churäta, qullan markamarusa, sutim waqaychirinakarus waxt'äwi churarakïta, jisk'arusa, jach'arusa; aka uraqi t'unjirinakarusti, jumax t'unjarakïtawa” sasa.

Apocalipsis 16:14

Ukanakasti ñanqhanakan ajayunakapänwa, muspharkañanak lurapxarakïna. Akapach taqpach reyinakar tantachiriw mistupxäna, taqi ch'aman Diosan jach'a urupan nuwasiñataki.

Apocalipsis 16:16

Uka ñanqha ajayunakasti mä chiqawjaruw reyinakarux tantachapxi, hebreo arunsti uka chiqax Harmagedón satawa.

Apocalipsis 16:6

Uka jaqinakax jumar katuyat jaqinakarusa, profetanakarus jiwarayapxänwa. Jichhasti jumax jupanakar wila umayaraktaxa. ¡Luratapatjam katuqasisipki!” sasa.

Apocalipsis 20:8

ukatsti pusi tuqinpach utjir markanakar sallqjiriw mistuni, Gog, Magog sat markanakar sallqjiri, ukatsti nuwasiñatakiw uka markanakan ejercitonakapar tantachthapini, ukanakasti quta iranan utjir ch'allar uñtatäniwa.